PSALMS 69:36 - Navajo Bible

³⁶ Bá nidaal'a'í náás ahoolchííłgóó daabí dooleeł. Áádóó Diyin God bízhi' ayóó'ádayó'níinii ákwii kéédahat'į́į dooleeł.

PSALMS 69:36 ပူးပေါင်းရင်းမြစ်များ

PSALMS 102:28

Ná nidaal'a'í bada'áłchíní éí as' ahgóó kéédahat'į́į doo, áádóó éí náás da'ahílchíihii nidáahgi bidahoníłdzil doo.

ACTS 2:39

Háálá éí nihí áádóó niha'áłchíní índa nízaadi nidaakaii bił nihíí' dadooleełgo yee nihoní'ą́, Bóhólníihii nihiDiyin God hágo deididooniiłígíí t'áá ałtso baa deet'ą́.

PSALMS 37:29

T'áá ákogi ádaaníiłii hool'áágóó kéyah bíí' dadooleeł, áádóó ákwii hool'áágóó kéédahat'į́į doo.

REVELATION 21:27

Nidi ha'át'íida t'óó baa'ihii ts'ídá doo biih hodooleeł da, índa doo yildingóó naagháii áádóó biyooch'íidii ts'ídá doo yiih doogáał da, nidi iiná naaltsoos Dibé Yázhí nilíinii bíhígíí biyi' dabízhi' bik'idaasdzohii t'éiyá yiih dookah.

JOHN 14:23

Jesus ánááhodoo'niid, Diné ła' ayóó'áshó'níigo, éí shizaad bik'eh hojíł'į́į doo, áko shiTaa' ayóó'áhó'níi doo, áko haa diikahgo hoł kéédahwiit'į́į dooleeł.

JAMES 1:12

Diné nabóhonitaahgo ha'ólnínígíí bik'ihojidlí, háálá na'íhonitaah bik'esdeesdlį́į'go bééhoozingo iináájí naat'á ch'ah Diyin God haididoo'ááł, éí Bóhólníihii ayóó'ádabó'níinii bíí' dooleełgo yee yich'į' haadzíí'.

ROMANS 8:28

Diyin God ayóó'ádayó'níinii t'áá bí yinahaz'áanii bik'ehgo yíká ádííniidígíí bich'į' áhooníłígíí t'áá ałtso bá yá'át'éeh dooleełgo ahindaalnish áyósingo nihił béédahózin.

ISAIAH 61:9

Áádóó ał'ąą dine'é bitahgi ha'áłchíní náás da'ahílchíihii béédaho'dílzin doo; hats'ą́ą́dóó deíchíhígíí daboo'íinii t'áá ałtso Bóhólníihii hak'ijisdli'ii dajílį́įgo haa ákodanízin doo.

PSALMS 91:14

Ayóó'áshó'nínígíí bąą yisdádeeshtééł. Shízhi' yééhósinígíí bąą nidziidzííh dooleełgi nihodeeshtééł.

JAMES 2:5

Da'íísółts'ą́ą́', shik'isóó ayóó'ánihósh'níinii, jó, nihokáa'gi badahojoobá'íii oodlą' deidoot'įįłgo índa Diyin God bee bóhólníihgo bił haz'áanii bíí' dadooleełgo ts'ídá nábiizláá'. Éí ayóó'ádabó'níinii bíí' dooleełgo yee nihoní'ą́.

ISAIAH 44:26

éí bá naal'a'í bizaad t'áá aaníigo áyósinígíí áádóó bá hane' nidei'áii yee yádááłti'ii áyoolíiłii nishłį́; t'áá éí Jerúsalem kin haal'áii ííłní, Diné nii' kéédahat'į́į doo, áádóó Júdah kéyah biyi' kin hadaas'áii ííłní, Áńdanihidi'doolnííł índa kints'iilgo nahaz'ánígóó ałdó' áńdadeeshdliił;