PSALMS 7:5 - Navajo Bible

⁵ bíni'dii shélyeedgo shił dah dii'aash; bee hinishnánígíí bíni' yik'i naaghá, áádóó bee ił nishłíinii ni'jį' kwíílééh. Síilah.

PSALMS 7:5 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 16:15

Tł'oh azis éé' áshłaago shi'éé' nít'éé'. Bee shidziilii łeezh dibahí bii' yíłchǫ'.

PSALMS 3:2

lą'í shaa nídaat'į́įgo ádaaní, Diyin God doo háká adoolwoł da. Síilah.

PSALMS 44:5

Ninahjį' nihi'ana'í ni'jį' naa'adahoyii'nííł. Anaa' danihił'íinii nízhi' binahjį' bik'i nideiikai.

PSALMS 49:12

Diné at'į́įgo baa yáhásinii doo hool'áágóó hináa da; naaldlooshii áádįįłii nahalingo hó ałdó' dazdootsaał.

PSALMS 60:12

Diyin God biłgo doo nídaniilyées da doo, háálá bí nihi'ana'í nihá yik'i nidoogaał.

ISAIAH 10:6

dine'é doo Diyin God k'ehgo ádaat'éii bich'į' hodeesh'aał, dine'é bich'į' t'óó báhádzidgo sháháchį'ii bich'į' hodeesh'aałgo bindaalye'é bighahizhdoo'nił áádóó jidoołnééł índa kintah da'nítiingi hashtł'ish bik'i nijighá nahalingo t'óó bik'i nizhdoogaał.

ISAIAH 63:3

Dadine'é bitahdóó diné doo ła' shił naa'aashgóó t'áá sáhí ch'il na'atł'o'ii habí'ííł'eez, háálá sháháchį'go bik' i nideeshaał áádóó t'óó báhádzidgo sháháchį'go łeeh bí'dees'is; dabidił shi'éé' bik'ídadooltah índa shi'éé' t'áá át'é bee łichíi'go ádeeshłííł.

JEREMIAH 17:13

Bóhólníihii éí Ízrel dine'é bee bił chohoo'íinii nílíinii, t'áá ałtso yóó'adanizhdii'aahii t'óó haa yáhásinígi ádahodi'doolnííł; nits'ą́ąjigo dah dahizhdiikáahii t'áá ałtso házhi' łeezh bikáá' ádadoolnííł, háálá iiná tó háálíinii éí Bóhólníihii nilíinii yóó'adazdeez'ą́.

HABAKKUK 3:13

Nidine'é yisdáhidookah biniyé yíníyá; t'áá éí déínísį́į'ii yisdáhidookah biniyé yíníyá. Doo yá'ádaashóonii bighandóó atsijį' naazíinii dashíníłjizh; bik'ai'dóó bik'osjį' ałtso yíníłchxǫ'. Síilah

ZECHARIAH 10:5

Diné ayóó át'éii nidahalingo kintah da'nítiingóó bida'ana'í danilíinii hashtł'ish biyi'góó anadeił'į́įgo yik'i nidookah, áko Bóhólníihii bił hólónígíí bąą anadadoot'įįł áádóó bida'ana'í łį́į́' bił nidaaldlooshii t'óó ádaa yádadínóodzįįł.

MALACHI 4:3

Áádóó beiníłką́ądi t'áá íiyisí doo yá'ádajíshóonii hak'i nidoohkah, índa łeeshch'iih nahalingo nihikétł'ááh bee hak'i nidoohkah, ní t'áá ałtsoní bee Bóhólníihii.

I SAMUEL 24:11

Shoo, shizhé'é, ni'éé' bidííłgizhígíí dah yistsosgo níníł'į́, háálá ni'éé' bidííłgizhígíí áádóó t'áadoo niyéłhį́į daígíí díí bee nił bééhózin: nił bééhózin índa yíní'į́įgo doo yá'áshónígi t'áadoo ániishłaa da, doodaii' bee haz'áanii t'áadoo nił k'íníti' da índa t'áadoo nich'į' ádił asésiih da. Shidiyííłhééł biniyé shíkanítáá nít'éé' nidi t'áadoo ná hashja'iishłaa da.

I SAMUEL 24:18

Jó, bééhózínígo haash yit'éego díí jį́ yá'át'éhígi áshiinilaa, háálá éí Bóhólníihii nílák'ee shííłtį́įgo t'áadoo shisíníłhį́į da.

I SAMUEL 24:20

Áko k'ad shoo, díí ts'ídá baa ákoniizį́į́': t'áá aaníí aláahgo naat'áanii dííleeł lá, áádóó Ízrel dine'é aláahgo bee bóhólníihgo bił haz'áanii chánah ályaago nílák'ee doot'ą́ą doo lá.