PSALMS 7:3 - Navajo Bible

³ Bóhólníihii shiDiyin God nílíinii, díí baa niséyáago, shíla' bee doo ákwii át'éii áát'įįdgo,

PSALMS 7:3 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 11:14

doo ákwii ádaat'éii nii' hólǫ́ǫ́ ládą́ą́', éí doo deeghánígóó áts'ádinít'aah, áádóó t'ááká doo yá'ádaashóonii nighangi hólóníi la'.

PSALMS 22:12

Diné éí dóola nidahalinígíí t'óó ahayóí shinás'á; diné éí Béíshan hoolyéédóó dóola bidziilii nidahalinígíí shináshzhiizh;

PSALMS 22:20

Diltłish bits'ą́ąjį' shii' sizíinii yisdáníłteeh, she'iina' aháláane'go baa nitsískeesii éí łééchąą'í nahalingo diné hashkéii bibee adziilii bits'ą́ąjį' yisdáníłteeh!

PSALMS 59:3

Háálá shizéé' deidoot'įįł yiniyé shaa nidaa'na', jó'akon. Bóhólníihii nílíinii, diné ayóó ádaat'éego dabidziilii shiniyé ahínéikah. Bee haz'áanii héti'ígíí índa ádił ni'iiszíhígíí doo yiniinaa ádaat'į́į da.

PSALMS 66:18

Doo ákwii át'éii shijéí bii' bá hosíł'ą́ągo Bóhólníihii doo shididoots'į́įł da.

JOSHUA 22:22

Diyin God, Diyin God, éí Bóhólníihii nilíinii, Diyin God, Diyin God, éí Bóhólníihii nilíinii, éí díí bił bééhózin, índa Ízrel dine'é t'áá bí bił béédahodoozįįł! Nideiilteehgo, doodaii' Bóhólníihii bich'į' doo ákǫ́ǫ́ ádeiit'į́į́góó, áko díí jį́ yisdánihóónííł lágo,

I SAMUEL 20:8

Éí bąą ná naal'a'í t'áá íiyisí baa jiiníbaah, háálá Bóhólníihii binááł bee aha'deet'áanii bee ná naal'a'í bił aha'díínít'ą́. Nidi doo ákwii é'ét'éii shii' hólǫ́ǫgo t'áá ni shidiyííłhééł; ha'át'íísh ałdó' biniyé nizhé'é bich'į' shił díí'ash?

I SAMUEL 22:13

Áko Saul áhodííniid, Ha'át'íishą' biniinaa ni áádóó Jésii biye' bił shinahosoo'ą́? Jó, bááh béíní' ą́, áádóó diltłish béínítą́ índa Diyin God bich'į' bá ná'iisíníkango éí díí jį́į́góó atíshidoolíiłgo shaa naa'na'.

I SAMUEL 22:8

Da' éísh biniinaa t'áá ánółtso shindahosoo'ą́? Shiye' nilíinii éí Jésii biye' yił aha'deet'ánígíí doo ła'da bee shił hoołne' da; t'áá łah dinołt'éhí nidi doo ła' shik'édí nohłį́į da, índa shiye' éí shá naal'a'í shik'ijį' nilį́įgo áyiilaago t'áadoo bee shił dahoołne' da, áko éí díí jį́į́góó atíshidoolíiłgo shaa naa'na'.

I SAMUEL 24:11

Shoo, shizhé'é, ni'éé' bidííłgizhígíí dah yistsosgo níníł'į́, háálá ni'éé' bidííłgizhígíí áádóó t'áadoo niyéłhį́į daígíí díí bee nił bééhózin: nił bééhózin índa yíní'į́įgo doo yá'áshónígi t'áadoo ániishłaa da, doodaii' bee haz'áanii t'áadoo nił k'íníti' da índa t'áadoo nich'į' ádił asésiih da. Shidiyííłhééł biniyé shíkanítáá nít'éé' nidi t'áadoo ná hashja'iishłaa da.

I SAMUEL 24:9

Áko David éí Saul áyidííniid, Shoo, ha'át'éegoshą' saad yee hadahadziihgo yísíníłts'ą́ą́', David atínídoolííł, daniłní?