PSALMS 69:29 - Navajo Bible

²⁹ Nidi shí éí shahojoobá'í áádóó yínííł nishłį́. Diyin God nílíinii, bíni'dii nibee yisdá'iildéehii bee chánah nishłį́įgo áshílééh!

PSALMS 69:29 ပူးပေါင်းရင်းမြစ်များ

PSALMS 109:22

Háálá shahojoobá'í áádóó hojooba' hoséł'ą́, índa shijéí tídiilyaa.

PSALMS 109:31

Háálá diné bahojoobá'íii bidi'yoolyéełjį' bee ha'oodzíi'ii bits'ą́ą́dóó yisdéidoołtééł biniyé yinish'náájí sizį́.

PSALMS 18:48

Shi'ana'í danilíinii bits'ąą yisdáshíłtééh; t'áá aaníí shi'ana'í danilíinii shik'i néijahígíí bilááh ánísht'éego áshíínísin; diné doo daats'íidii bits'ąą yisdáshíłtééh.

PSALMS 20:1

Ach'į' nahwii'ná bii' nínéidiilkáahgo Bóhólníihii nich'į' énáhoosįįh le'! Jéíkab biDiyin God bízhi' choiníł'į́įgo nich'ą́ą́h nahale' doo!

PSALMS 40:17

Shí shahojoobá'í áádóó hojooba' hoséł'ą́ągo Bóhólníihii shaa nitsíkees. Shíká análwo'ii nílį́ áádóó hááshiiłteehii nílį́; shiDiyin God nílíinii, t'áadoo t'ah níníziní!

PSALMS 59:1

ShiDiyin God nílíinii, shi'ana'í danilíinii bits'ą́ąjį' yisdáshíłteeh. Shich'į' náádadiibahígíí bits'ąą shaa áhólyą́.

PSALMS 70:5

Nidi shahojoobá'í áádóó hojooba' hoséł'ą́. Diyin God nílíinii, tsį́įłgo shaa honíleeh! Jó, shíká análwo'ii áádóó yisdáshiiłteehii nílį́. Bóhólníihii nílíinii, t'áadoo t'ah níníziní!

EXODUS 32:33

Nidi Bóhólníihii éí Mózes áyidííniid, T'áá háiida shich'į' ádił asiihígíí éí t'éí shinaaltsoos biyi' házhi' k'éé'deeshchxǫǫł,

JEREMIAH 17:13

Bóhólníihii éí Ízrel dine'é bee bił chohoo'íinii nílíinii, t'áá ałtso yóó'adanizhdii'aahii t'óó haa yáhásinígi ádahodi'doolnííł; nits'ą́ąjigo dah dahizhdiikáahii t'áá ałtso házhi' łeezh bikáá' ádadoolnííł, háálá iiná tó háálíinii éí Bóhólníihii nilíinii yóó'adazdeez'ą́.

MATTHEW 8:20

Áko Jesus áháłní, Mą'ii dootł'izhí be'a'áán dahólǫ́, áádóó tsídii wódahgo nidaat'a'ígíí bit'oh dahólǫ́, nidi Diné Silį́į'ii éí t'áadoo nizhnót'áałgi da.

II CORINTHIANS 8:9

Háálá nihiBóhólníihii Jesus Christ bibee ajooba' nihił béédahózin, jó, éí azhą́ at'į́į nidi, bahojoobá'í silį́į́', háálá nihá bahojoobá'í silį́'ígíí binahjį' nihí da'dooht'įįł.