PSALMS 70:4 - Navajo Bible

⁴ Háni'dii hadaninitáii t'áá ałtso bił nidahoozhǫǫh áádóó ninahjį' bił dahózhǫ́ǫ le'! Nibee yisdá'iildééh ayóó'ádayó'níinii t'áá áłahíjį', Bíni'dii Diyin God éí ayóó át'éego baa ha'niih, daaníi le'!

PSALMS 70:4 ပူးပေါင်းရင်းမြစ်များ

PSALMS 35:27

T'áá ákogi át'é shá bidíníniidii yídin danilíinii éí bíni'dii yéego bił dahózhǫ́ǫgo ádaaníi le'; t'áá aaníí, bíni' áłahjį' kódaaníi doo, Bóhólníihii ayóó át'éii nilį́; bá naal'a'í yá'át'éehgo dah ooléłígíí bił nihooshǫǫh!

PSALMS 40:16

Nidi níká ádaat'íinii t'áá ałtso t'áá íiyisí naa bił nidahoozhǫǫh le' áádóó t'áá íiyisí bił dahózhǫ́ǫ le'! Bee yisdá'iyíníiłii ayóó'ádayó'níinii, t'áá áłahjį', Bóhólníihii éí ayóó át'é, daaníi le'!

PSALMS 5:11

Nidi niniit'a dahinichéehii bíni'dii bił dahózhǫ́; bíni'dii t'áá áłahjį' bił dahózhǫ́ǫgo nich'į' dahataał, áádóó bich'ą́ą́h nahóle' doo; nízhi' ayóó'ádayó'níinii ałdó' bíni' t'áá íiyisí naa bił dahózhǫ́ǫ doo.

PSALMS 97:12

Diné t'áá ákogi ádanoht'éii, Bóhólníihii baa nihił nidahoozhǫǫh! Jidiyinígíí béédaałniihgo bich'į' ahééh danohsin!

ISAIAH 61:10

Bóhólníihii t'áá íiyisí baa shił nihoozhǫǫh doo; shii' sizíinii éí shiDiyin God bił hóshǫ́ǫ doo, háálá iiyehii éí nizhóníii ádéíyíístł'inígi át'éego áádóó bá'iigehii nitł'iz yee hadiidzaa nahalingo yisdá'iildééh éé' yee hashidiilaa índa t'áá ákogi át'éii éé' shik'íísti'.

LAMENTATIONS 3:25

Bóhólníihii yiba' nidaakaii índa hahontáhígíí baa jijooba'.

JOHN 16:20

T'áá aaníí, t'áá aaníígóó ánihidishní, Nihí daahchago atínídadinohdleeh doo, nidi nihokáá' dine'é éí bił dahózhǫ́ǫ dooleeł; nihí yínííł nidaahkai doo, nidi yínííł nidaahkaígíí ił hózhǫ́ nídoodleeł.