PSALMS 69:3 - Navajo Bible

³ Yishchago bąąh nídínísdzá. Shidáyi' náhooltsei. ShiDiyin God biba' ánísht'éego biniinaa shináá' doo hózhǫ́ bee hoot'į́į da silį́į́'.

PSALMS 69:3 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 11:20

Diné doo yá'ádaashóonii doo da'oo'į́į da dadooleeł, índa t'áá ha'át'éegoda ts'ídá doo yisdádahizhdookah da, áádóó diné ádazhdoodįįłígíí bee hoł chodahoo'į́.

JOB Naaltsoos Biyi' Job Baa Hane'ii 16:16

Yishchago bik'ee nídeishchih; k'ad ni'iishchéehgo shinák'ee alzhíínígo sédá.

PSALMS 119:123

Nibee yisdá'iildéehii índa nizaad t'áá ákogi át'éii bíká dísh'į́į'go shináá' nídíníłnah.

PSALMS 119:82

Nizaad bíká dísh'į́į'go shináá' ch'ééh nídít'ashgo ádíshní, Hahgoshą' ha'ííníshníigo áshidíílííł?

PSALMS 22:15

ásaa'ts'iil yíłtseígi át'éego shidziil nááltsei, áádóó shitsoo' shiyaats'iin bídiiłgan; anoonééł bileezh bii' nishííníłtį́.

PSALMS 22:2

ShiDiyin God nílíinii, jį́įgo nánooshkąąh, nidi doo shich'į' ééhonísįįh da, áádóó tł'ée'go ałdó' doo dííníshhéel da.

PSALMS 25:21

Doo shina'adlo'ii áádóó t'áá ákóne' ánísht'éii bee yisdziih le', háálá niba' ánísht'é.

PSALMS 39:7

K'ad ha'át'íísh biniyé t'ah nisin, Bóhólníihii? Ninahjį' shá chohoo'į́.

PSALMS 40:3

NihiDiyin God éí sin bee baa ha'niihii, sin ániidíii shizaiyíílá. Lą'í deidoołtséełgo dahodísin doo, áádóó Bóhólníihii yaa dadzólíi doo.

PSALMS 6:6

Nidish'ni'go bąąh díníłna'; t'áá ákwíí tł'éé' shitsásk'eh bikáá'góó shinák'eeshto' naashnil; bikáá' nishtéhígíí shinák'eeshto' bee nínáshtłoh.

PSALMS 69:21

Atł'izh nahalingo dích'íi'ii yił shada'astsood áádóó dibáá' nishłínígi ch'il na'atł'o'ii bitoo' dók'ǫ́zhígíí shaa deizką́.

PSALMS 88:7

T'óó báhádzidgo bee atí'éł'íinii yéego shik'i dah siyį́; bee ti'hoo'níihii nits'ą́ą́dóó deílk'oołii t'áá ałtso shik'i diilkǫ'. Síilah.

ISAIAH 38:14

Hoz áádóó táshchozhii nahalingo yishcha; hasbídí ání nahalingo atínídinishdleeh; dego désh'į́į'go shináá' yąąh nááníłnah; Bóhólníihii nílíinii, shide áhoodzaa; nine' anishchééh.

LAMENTATIONS 2:11

Yishchaígíí bik'ee shináá' ch'ééh deezh'áázh; shiyi'di t'áá íiyisí bich'į' nahwii'náago yínííł nishłínígíí tó nahalingo ni'jį' náálį́, háálá shidine'é bich'é'é ábi'disdįįd áádóó kin haal'áagi áłchíní yázhí índa awéé' nidahoneeł'ąąh.

JOHN 19:28

Kódzaadóó bik'ijį' há nihoot'áanii ałtso bíighah azlį́'ígíí hoł bééhózingo, Diyin God bizaad bee ak'e'ashchínígíí bohodoolnííł biniyé ázhdííniid, Dibáá' sélį́į́'.

DEUTERONOMY 28:32

Nihiye'ké áádóó nihitsi'ké éí náánáła' dine'é baa dabidi'doo'nił, áko ch'ééh bídin danohłį́įgo shá bíighah bíká dadíínóh'į́į'go nihináá' ch'ééh nídadikah doo; t'áadoo bee ła' daohłe'í da doo.

HEBREWS 5:7

Nahasdzáán bikáa'gi Jesus hiná yę́ędą́ą́' Diyin God éí Jesus dadootsaałígíí bits'ą́ąjį' yisdábidoołtéełgo yíneel'áanii yich'į' yéego áníigo áádóó binák'eeshto' náálį́įgo sodoolzin índa ná'ooskan, áko yidísinígíí bąą Diyin God bidiizts'ą́ą́'.