PSALMS 70:5 - Navajo Bible

⁵ Nidi shahojoobá'í áádóó hojooba' hoséł'ą́. Diyin God nílíinii, tsį́įłgo shaa honíleeh! Jó, shíká análwo'ii áádóó yisdáshiiłteehii nílį́. Bóhólníihii nílíinii, t'áadoo t'ah níníziní!

PSALMS 70:5 ပူးပေါင်းရင်းမြစ်များ

PSALMS 109:22

Háálá shahojoobá'í áádóó hojooba' hoséł'ą́, índa shijéí tídiilyaa.

PSALMS 141:1

Bóhólníihii nílíinii, nánooshkąąhgo nich'į' sodiszin, tsį́įłgo shaa honíleeh! Nánooshkąąhgo shííníłts'ą́ą́'!

PSALMS 40:17

Shí shahojoobá'í áádóó hojooba' hoséł'ą́ągo Bóhólníihii shaa nitsíkees. Shíká análwo'ii nílį́ áádóó hááshiiłteehii nílį́; shiDiyin God nílíinii, t'áadoo t'ah níníziní!

PSALMS 69:29

Nidi shí éí shahojoobá'í áádóó yínííł nishłį́. Diyin God nílíinii, bíni'dii nibee yisdá'iildéehii bee chánah nishłį́įgo áshílééh!

HEBREWS 10:37

Háálá t'óó hodíína'go jígháahii jidoogááł, áádóó doo na'áhozdidoolził da.

REVELATION 22:20

Díí t'áá ałtso t'áá aaníigo yaa halne'ígíí ání, T'áá aaníí tsį́įłgo nishááh! T'áá ákót'ée doo. Lą́'ąą Bóhólníihii Jesus nínááh!