PSALMS 69:6 - Navajo Bible

⁶ T'áá ałtsoní bee Bóhólníihii Diyin God nílíinii, nee bił chodahoo'íinii shiniinaa t'ááká t'óó baa yáhásinígi ádabi'dólne' lágo. Ízrel biDiyin God nílíinii, níká ádaat'íinii shiniinaa t'ááká bąąh nidahókaad lágo.

PSALMS 69:6 ပူးပေါင်းရင်းမြစ်များ

II SAMUEL 23:3

Ízrel dine'é biDiyin God kóní, Ízrel dine'é bitsé niłdzilii shich'į' yáłti'go ání, T'áá háiida dine'é binazhnit'áago t'áá ákogi ájít'ée doo; Diyin God jidísingo hóhólníih doo.

PSALMS 25:3

T'áá aaníí niba' ádaat'éhígíí doo ła' t'óó baa yáhásinígi ábi'dil'į́į da le', nidi t'áadoo biniinaanígóó shindahaz'áanii ádaa yádahiniizįįh le'.

PSALMS 35:26

Atíshi'dil'į́įgo yaa bił dahózhóonii bíni'dii t'óó bił ałtaa daha'a'go t'óó baa yáhásinígi ádabi'dólnééh! Shich'į' ayóó át'é áńda'diil'įįhii bíni'dii doo ił ílį́, índa baa yáhásinii béédaháastł'ingo ádabi'dólne'!

PSALMS 7:7

Áko diné áłah nilínígíí ninaagóó ahénál'áa doo, áádóó wót'áahdi bá dah sínídáhídi dah nánídaah.

PSALMS 72:18

Bóhólníihii Diyin God baa ha'niih le'! T'áá bí Ízrel dine'é yiDiyin God nilį́. Éí t'éiyá t'óó bik'eda'ayóii áyoolííł.

ISAIAH 49:23

Áádóó aláahgo naat'áanii nizhé'é danilį́įgo nihada'ałtso' doo áádóó asdzą́ą́ naat'ááh éí nimá danilį́įgo nihaa ádahalyą́ą doo; ni'jį' nihéédadíníit'áahgo nihich'į' yaa áńdaat'įįh doo, índa nihikee' bąąh łeezh dibahí deiłnaad doo, áádóó Bóhólníihii nishłį́įgo nihił béédahodoozįįł, áko shiba' ádaat'éii doo ádaa yádandzin da doo.

ACTS 13:17

Díí Ízrel dine'é biDiyin God, danihizází yę́ę yitayiizláá', áko dé'éyóní dajílį́įgo Ííjipgi kéédahojit'į́į́ nít'éé' yę́ędą́ą́' ayóó ádajít'éego áhoolaa, índa bibee adziilii doo bóhonee'áanii áádę́ę́' yee ch'íhoní'eezh.

ACTS 13:23

Éí diné bits'ą́ą́dóó oochíiłii bitahdóó Diyin God t'áá yee nihozhní'ánígíí bik'ehgo éí Jesus Yisdá'iiníiłii Ízrel dine'é baazhníłtį́.

ACTS 4:7

Áko áłah silį́'ígíí biníi'gi nidahazh'eezhgo, Ha'át'íí bee adziilii shį́įshą', índa háishą' bízhi' binahjį' díí baa nishoo'áázh? daaníigo nidahódééłkid.