PSALMS 72:2 - Navajo Bible

² Áko éí t'áá ákogi át'éii yee nidine'é yá yaa nídóot'įįł, áádóó doo haada yit'éii yee nidine'é badahojoobá'íígíí yá yaa nídóot'įįł!

PSALMS 72:2 ပူးပေါင်းရင်းမြစ်များ

II SAMUEL 23:3

Ízrel dine'é biDiyin God kóní, Ízrel dine'é bitsé niłdzilii shich'į' yáłti'go ání, T'áá háiida dine'é binazhnit'áago t'áá ákogi ájít'ée doo; Diyin God jidísingo hóhólníih doo.

I KINGS 10:9

Bóhólníihii niDiyin God éí naa bił hózhǫ́ǫgo Ízrel dine'é bá bikáá'dóó nahat'áii yikáá'dóó dah nineesdáii baa ha'niih le'. Bóhólníihii éí Ízrel dine'é hool'áágóó ayóó'áyó'nínígíí biniinaa doo haa dayit'éégóó índa t'áá ákogi át'éego diné bá hóó'áał doo biniyé aláahgo naat'áanii ániilaa.

I KINGS 3:28

Áko Ízrel dine'é t'áá át'é éí aláahgo naat'áanii á nihodiyii'aahgo hazhó'ó á nihodiní'ánígíí yaa dahodiizts'ą́ą'go aláahgo naat'áanii bił dáálįįd, háálá Diyin God bibee hódzáanii bii' hólǫ́ǫgo yee t'áá ákóne' át'į́įgo á nihodiyii'aahgo yaa ákodaniizį́į́'.

I CHRONICLES 29:19

Áko nibik'eh ó'oo'níiłii áádóó bee hahínídzíi'ii índa bee nihoyíní'áanii t'áá át'é yi'ósin doo áádóó kin bii' sohodizin bá hasht'ediisdzaaígíí íidoolíiłgo biniyé shiye' Sálaman bijéí doo naaki nilį́į́góó íínísin.

JOB Naaltsoos Biyi' Job Baa Hane'ii 34:19

Éí naat'áanii dajílíinii doo aláahgo da'jílį́įgo haa nitsíkees da, índa diné bahojoobá'íii biláahgo diné ajit'íinii doo bił jílį́įgo haa nitsíkees da, háálá t'áá ádzíłtso Diyin God honaashnishii dajílį́.

PSALMS 12:5

Bóhólníihii ání, Badahojoobá'íii bide ádahólzingo índa hojooba' nahas'áanii ádił háádaadzołgo bich'ą́ą́h nídideesdził; diné da'iiłkóohii bits'ąą hasih haz'ą́ąjį' kóhodeeshłííł.

PROVERBS 29:14

Aláahgo naat'áanii ba'ahódlíigo diné badahojoobá'íii yá nihodiyii'aahgo hool'áágóó bohoníłdzilgo nant'áago ádoolnííł.

ISAIAH 32:1

Jó, aláahgo naat'áanii t'áá ákogi át'éego nant'áa doo, áádóó naat'áanii danilíinii doo haada yit'éégóó bídahólnííh.

ISAIAH 32:17

Áádóó t'áá ákogi át'éii éí bee hasht'ehodít'ée doo índa t'áá ákogi át'éii bee ił hodéezyéél áádóó hoł t'áá aaníigo át'éii iidééłní.

ISAIAH 9:7

David bibikáá'dóó nahat'áii índa bee bóhólníihgo bił haz'áanii éí kodóó índa ahool'áágóó ts'ídá t'áá ó'óle' góne' át'éii áádóó t'áá ákogi át'éii chánahgo áádóó bidziilgo íidoolíiłgo bibee hoot'áałii índída bibee asht'ehodít'éii ts'ídá doo bá nihonít'i'góó k'ee'ąą yilzhish dooleeł. T'áá ałtsoní bee Bóhólníihii t'áá íiyisí bóhoneedlį́įgo díí yi'doolííł.

JEREMIAH 33:15

Éí yoołkáałdi áádóó éí hoolzhishdi David bits'ą́ą́dóó náás oochíiłii éí bitahdóó t'áá ákogi át'éego ats'áoz'a' ła' habidinéesééł, áko éí kéyahgi doo haada yit'éii índa t'áá ákogi át'éii yaa naagháa doo.

EZEKIEL 34:16

Yóó'ádahaaskaii hadínéeshtaał; t'ą́ą́' anáhaazhjée'ii nináhideesh'ish, nida'niłhodii dadiniihgóó bá bik'ída'dideesdis, doo bitah dahwiináanii bitah dahółdzilgo áńdadeeshdlííł, nidi daneesk'ahii áádóó dabidziilii áhodeeshdįįł; hainísht'ínígíí bee ha'deestsoł.

REVELATION 19:11

Nít'éé' yá'ąąshii ąą ádzaago, jó'akon, łį́į́łgaii léi' yiiłtsą́! Yik'i dah sidáii éí Ba'ahódlíii índa T'áá Aaníinii wolyé, áádóó ts'ídá t'áá ákogi át'éego ánihodoo'ááł índa anaa' ííł'į́.