PSALMS 72:1 - Navajo Bible

¹ Diyin God nílíinii, ánihoyí'aahígíí aláahgo naat'áanii baa diní'aah, áádóó t'áá ákogi ánít'éii aláahgo naat'áanii biye' baa diní'aah!

PSALMS 72:1 ပူးပေါင်းရင်းမြစ်များ

ISAIAH 11:2

áko Bóhólníihii biNíłch'i Diyinii bik'i hwiidooleełgo níłch'i bee hódzáanii áádóó bee ak'idi'iitįįhii, níłch'i kót'ée doo níinii áádóó bidziilii, níłch'i bee ééhózinii áádóó Bóhólníihii dílzin bił hólǫ́ǫ doo;

II CHRONICLES 1:10

K'ad bee hódzą́ áádóó ił ééhózin shaa diní'aahgo díí dine'é binááł ch'ínáshdááh áádóó yah anáshdáah doo. Háíyee' díí nidine'é t'áadoo bee néelą́'ígóó yíl'áhígíí yá nihodiyii'aah doo?

I CHRONICLES 29:19

Áko nibik'eh ó'oo'níiłii áádóó bee hahínídzíi'ii índa bee nihoyíní'áanii t'áá át'é yi'ósin doo áádóó kin bii' sohodizin bá hasht'ediisdzaaígíí íidoolíiłgo biniyé shiye' Sálaman bijéí doo naaki nilį́į́góó íínísin.

I KINGS 1:39

Nít'éé' náá'iiłniihii Zéídak éí níbaal bii' hodílzinii biyi'dę́ę́' adee' bee ak'ah nízhdiiką́ągo Sálaman ak'ah yik'i yayiiziidgo bíísį́į́'. Áádóó deenásts'aa' bidee' bee í'dílzoołí bee ádazhdííniidgo diné t'áá áté ádaaní, Aláahgo naat'áanii as'ahgóó hináa le'.

PSALMS 127:1

Bóhólníihii doo kin íílééhgóó éí kin ádajiléhígíí t'áadoo biniyéhígóó bindajilnish; Bóhólníihii éí kin haal'áhígíí doo yaa áhályą́ą́góó t'áadoo biniyéhígóó ha'asíidii ha'dzisííd.

JOHN 3:34

Jó, Diyin God biníł'a'ígíí éí Diyin God bizaad yee yáłti', háálá éí Níłch'i Diyinii t'áadoo bí'neel'ąąhí eidii'aah;

II SAMUEL 23:3

Ízrel dine'é biDiyin God kóní, Ízrel dine'é bitsé niłdzilii shich'į' yáłti'go ání, T'áá háiida dine'é binazhnit'áago t'áá ákogi ájít'ée doo; Diyin God jidísingo hóhólníih doo.

I KINGS 3:9

Éí bąą ná naal'a'í nishłíinii shijéí bee ak'idi'yiishtįįh áshíléehgo nidine'é bá nihodiyiish'aah doo, áko yá'ádaat'éehii índa doo yá'ádaat'éehii baa ákohiniisįįh doo. Jó, háishą' díí nidine'é t'áadoo bee néelą́'ígóó yíl'áhígíí bá nihozhdiyii'aahgo bízhneel'ą́?

I CHRONICLES 18:14

Kót'éego David éí Ízrel dine'é t'áá ałtso yinant'áago doo haa dayit'éégóó áádóó t'áá ákogi át'éego yá hoo'ááł nít'éé'.

I CHRONICLES 22:9

Jó, ashkii ná doochííł, éí diné bił hasht'ehodít'éii nilį́į doo; bikéyah binaagóó bi'ana'í doo anadabił'į́į́góó ádeeshłííł. Sálaman bee yídóojiił. Bíyoołkááł biyi' Ízrel dine'é bich'į' hózhǫ́ǫgo áádóó bił hodéezyéelgo ádeeshłííł.