PSALMS 7:7 - Navajo Bible

⁷ Áko diné áłah nilínígíí ninaagóó ahénál'áa doo, áádóó wót'áahdi bá dah sínídáhídi dah nánídaah.

PSALMS 7:7 ပူးပေါင်းရင်းမြစ်များ

PSALMS 138:6

Azhą́ Bóhólníihii aláahgo bóhólnííh nidi, a'ohgo ádaat'éii yaa ntsíkees, nidi ádaa dahoji'niihii éí nízaadi hats'ą́ądi hólǫ́ǫgo haa nitsékees.

PSALMS 35:23

ShiDiyin God áádóó shiBóhólníihii nílíinii, díldzííł; biniyé ásht'íinii biniyé shá díldzíiłgo hazhó'ó shá baa nánít'įįh!

PSALMS 43:1

Diyin God nílíinii, shaa nánít'įįhgo t' áá ákogi ájít'é shá bidiní, índa dine'é doo Diyin God k'ehgo ádaat'éii shaa nídaat'ínígíí bik'ijį' shá agha'dít'aah; diné bina'adlo'go doo t'áá ákogi át'éii bits'ą́ąjį' yisdáshíłteeh!

PSALMS 48:11

Dził Záíyan bił hózhǫ́ǫ le'! Bee nihodiyí'aahii binahjį' Júdah bitsi'ké bił dahózhǫ́ǫ le'!

PSALMS 59:5

T'áá ałtsoní bee Bóhólníihii Diyin God nílíinii, Ízrel biDiyin God nílíinii, ał'ąą dine'é t'áá ałtso atídíílííł biniyé díldzííł. Doo yá'ádaashǫ́ǫ́góó nináda'dii'aahii t'áá ałtso t'áadoo ła' baa a'ááh níníziní. Síilah.

PSALMS 93:4

Bóhólníihii Aláahgo Ayóó'át'éii éí tónteel dadiits'a'ígíí yiláahgo ábóodziil; tónteel ayóó ábóodziilgo yilk'oołígíí yiláahgo ábóodziil.

ISAIAH 57:15

Áko Aghánáhóó'áadi Hólóonii áádóó Ayóó'át'éii, éí hool'áágóó hólóonii áádóó bízhi' diyinii kóní, Wódahgo áádóó diyingo haz'ą́ągi honishłǫ́; ąąh bíni'ígíí áádóó a'ohgo á'dólzinígíí ałdó' bił honishłǫ́, áko a'ohgo át'éhígíí índa ąąh bíni'ígíí bijéí náhiidoo'nąął.

REVELATION 18:20

Yá'ąąshii nílíinii, Diyin God bidiyį́į́' danohłíinii, daal'aadii danohłíinii índa Diyin God bá dahołne'ii baa nihił dahózhǫ́ǫ le'! Háálá Diyin God nihá hainíst'įįdgo há nihoní'ą́!

REVELATION 19:2

Bee ánihwijii'aahii t'áá aaníí áádóó ts'ídá t'áá ákogi ádaat'é! Háálá ałjiłnii ná'áyóó át'éii na'ageh yee tsi'naagháago yee nahasdzáán yiyííłchǫ' yę́ę baa nídzíst'įįdgo bá nihozhní'ą́, áádóó há nidaal'a'í dabidił bits'ádaazlį́įgo áyiilaago biniinaa k'éézhdiidlaa.