PSALMS 7:8 - Navajo Bible

⁸ Bóhólníihii éí ał'ąą dine'é t'áá ałtso yeinít'į́; Bóhólníihii nílíinii, t'áá ákogi ááshníłígíí bik'ehgo índa doo shina'adlo'ígíí bik'ehgo shaa nánít'įįh.

PSALMS 7:8 ပူးပေါင်းရင်းမြစ်များ

GENESIS 18:25

Diné t'áá ákogi ádaat'éii diné doo yá' áshóonii t'áá bił ádííłdįįłígíí éí doo ákóone' ánít'ée da! Ákwíindzaago diné t'áá ákogi ádaat'éii diné doo yá'áshóonii bił aheełt'éego ákóníléehgo doo ákóone' ánít'ée da! Nahasdzáán bikáa'gi t'áá át'éé nít'éé' Ánihwii'aahii nilíinii, da' éísh doo t'áá ákwii ádooníił da?

GENESIS 31:53

Éíbraham yę́ę biDiyin God índa Néíhor yę́ę biDiyin God éí hazhé'é yę́ę biDiyin God lá nihá yeinít'į́į doo. Áko Jéíkab bizhé'é Áízak biDiyin God yidósinígíí bee ádee hazdoodzíí',

II CHRONICLES 20:12

NihiDiyin God nílíinii, doósh nihá baa nídíít'įįł da? Háálá nihí adziil nihee ádingo díí ayóó át'é nihik'ijį' oonééł; ádadii'níłígíí doo nihił béédahózin da, nidi ni t'éí nich'į'go dadíníit'į́į́'.

PSALMS 11:4

Bóhólníihii éí diyingo bikin bii' sohodizin yii' hólǫ́; Bóhólníihii bibikáá'dóó nahat'áii yá'ąąshdi hólǫ́; nihokáá' diné yoo'į́ áádóó haisííd.

PSALMS 25:21

Doo shina'adlo'ii áádóó t'áá ákóne' ánísht'éii bee yisdziih le', háálá niba' ánísht'é.

PSALMS 26:1

Bóhólníihii nílíinii, shaa nánít'įįh, háálá doo shina'adlo'góó níyá, áádóó Bóhólníihii doo naaki nilį́į́góó baa jííníshłí; éí bąą doo ałtádideesghas da.

PSALMS 26:11

Nidi shí éí doo shina'adlo'góó yisháał doo; shik'éniná'nídléego hááshíłteeh, áádóó shaa jiiníbaah.

PSALMS 41:12

Áko shí éí doo shina'adlo'ígíí biniinaa shidziilgo sézį́įgo áshíínísin. Áádóó nidááhdóó honishłǫ́ǫgo ahool'áa doo.

PSALMS 43:1

Diyin God nílíinii, shaa nánít'įįhgo t' áá ákogi ájít'é shá bidiní, índa dine'é doo Diyin God k'ehgo ádaat'éii shaa nídaat'ínígíí bik'ijį' shá agha'dít'aah; diné bina'adlo'go doo t'áá ákogi át'éii bits'ą́ąjį' yisdáshíłteeh!

PSALMS 78:72

Éí bijéí t'áá ákogi át'éego yaa áhályą́ą́ nít'éé', áádóó bíla' yee doo bił nahontł'agóó yá yigááł nít'éé'.

PSALMS 82:1

Ayóó ádabóodziilgo áłah nádleehii bitahgi Diyin God hólǫ́. Diyin danilíinii bitahgi ánihwii'aahgo ání,

PSALMS 9:8

t'áá ákogi át'éego nihokáá' dine'é yaa nídóot'įįł; ał'ąą dine'é aheełt'éego yaa nídóot'įįł.

PSALMS 96:13

Bóhólníihii yinááł dahataał doo, háálá yíghááh; nahasdzáán nidahonees'ą́ąjį' haa nídóot'įįł biniyé yíghááh. T'áá ákogi át'éii yee nahasdzáán yaa nídóot'įįł; ba'ahódlíii bee nihokáá' dine'é yaa nídóot'įįł.

PSALMS 98:9

Bóhólníihii yidááhdóó dahataał le', háálá nahasdzáán yaa nídóot'įįł biniyé yíghááh. T'áá ákogi át'éii yee nahasdzáán yaa nídóot'įįł; nihokáá' dine'é t'áá aheełt'éego baa nízhdóot' įįł.

PROVERBS 19:1

Diné nahagizgo yáłti'ii áádóó doo áhályáanii biláahgo diné baa hojoobá'ígo doo bina'adlo'góó naagháii agháago yá'át'ééh.

ACTS 17:31

Háálá diné niiníłtíinii ła'a jį́ nihokáá' dine'é ts'ídá t'áá ákogi át'éego yaa nídóot'įįłgo yee nihoní'ą́. Éí daaztsą́ą́dę́ę́' néidiisáhígíí bee t'áá aaníí ákóhodooníiłgo diné t'áá ałtso bił nibéédahwiizįįhgo áyiilaa.

II CORINTHIANS 1:12

Nihokáá' dine'é bitahgóó áádóó t'ah aláhídi át'éego nihí nihich'į'go diyingo índa Diyin God binááł t'áádóo nídí ádaa áhwiilyą́ągo hinii'náago nihił bééhózingo baa nihił dahózhǫ́ǫgo t'áá éí bee nisiidzį́. Éí doo nahasdzáán bikáá'dóó bee hódzáanii bik'ehgo íit'į́į da, nidi Diyin God nihaa joozba'ígíí bik'ehgo íit'į́.

I THESSALONIANS 2:10

Oodlání danohłíinii, dadiniigingo áádóó ts'ídá t'áá ákogi ádaniit'éego índa t'áadoo nihik'i dahodiit'aahí nihitah nideiikaigo bee nihéédahonohsin, Diyin God ałdó' nihá bił bééhózin.