PSALMS 7:6 - Navajo Bible

⁶ Bóhólníihii nílíinii, náháchį'go díldzííł; shida'ana'í ádéédahooldzídígíí bich'į' nídiibááh; aa nídíít'įįłgo bee nihwííní'áanii ákwii shá díldzííł.

PSALMS 7:6 ပူးပေါင်းရင်းမြစ်များ

II SAMUEL 17:14

Áádóó Ábsalam índa Ízrel dine'é t'áá ałtso ádadííniid, Árkadóó dine'é Húshai kót'é nínígíí éí Ahíthofel kót'é dííniidígíí biláahgo yá'át'ééh, háálá Bóhólníihii éí yee haadzíi'go Ahíthofel yá'át'éehgo kót'é dííniidígíí nahjį' kólyaa; Bóhólníihii éí doo yá'áshóonii Ábsalam yik'ijį' kwíidoolííł biniyé.

PSALMS 103:6

Bóhólníihii éí diné bide ádahólzinígíí t'áá ałtso yaa áhályą́ índa t'áá ákogi át'éego yá ó'oolííł.

PSALMS 12:5

Bóhólníihii ání, Badahojoobá'íii bide ádahólzingo índa hojooba' nahas'áanii ádił háádaadzołgo bich'ą́ą́h nídideesdził; diné da'iiłkóohii bits'ąą hasih haz'ą́ąjį' kóhodeeshłííł.

PSALMS 138:7

Azhą́ ach'į' nahwii'ná bitahgóó yisháał nidi, shidziilgo ánáshíídlííł; shi'ana'í danilíinii t'óó báhádzidgo atídashiléehgo bich'ą́ą́h dah nídidiilnih, áko níla' nish'náájí bee yisdáshidííłtééł.

PSALMS 143:3

Háálá shi'ana'í atíshíł'į́; łeeh shíná'áłjish; t'áá shiidą́ą'dii daneeznáanii nahalingo chahałheełgi honishłǫ́ǫgo áshósin.

PSALMS 3:7

Bóhólníihii nílíinii, díldzííł! ShiDiyin God yisdáshíłteeh! Háálá shida'ana'í t'áá ałtso biniishjaa' náhidíníłhaal. Doo Diyin God k'ehgo ádaat'éii biwoo' dahíníti'.

PSALMS 35:1

Bóhólníihii nílíinii, shighada'dit'áahii shá bighadi'nít'aah; shił da'ahigáanii shá bił da'ahígą́!

PSALMS 35:23

ShiDiyin God áádóó shiBóhólníihii nílíinii, díldzííł; biniyé ásht'íinii biniyé shá díldzíiłgo hazhó'ó shá baa nánít'įįh!

PSALMS 44:23

Bóhólníihii nílíinii, ch'éénídzííd! Ha'át'íísh bąą íłhosh? Nídiidááh! Hool'áágóó nahjį' kónihóólééh lágo!

PSALMS 44:26

Díldzíiłgo nihíká anilyeed! Aa a'ááh nínízinii binahjį' nihik'é niná'nídléego yisdánihínííł.

PSALMS 59:5

T'áá ałtsoní bee Bóhólníihii Diyin God nílíinii, Ízrel biDiyin God nílíinii, ał'ąą dine'é t'áá ałtso atídíílííł biniyé díldzííł. Doo yá'ádaashǫ́ǫ́góó nináda'dii'aahii t'áá ałtso t'áadoo ła' baa a'ááh níníziní. Síilah.

PSALMS 73:20

Na'iisdzeeldóó ch'éédzídzidígi át'éego, Bóhólníihii nílíinii, díldzíiłgo ana'í ádanóolninii dadíí'įį ł.

PSALMS 74:3

Kints'iil hazlį́'ígóó ch'ídíínááł, áadi kin bii' sohodizin góne' ana'í t'áá ałtsoní nidayiishchxǫ'!

PSALMS 78:65

Áko índa diné ła' ch'ínádzid nahalingo áádóó diné ayóó ábóodziilii wáin bił honiidoigo nihidilgháásh nahalingo Bóhólníihii nídiildzil.

ISAIAH 3:13

Bóhólníihii bidine'é yił ahaa nidookah yiniyé yiizį' áádóó yaa nídóot'įįł yiniyé sizį́.

ISAIAH 33:10

K'ad nídideesdził; k'ad lą́ą ayóó át'é áshi'didoolnííł; k'ad wódahgo ádi'deeshnííł, ní Bóhólníihii.

ISAIAH 37:20

Éí bąą k'ad, Bóhólníihii nihiDiyin God nílíinii, nihokáá'góó bee ídahólníihii éí t'áá ni t'éiyá Bóhólníihii nílį́įgo bił béédahodoozįįł biniyé éí bits'ą́ąjį' yisdánihínííł.

ISAIAH 51:9

Ch'éénídzííd, ch'éénídzííd, nidziil í'dílnééh, Bóhólníihii nidziilii nílíinii; ałk'idą́ą́' oochíiłii biyi' áhoot'éhígi át'éego ch'éénídzííd. T'áá aaníí, Réíhab nihíníłgizhii ánít'į́ índa tł'iishtsoh tídiinilaaígíí ánít'į́.