PSALMS 69:8 - Navajo Bible

⁸ Shik'isóó danilíinii bich'į' dé'éyóní sélį́į́'; shimá ba'áłchíní bich'į' ayóní sélį́į́'.

PSALMS 69:8 ပူးပေါင်းရင်းမြစ်များ

PSALMS 31:11

Shida'ana'í t'áá ałtso biniinaa t'óó shá nahat'i'; t'áá aaníí bił kééhasht'íinii agháago ákódashił'į́, áádóó bił ahéédahoniszinii shéédaaldzid daazlį́į́'; bitahgóó hidisháahgo dashiiłtséehgo shits'ą́ąjį' hidijeeh.

PSALMS 38:11

Bee shąąh dahoo'a'ígíí biniinaa dashich'ooní índa bił naashdeeh yę́ę doo shinádadízin da, shik'éí danilíinii t'áá níléí shits'áhwiiní'ą́ądi nidaakai.

PSALMS 89:51

Bóhólníihii nílíinii, éidí yee ni'ana'í ándahałt'i' áádóó ak'ah bik'i yeiniziidgo yínísį́į'ii bikék'eh hashchį́į́góó yigáałgo t'áá éí ałdó' yee yaa daadloh.

PSALMS 89:52

Bóhólníihii hool'áágóó baa dahohniih! T'áá ákót' ée le' áádóó t'áá ákót'ée doo.

ISAIAH 50:6

Shiníighah adadziiłtsxáasii áádóó shidághaa' hadayiiłdlaadii baa ádinisht'ą́; baa yáhásinígi áshi'dil'ínígíí áádóó shik'ídahidizheehígíí doo bits'ąą shinii' nanish'in da.

ISAIAH 53:3

Diné dahaz'įįdgo doo dahoniizį́į́'góó hats'ą́ąjį' nídaazyiz; diné yínííł jílíinii áádóó yínííł bee ade áhoot'éii hoł bééhózin; doo hanádadéézįįd daígíigi át'éego dahaz'įįd áádóó doo nihił ajílį́į da.

ISAIAH 53:4

T'áá aaníí, yínííł nihide át'éii áádóó yínííł nihá nízhdiiyį́, nidi Diyin God atíhoolaago hach'į' hodiiznáá' daniidzį́į́'.

JEREMIAH 15:15

Nił bééhózin, Bóhólníihii nílíinii, béénílniihgo shaa ninánítaah; shich'į' nidahwiiłnáanii shá k'éébidídlééh. Ha'íínílníhígíí binahjį' doo nahjį' kóshidíílíił da. Niniinaa shá nahat'i'go nił bééhózin le'.

MATTHEW 26:56

Nidi Diyin God yá dahalne'ii yee ak'eda'ashchínígíí bohodoolnííł biniyé díidí t'áá ałtso k'ad áánííł. Ákohgo hódahooł'aahii t'áá ałtso hats'ą́ą́' dah diijée'go yóó'aheeswod.

JOHN 1:11

t'áá hóhígíí baazhníyá, nidi t'áá hó hadine'é doo dahoniizį́į' da.

JOHN 7:5

Háálá azhą́ hatsilíké nidi doo dahoodlą́ągo haa dadzólíi da.

I SAMUEL 17:28

Hánaaí alą́ąjį'ígíí Iiláíyab éí diné bich'į' yájíłti'go hodiizts'ą́ą́', áko Iiláíyab éí David bich'į' háhóóchįįdgo ábijiní, Ha'át'íí biniyé yíníyá? Háísh honoojíidi dibé t'áá díkwíígíí ná neiniłkaad? Ayóogo ádaa dzíínídlíigo áádóó t'áá ádíláahgo t'éí nitsíníkeesgo shił bééhózin, háálá anaa' baa na'aldeehígíí dínííł'įįł biniyé yíníyá.