PSALMS 7:1 - Navajo Bible

¹ Bóhólníihii shiDiyin God nílíinii, ni naa jííníshłí; bik'ee neeshchéełii t'áá ałtso bits'ą́ąjį' yisdáshíłteeh,

PSALMS 7:1 ပူးပေါင်းရင်းမြစ်များ

PSALMS 11:1

Bóhólníihii nilíinii baa jííníshłí; ha'át'íí biniyé shii' sizíinii ábidiní, Tsídii nahalingo nidziłgóó yóó'anilyeed?

PSALMS 13:3

Bóhólníihii shiDiyin God nílíinii, shaa nitsíníkees áádóó shich'į' ééhonísįįhgo shidziil áshílééh, áko doo dadeestsaał da,

PSALMS 13:5

Nidi aa a'ááh nínízinii baa jííníshłí áádóó nibee yisdá'iildéehii shijéí yaa bił hózhǫ́ǫ dooleeł.

PSALMS 18:2

Bóhólníihii éí tsé shá nilį́, índa bine' adziihii shá nilį́, áádóó yisdáshiiłteehii nilį́; shiDiyin God éí bee shidziilii nilį́įgo bine' ahinishchééh; shinaage' índa adziil bee yisdáhásháahii nilį́įgo bikáá' nehesdzíihii nilį́.

PSALMS 18:28

Jó, bee hool'iní shá didííłtłił; shił tł'ée'go Bóhólníihii shiDiyin God shił ch'ídi'doołdlał.

PSALMS 25:2

ShiDiyin God nílíinii, naa jííníshłí; t'ááká t'óó baa yáhásinígi ádashóle' lágo; shi'ana'í danilíinii doo shik'eh dadidlį́į da le'.

PSALMS 26:1

Bóhólníihii nílíinii, shaa nánít'įįh, háálá doo shina'adlo'góó níyá, áádóó Bóhólníihii doo naaki nilį́į́góó baa jííníshłí; éí bąą doo ałtádideesghas da.

PSALMS 3:7

Bóhólníihii nílíinii, díldzííł! ShiDiyin God yisdáshíłteeh! Háálá shida'ana'í t'áá ałtso biniishjaa' náhidíníłhaal. Doo Diyin God k'ehgo ádaat'éii biwoo' dahíníti'.

PSALMS 30:12

áko shii' sizíinii naa haniihgo nich'į' hataał doo, índa doo t'óó déesxéel da doo. Bóhólníihii shiDiyin God nílíinii, ahóyéel'áágóó nich'į' ahééh nisin dooleeł.

PSALMS 30:2

Bóhólníihii shiDiyin God nílíinii, nániisiskango nááshidinisá.

PSALMS 31:15

T'áá áłahjį' shaa áhólyą́; shi'ana'í danilíinii áádóó atídashił'íinii bílák'eedę́ę́' yisdáshíłteeh!

PSALMS 32:10

Doo yá'ádaashóonii t'óó ahayóígóó yínííł danilį́, nidi Bóhólníihii yaa dzólíii t'éí aa a'ááh hasinii binázlį́į doo.

PSALMS 43:4

Áko lą́ą índa Diyin God bibikáá' náá'iiniihí baa deeshááł; Diyin God t'áá íiyisí bee shił hózhóonii baa deeshááł. T'áá aaníí, Diyin God, shiDiyin God nílíinii, tsin tł'óół bąąh daneelzhee'go bee nida'a'néii bee naa hashniih doo.

PSALMS 89:26

ShiTaa' nílį́, shiDiyin God, tsé bee yisdéíyáii nílį́, níigo shich'į' hadoodzih.

ISAIAH 50:10

T'áá háiida nihitahgi Bóhólníihii bił nilíinii, t'áá háiida bá naal'a'í biinéé' yik'eh hół'íinii, t'áá háiida chahałheełgóó yigáałgo doo bił ééhózinii, bíni'dii éí Bóhólníihii bízhi' yaa dzólí áádóó biDiyin God yaa dzólíigo sizį́į le'.

JEREMIAH 15:15

Nił bééhózin, Bóhólníihii nílíinii, béénílniihgo shaa ninánítaah; shich'į' nidahwiiłnáanii shá k'éébidídlééh. Ha'íínílníhígíí binahjį' doo nahjį' kóshidíílíił da. Niniinaa shá nahat'i'go nił bééhózin le'.

JEREMIAH 20:11

Nidi Bóhólníihii ayóó ábóodziilii bik'e'íyé'ígi át'éego shił hólǫ́. Éí bąą atídashijił'íinii ádił dazdoosih, áádóó doo shik'eh dazhdidoodleeł da. T'áadoo adih ádadziidzaaígíí biniinaa t'óó baa yádaznízin doo. Hool'áágóó ádił tsétah da'dziztł'ónígíí éí ts'ídá doo baa hodiyoo'nah da.

JEREMIAH 31:18

Íífreiyim di'níigo diséts'ą́ą́', Béégashii yáázh doo yízhǫǫdii nahonishłingo nashinínítą́ą́', áko nashidi'neestą́ą́'. Naanáshíleeh, áko naanáshi'disdlóoz doo, háálá Bóhólníihii shiDiyin God nílį́.

DANIEL 9:4

Bóhólníihii shiDiyin God bich'į' sodiszingo ádił ni'iidzííh bee ádaa hashne'go ádíshní, Bóhólníihii ayóó át'éii Diyin God t'óó báhádzidii nílíinii, ayóó'ádanó'níinii índa nibee haz'áanii yik'eh dahół'íinii baa a'ááh nínízingo bee aha'deet'áanii yi'ósinii nílíinii,

HABAKKUK 3:1

Diyin God yá halne'ii Habákak bisodizin Shigiyónoth bik'ehgo bee hatáál.

ZECHARIAH 14:5

Áádóó dził t'áá hahodiildzis góyaa adahizhdínóohchééł, háálá éí dził bita'góó t'áá Éízaljį' hahodiildzis. Áko Júdah dine'é aláahgo binanit'a'í Azáíyah bíyoołkááł yę́ędą́ą́' ni' nahaasnáa'go hadahinoochą́'ígi át'éego adahidínóohchééł. Ákohgo Bóhólníihii shiDiyin God honíle'go bidiyį́į́' t'áá át'é yił dookah.

JOSHUA 14:8

Nidi shik'isóó danilíinii shił naaskaígíí éí diné bijéí nitsideistłahgo t'óó yił dahóółhéé', nidi shí éí t'áá sézį́į́ nít'éé' Bóhólníihii shiDiyin God bikéé' yishááł nít'éé'.

I PETER 1:21

Honiit'aa Diyin God baa dadzíínóhłí, éí dadziztsą́ą́dę́ę́' nááhodiisá áádóó ayóó át'éii áhoolaa. Áko Diyin God deisoohdląądgo biniiłt'aa nihił chodahooz'įįd.

I PETER 4:19

Éí bąą Diyin God íinízinii bik'ehgo ti'dahojooníhígíí éí yá'át'éehgo ádajooníiłgo Í'iilaii ba'ahódlíii baa ádahizhdidoot'ááł.