PSALMS 69:4 - Navajo Bible

⁴ T'áadoo baanígóó shik'ee dadiniihii shitsii' bilááh ánéelą́ą́'. T'áadoo biniinaanígóó dahodiyiilyééł dashó'níinii shi'ana'í daazlį́į'go ayóó ádabóodziil. T'áadoo bits'ą́ą́' nídiiláhí da nidi baa nídeeshdlééł.

PSALMS 69:4 ပူးပေါင်းရင်းမြစ်များ

PSALMS 35:19

T'áadoo biniinaanígóó shi'ana'í danilíinii doo shaa bił dahózhǫ́ǫ da le'; t'áadoo baanígóó shik'ee dadiniihii t'áadoo bił dahózhǫ́ǫgo dashidi'niihí le'.

PSALMS 40:12

Háálá daashíínéelą́ą́' doo yá'ádaashóonii shináshzhiizh. Doo ákwii áát'įįdii shide ádzaago biniinaa doo haoshxaał át'ée da sélį́į́'; éí shitsii' bilááh ánéelą́ą́'; éí bąą ch'ééh ásht'į́.

PSALMS 59:3

Háálá shizéé' deidoot'įįł yiniyé shaa nidaa'na', jó'akon. Bóhólníihii nílíinii, diné ayóó ádaat'éego dabidziilii shiniyé ahínéikah. Bee haz'áanii héti'ígíí índa ádił ni'iiszíhígíí doo yiniinaa ádaat'į́į da.

PSALMS 6:7

Shíni' yii'a'ígíí bik'ee shináá' ábi'niidįįd. Shida'ana'í bik'ee yishchago shináá' t'óó yówehda ádzaa.

JOHN 15:25

Nidi t'áá daabí bibee haz'áanii biyi' díí saad bee ak'e'ashchínígíí bohodoolnííł biniyé, T'áadoo baanígóó shik'ee dadeeznih.

II CORINTHIANS 5:21

Háálá bił łá'í daniidlį́įgo Diyin God ts'ídá t'áá ákogi át'éii bee ts'ídá t'áá ákogi ádaniit'ée doo biniyé Christ, bąąhági át'éii doo át'é nízinii, nihibąąhági át'éii bik'i diit'ą́.

I PETER 2:22

Christ t'áadoo asiihígi da, índa ts'ídá t'áadoo yooch'ííd yee haadzíi' da.

I PETER 2:24

Bąąhági át'éii bich'į' danee'náago ts'ídá t'áá ákogi ádaniit'éego dahinii'náa doo biniyé Christ t'áá bí bits'íís yee nihibąąhági át'éii ák'iidiit'ą́ągo tsin ałnáoszid bąąhjį' yił ti'hooznii'. Éí bik'i nidzisk'ą́ągo ábi'diilyaaígíí bee hadaałt'é nídasoohdlį́į́'.

I PETER 3:18

Christ t'ááłáhídi ałtso nihá łazh'doolíiłgo t'áá hó hwee Diyin God baa náhidiikah biniyé ts'ídá t'áá ákogi ájít'éii éí doo t'áá ákwii ádaat'íinii bá dadziztsą́. Hats'íís seesyį́, nidi Níłch'i Diyinii bee jiináago áho'diilyaa.