PSALMS 69:9 - Navajo Bible

⁹ Háálá nikin t'áá íiyisí baa hą́ą́h nisingo bíneeshdlínígíí t'áá áshidoołdįįłgo shide át'é, áádóó danéédzíi'ii yee danéédzíí' yę́ę shik'ijį' silį́į́'.

PSALMS 69:9 ပူးပေါင်းရင်းမြစ်များ

I KINGS 19:10

Áko ájíní, T'áá ałtsoní bee Bóhólníihii Diyin God bá haleego ásdzaa. Jó, Ízrel dine'é nibee aha'deet'ą́ yóó'adeideez'ą́; nibikáá' nááda'iiniihí dayiistł'ííd, áádóó ná dahalne'ii diltłish yee nideistseed, áko shí, t'áá shí t'éiyá, ch'ééyá, áko k'ad dashidiyoołhééł biniyé hadashintá.

I CHRONICLES 29:3

Náá'áłdó' shiDiyin God bikin bii' sohodizin baa shił hózhǫ́ǫgo bąą t'áá át'é áádóó díí bóóltą'go t'áá shí shiyódí óola áádóó béésh łigaii shee hólǫ́ǫgo shiDiyin God bikin bii' sohodizin baa diní'ą́; t'áá áchą́hwíídéeni'go t'áá ałtsojį' bilááh honee'ą́ągo kin diyinii ádoolnííł biniyé hasht'ediisdzaa.

JOB Naaltsoos Biyi' Job Baa Hane'ii 19:13

Shik'isóó danilíinii doo nádiiníghánígóó shits'éininíłkaad. Diné bił ahéédahasinii nidi doo shich'į' nidaakai da daazlį́į́'.

PSALMS 119:139

Nizaad baa hą́ą́h nisingo bíneeshdlínígíí t'áá áshidoołdįįłgo shide át'é, háálá shi'ana'í danilíinii nizaad yaa dayooznah.

PSALMS 38:12

Dahodiyiilyééł dashó'níinii shá nináda'a'nił. Atídashidoolíiłii doo yá'át'ééhgóó shindahagizgo shida'doolohígíí shá bíighah yaa nitsídaakees.

PSALMS 89:41

Bą́ą́h hidikáhígíí t'áá ałtso bighada'ii'nííł. Yił kééhat'íinii t'óó bá nidahałt'i' silį́į́'.

ROMANS 15:3

Háálá Christ doo t'áá bí ádił hóshǫ́ǫ da nít'éé'; jó, Diyin God bizaad bee ak'e'ashchíinii ání, Danéédzíi'ii yee danéédzíí' yę́ę shik'ijį' silį́į́'.