PSALMS 74:3 - Navajo Bible

³ Kints'iil hazlį́'ígóó ch'ídíínááł, áadi kin bii' sohodizin góne' ana'í t'áá ałtsoní nidayiishchxǫ'!

PSALMS 74:3 ပူးပေါင်းရင်းမြစ်များ

II KINGS 25:9

Áko Bóhólníihii bikin bii' sohodizin áádóó aláahgo naat'áanii bighan índa Jerúsalemgi daakinígíí t'áá át'é, t'áá éí kin aláahdi ádaat'éhígíí t'áá át'é iidiyiisk'ą́ą́'.

NEHEMIAH 1:3

Áádóó ádashidííniid, Yisnááh danilį́į́ nít'éé' yę́ę daadziihígíí ninádahaas'náanii éí kéyah haz'ą́ądi ayóó át'éego bich'į' nidahwii'ná áádóó bá nidahat'i'; Jerúsalem ditą́ągo binaa ahéé'ítł'inígíí naa'adahineezkaad áádóó bidáń'daditį́į́h yę́ę adahideezk'ą́ą́'.

NEHEMIAH 2:13

Áko honíts'aa' dáń'dítį́hí góne' ch'íníyáago na'ashǫ́'ii łibáhítsoh bitó hahadleeh bíighahgóó áádóó ts'iilzéí ch'éhégeeh bá ch'é'étiinjí yisháałgo Jerúsalem ditą́ągo binaa ahéé'ítł'inii ałtso nidahaasdáazgo áádóó dáń'daditį́hí adahideezk'ą́ą'go háísid.

NEHEMIAH 2:3

áádóó aláahgo naat'áanii ábidííniid, Bíni' aláahgo naat'áanii hool'áágóó hiná; jó, biniyéii baa yínííł nishłį́, háálá kin haal'á nít'é'ídi dashizhé'é yę́ę bii' yóó'ádaalyaa yę́ędi t'áá ádzaagóó nihidadíl'á áádóó dáń'daditį́hí adahideesk'ą́ą́'.

PSALMS 44:23

Bóhólníihii nílíinii, ch'éénídzííd! Ha'át'íísh bąą íłhosh? Nídiidááh! Hool'áágóó nahjį' kónihóólééh lágo!

PSALMS 44:26

Díldzíiłgo nihíká anilyeed! Aa a'ááh nínízinii binahjį' nihik'é niná'nídléego yisdánihínííł.

PSALMS 79:1

Diyin God nílíinii, níí' nilíinii bitahjį' ał'ąą dine'é anáásą́ągo nidahaazná; nikin bii' hodílzinii dayííłchǫ'; Jerúsalem kints'iil ádayiilaa.

ISAIAH 10:6

dine'é doo Diyin God k'ehgo ádaat'éii bich'į' hodeesh'aał, dine'é bich'į' t'óó báhádzidgo sháháchį'ii bich'į' hodeesh'aałgo bindaalye'é bighahizhdoo'nił áádóó jidoołnééł índa kintah da'nítiingi hashtł'ish bik'i nijighá nahalingo t'óó bik'i nizhdoogaał.

ISAIAH 25:10

Háálá díí dził si'ą́ągi Bóhólníihii déesnii' doo; naaldlooshii bichaan nideeztąądgi tł'oh naadą́ą́' bitsǫz yik'i naaskaígi át'éego Mó'ab dine'é yik'i nidoogaał.

ISAIAH 61:4

Áádóó ałk'idą́ą́' dahóóchǫ' yę́ę áńdeidoodlííł; doo siláhígóó haz'ánígóó nídahodiyoołnaał índa kin hadaas'áii nidahaazhchxǫ'ii, t'áá éí lą'í da'níchį́į́dę́ę́' t'áá ádzaii daazlį́į'ii áńdeidoodlííł.

JEREMIAH 52:13

Áádóó Bóhólníihii bikin bii' sohodizin áádóó aláahgo naat'áanii bikin áádóó Jerúsalemgi daakinígíí t'áá át'é índa diné dahayóii dabighan t'áá ałtso adeidiyiisk'ą́ą́'.

LAMENTATIONS 1:10

Hats'ą́ą́jí nilíinii hanaalye'é da'ílíinii t'áá ałtso néidiinil. Hanahagha' bá haz'ą́ góne' ał'ąą dine'é yah aheeskai; éí naa áłah néidleehgi doo nihitah hidookahgóó bee nihá háínídzíí' nít'éé'.

DANIEL 11:31

Bisiláo dah deínéehii t'áá bizááká hodílzingo bidziilgo bił haz'áanii deidoołchǫǫł áádóó t'áá áłahíjį' didlidgo nááhániihii nahgóó adeidiyoołtł'ił. Áko doo yildingóó ni'iiłchǫǫhii deidoosįįł.

DANIEL 9:17

Éí bąągo k'ad, nihiDiyin God nílíinii, ninaal'a'í nishłíinii shisodizin índa shiná'ookąąh shá diits'į́į́h, áádóó, Bóhólníihii nílíinii, nihodiyingo haz'ą́ągi t'áá ádzaaí silį́'ígíí ádá yá'át'éehgo baa tsídíkees.

DANIEL 9:27

Áko t'ááłá'í damóo azlį́į'jį' jilą'í bidziilgo hoł aha'didoot'ááł, nidi éí damóo aleehígíí ałníí'góó hoolzhishgo didlidgo nááhániihii índa náá'iiniihígíí áidoosįįł. Áádóó ałtso ábi'didooldįįł nideet'áanii baa hoolzhiizhjį' ni'iiłchǫǫhii éí diyingo haz'ánígi t'áá íiyisí doo haldingóó áhodoolííł.

MICAH 1:3

Áádóó Bóhólníihii bił haz'ą́ą́dę́ę́' ch'íhodooleełgo nahasdzáán bikáá' wódahgo nahaz'ą́ąjį' hadahodooleełgo yik'i nidoogaał, jó'akon.

MICAH 3:12

Éí bąą niniinaa Záíyan dá'ák'eh bi ł nihwiildlaadígi át'éego bił nihwidiyooldlał; Jerúsalem éí bik'i dahooyolgo yáádaalk'id dooleeł, Diyin God bikin bii' sohodizin bił haz'ánígi dził éí tsin bee hodíłch'ilgi ninádahałaah doo biniyé wódah nahaz'ą́ągo ádaalyaaígíí nahalin dooleeł.

MARK 11:17

Áádóó naz'neeztą́ą'go ábijiní, Da' kót'éegoósh doo bee ak'e'ashchį́į da, Shikin éí ał'ąą dine'é t'áá ałtso bá kin bii' sohodizin wolyée doo? Nidi aghada'ii'níiłii be'a'áán ádaahłaa lá.

LUKE 21:24

Diltłish deeníinii bee bidi'doogą́ą́ł, áádóó ał'ąą dine'é t'áá ałtso bitahgóó yisnááh danilį́įgo adabidi'yoot'ish, áádóó doo Jew dine'é danilíinii bił hoolzhishígíí bíighah azlį́į'jį' doo Jew dine'é danilíinii Jerúsalem yik'i nidookah.

JOSHUA 10:24

Áko aláahgo naat'áanii danilíinii Jáshowa yaa deizh'eezhgo Jáshowa éí Ízrel dine'é t'áá ałtso hágo yidííniidgo, áko alą́ąjį' bídahólníihgo hoł anaa' da'ał'ínígíí ábizhdííniid, Hágo, bíighahjį' ninoohkáahgo díí aláahgo naat'áanii dabik'os bik'i dadooł'éés. Áko bíighahjį' nijíkaigo dabik'os bik'i dazdiil'eez.

REVELATION 11:2

Nidi kin bii' sohodizin binaagi haz'ánígíí doo bídí'nííł'ąął da. Éí t'áadoo baa nánít'íní, háálá ał'ąą dine'é bił dah nidahaz'áanii baa deet'ą́, áko diyingo kin haal'áii yik'i naaldeehgo dízdiindóó ba'aan naaki nídidooził.