PSALMS 7:9 - Navajo Bible

⁹ Diné doo yá'ádaashóonii yaa nidaakaígíí ninít'i' le', nidi diné t'áá ákogi ádaat'éii hasht'e'síníłnil; jó, Diyin God t'áá ákogi át'éii nilíinii éí diné íinízinii índa bijéí haisííd.

PSALMS 7:9 ပူးပေါင်းရင်းမြစ်များ

GENESIS 20:5

Da' doósh, Shideezhí át'é, shizhdííniid da? T'áá hó ałdó', Shínaaí át'é, jidííniid. Doo shina'adlo'góó áádóó sha'át'e' ádingo íít'įįd.

I KINGS 8:32

yá'ąąshdi didííts'į́įłgo ná naal'a'í nidilt'éhígíí t'áá ha'át'éegoda ádíílíiłgo baa nídíít'įįł; doo yá'áshǫ́ǫ́góó ádzaaígíí yá ninádootłishgo bee bá nihodíí'ááł, índa t'áá ákogi ááníiłii éí bit'áá ákogi át'éii bik'ehgo bik'ijiidíídliił.

I CHRONICLES 28:9

Áádóó ni, shiye' nílíinii, Sálaman, nizhé'é biDiyin God bééhonísįįh índa nijéí t'áá át'é bee áádóó níni' nilį́įgo bá nanil'a', háálá Bóhólníihii ajéí t'áá át'é haisííd áádóó áhwiindzingo nitsáhákees t'áá ałtso bił bééhózin; hánít'į́įgo bik'ídíínááł, nidi yóó'adííní'ą́ągo bí ałdó' hool'áágóó yóó'andidoo'ááł.

PSALMS 10:15

Doo yá'áshónígi áádóó doo yá'át'éhígi ááníiłii yee bidziilii bits'ą́ą́' hítííh; doo yá'áshǫ́ǫ́góó yee ááníiłii ałtso ásíníłdįįdjį' hanítá.

PSALMS 10:18

áko nihokáá' dine'é doo yéédaaldzid da doo biniyé áłchíní bizhé'é ádaadinii índa bide ádahoot'éii bá baa nánít'į́į doo.

PSALMS 11:5

Bóhólníihii éí t'áá ákogi ádaat'éii nayínítaah, nidi doo yá'ádaashóonii áádóó ádééhooldzíidgo hináanii ts'ídá yijoołxá.

PSALMS 139:1

Bóhólníihii nílíinii, hashíínísid áádóó shééhonísin!

PSALMS 17:3

Tł'ée'go shaa hwííníle'go shijéí át'éegi háínísidgo nabínínítą́ą́'; doo yá'ádaat'éehii doo ła' shii' hólǫ́ǫ́góó nił bééhózin; doo t'áá k'ad bee haz'áanii heshtíihgo hahideesdzih da niizį́į́'.

PSALMS 18:21

Háálá Bóhólníihii bik'eh honish'į́įgo yishááł nít'éé', índa doo yá'ádaashóonii doo baa naasháágóó t'áadoo shiDiyin God bits'áníyáa da.

PSALMS 26:2

Bóhólníihii nílíinii, hashísííd, áádóó shínítááh; shijéí índa shíni' nabínítaahgo hanisííd.

PSALMS 35:23

ShiDiyin God áádóó shiBóhólníihii nílíinii, díldzííł; biniyé ásht'íinii biniyé shá díldzíiłgo hazhó'ó shá baa nánít'įįh!

PSALMS 37:23

Bóhólníihii éí diné nididooltałgóó yiyoołááł, áádóó joogááłgóó Bóhólníihii haa bił hózhǫ́.

PSALMS 40:2

Hashtł'ish dits'idí biyi'dóó a'áán báhádzidę́ę́' hááshííłtį́; tsé'éłkáa'gi dah shiisį' áádóó yishááłgóó hasht'eyiilaa.

PSALMS 43:1

Diyin God nílíinii, shaa nánít'įįhgo t' áá ákogi ájít'é shá bidiní, índa dine'é doo Diyin God k'ehgo ádaat'éii shaa nídaat'ínígíí bik'ijį' shá agha'dít'aah; diné bina'adlo'go doo t'áá ákogi át'éii bits'ą́ąjį' yisdáshíłteeh!

PSALMS 44:21

da' doósh éí Diyin God bił bééhodoozįįł da? Jó, bí ajéí biyi'di nidanil'inii bił bééhózin?

PSALMS 58:6

Diyin God nílíinii, éí bizéé' góne' biwoo' dahítííh! Bóhólníihii nílíinii, náshdóíyáázh bitsiijį' daditł'ooígíí biwoo' dadeeníinii bits'ą́ą́' dahítííh!

PSALMS 9:9

Bóhólníihii éí diné bide áńdahoo'níiłii bine' adahinichéehii yá nilį́; bich'į' nidahwii'náago bine' adahinichéehii yá nilį́.

PSALMS 96:10

Ał'ąą dine'é bitahgóó kódadohní, Bóhólníihii nant'á! Nahasdzáán ts'ídá doo nahjį' kódoolnííłgóó bohoníłdzilgo niiní'ą́. T'áá ákogi át'éego diné yaa nídóot'įįł.

PSALMS 96:13

Bóhólníihii yinááł dahataał doo, háálá yíghááh; nahasdzáán nidahonees'ą́ąjį' haa nídóot'įįł biniyé yíghááh. T'áá ákogi át'éii yee nahasdzáán yaa nídóot'įįł; ba'ahódlíii bee nihokáá' dine'é yaa nídóot'įįł.

PSALMS 98:9

Bóhólníihii yidááhdóó dahataał le', háálá nahasdzáán yaa nídóot'įįł biniyé yíghááh. T'áá ákogi át'éii yee nahasdzáán yaa nídóot'įįł; nihokáá' dine'é t'áá aheełt'éego baa nízhdóot' įįł.

JEREMIAH 11:20

Nidi, t'áá ałtsoní bee Bóhólníihii nílíinii, t'áá ákogi át'éego ánihoyí'aahii, áádóó diné bijéí índa bíni' bééhózingo áyoolíiłii nílíinii, biniyé ásht'íinii naadiní'ánígíí biniinaa haa'íshą' bee k'éé'dínéehii yideestsééł?

JEREMIAH 17:10

Bóhólníihii nishłíinii diné t'ááłá'í nítínígo yee át'éii bik'ehgo, índa ádajooníłígíí bee bineest'ą' bik'ehgo hach'į' ninádi'yeeshdlééł biniyé hajéí haasííd áádóó háni' há nidaashkaah.

JEREMIAH 20:12

Nidi t'áá ałtsoní bee Bóhólníihii nílíinii, t'áá ákogi ádaat'éii bééhózingo ádanile'ii, áádóó diné bíni' áádóó bijéí yee yaa nitsídaakeesii yíní'íinii, bíni'dii k'éébidídléehgo yideestsééł, háálá diné bił ałch'į' nidaasdzilígíí báá'dééłtsooz.

DANIEL 11:45

Áko tónteel áádóó dził diyinii ayóó át'éii bita'gi biníbaal yii'dóó nant'áii niidoonił, ákondi t'áadoo háká oolyeedígóó hakéé' áhodoodįįł.

ACTS 12:23

Nít'éé' Diyin God doo baa hojiniihígíí biniinaa t'ahaa'go Bóhólníihii bidiyingo naal'a'í atíhoolaa, áko ch'osh dahalghałgo hajííyol.

ROMANS 16:25

K'ad hane' yá'át'éehii baa hashne'ii bik'ehgo, éí Jesus Christ baa hane'ii, áádóó hoogááłdę́ę́' doo bééhózin da yę́ę yit'íní ályaii bik'ehgo Diyin God, éí nihe'oodlą' bidziilgo ánihidzósingo bízhneel'áanii haa ha'niih doo.

I THESSALONIANS 3:13

Áko nihiBóhólníihii Jesus éí bidiyį́į́' danilíinii yił nákaigo nihiDiyin God nihiTaa' bidááhdóó daozį'go nihijéí dabidziilgo áádóó dadinohyingo t'áadoo bee nihik'ídahót'ahígóó ánihidoolííł.

I PETER 5:10

Nidi t'óó kónígháníjį' ti'dahwiisoonii'dóó bik'ijį' Diyin God, t'áá ałtsojį' jooba'ii, hool'áágóó yee ayóó át'éii bił ałts'ą́ą́' da'nołk'iiz doo biniyé Christ Jesus yee nihíká ádííniid, t'áá bí t'áá ákogi ádanoht'éego, áádóó danołdzilgo, áádóó danihidziilgo índa nihee dahółdzilgo ánihidoolííł.

JUDE 1:1

Shí Jude, Jesus Christ yá naal'a'í, James yił háá'áázh nishłíinii, Diyin God aTaa' nilíinii diyingo ádahoolaii, Jesus Christ haa áhályą́ągo bíí' dajílínígíí, Diyin God háká ádííniidii, hach'į' naaltsoos áshłééh:

REVELATION 2:23

Áádóó asdzání ba'áłchíní bits'ą́ą́' nideestsił. Áko da'oodlání áłah nídaadleehii t'áá ałtso éí diné bintsíkees índa bijéí haisíidii nishłį́įgo bił béédahodoozįįł. Índa t'ááłá'í nootínígo ádaoht'įįdígíí bik'ehgo k'ééhodidoodlííł.

I SAMUEL 16:7

Nidi Bóhólníihii éí Sámuel áyidííniid, Bííyis jinoolninígíí, doodaii' ázníłtsooígíí t'áadoo nabik'ítsíníłkeesí, háálá doo honisin da; jó, diné ha'asíidgo aníł'ínígi át'éego Bóhólníihii éí doo diné haisíidgo yiníł'į́į da, háálá nihokáá' dine'é éí diné ánoolninígíí yiníł'į́, nidi Bóhólníihii éí ajéí haisíidgo yiníł'į́.

I SAMUEL 2:9

Bidiyį́į́' danilíinii deíkááhgóó yaa áhályą́, nidi doo yá'ádaashóonii éí chahałheeł yii' dadéesxéel doo, háálá diné bibee adziilii doo yee ak'eh doodleeł da.