PSALMS 69:21 - Navajo Bible

²¹ Atł'izh nahalingo dích'íi'ii yił shada'astsood áádóó dibáá' nishłínígi ch'il na'atł'o'ii bitoo' dók'ǫ́zhígíí shaa deizką́.

PSALMS 69:21 ပူးပေါင်းရင်းမြစ်များ

ECCLESIASTES 4:1

Áko tsínáádíkéezgo oo'áłígíí biyaagi ałde áhólzin baa nida'aldeehígíí t'áá ałtso háísid nít'éé'; jó, bide ádahólzinígíí dabinák'eeshto' yiiłtsą́, áádóó yee hada'íídóolniiłii ádin, áko bide ádahósinii adziil bee dahólǫ́, nidi bide ádahólzinígíí hadabidi'yoołnihii ádin.

JEREMIAH 23:15

Éí bąą t'áá ałtsoní bee Bóhólníihii éí áhodoonííł yaa dahalne'ii yaa haadzíi'go kóní, Jó, dích'íi'ii hodadiyeesį́į́ł áádóó tó ánít'į́įhii hodadiyeeshdlį́į́ł, háálá Jerúsalemdóó áhodoonííł yaa dahalne'ii bits'ą́ą́dóó Diyin God doo bá iináájí iinánígíí háát'i' silį́į'go kéyah t'áá náhwiist'ą́ą́ nít'éé' bikáá'góó nihinéést'e'.

JEREMIAH 8:14

Ha'át'íí lá biniyé t'óó niháatą́? Haa'íyee' ahíidiikahgo kin hadaas'á ditą́ągo binaa ahéé'ítł'inígóó dadiikahgo áadi ádiidįįł, háálá Bóhólníihii bich'į' ádił nida'ayeelzí'ígíí biniinaa k'aasda' tó dadiidlį́įłgo nihainíką́ągo Bóhólníihii nihiDiyin God ádiidįįłgo yee nihá nihoní'ą́.

JEREMIAH 9:15

Éí bąą Ízrel dine'é biDiyin God t'áá ałtsoní bee Bóhólníihii kóní, Shoo, díí dine'é dích'íi'ii dabidiyeesį́į́ł, áádóó tó atł'izh bił ałtahgo deidoodlį́įłgo baa deeshkááł.

LAMENTATIONS 1:2

Tł'ée'go yéego yicha; yił ałch'į' dah daalwo'ii bitahgi t'áadoo haho'ayółníhígóó haniitsį' bąąhdę́ę́' hanák'eeshto' nidaazlį́; hak'is danilíinii t'áá ałtso hak'ijį' daazlį́į'go hwe'ana'í daazlį́į́'.

LAMENTATIONS 1:9

T'óó baa'ihígi ájíít'įįdii éí ha'éé' bik'i sinilgo bee há nihonít'i'ii t'áadoo bik'ísízníłkéez da; éí bąą doo shóhoot'éedi nihoníłt'e'go háká adoolwołii ádin nít'éé'. Bóhólníihii nílíinii, shich'į' nahwii'nánígíí níníł'į́, háálá ana'í ádaa has'nih.

MATTHEW 27:34

wáin atł'izh nahalingo dích'íi'ii bił ałtahgo jidoodlį́į́ł biniyé haa deizką́, áko dzizlįhgo, t'áadoo joodlą́ą' da.

MATTHEW 27:48

T'áá áko ła' dah diilwodgo, tó náyiits'ǫsígíí ch'il na'atł'o'ii bitoo' dók'ǫ́zhígíí yínéíz'ą́, áádóó lók'aatsoh bílátahgi dah yiz'ą́ągo bąąh jidoots'ǫs biniyé haa yí'níłtsih.

MARK 15:23

Áádóó wáin, jeeh mir wolyéii bił ałtahgo jidoodlį́į́ł biniyé haa deizką́, nidi doo jinízin da.

MARK 15:36

Áko ła' dah diilwodgo tó náyiits'ǫsígíí ch'il na'atł'o'ii bitoo' dók'ǫ́zhígíí yénéíz'ą́, áádóó lók'aatsoh bílátahgi dah yiz'ą́ągo bąąh jidoots'ǫs biniyé haa yí'níłtsih kóníigo, Átsé, t'áadoo baa nídaaht'íní, haa'íshą' Iiláíjah daats'í haa doogáałgo adahodoołtééł dadíníil'įįł.

LUKE 23:36

Siláo ałdó' há nidahałt'i'go hayaajį' niikaigo ch'il na'atł'o'ii bitoo' dók'ǫ́zhígíí haa deiziidgo

DEUTERONOMY 29:18

Áko diné ła'da, doodaii' asdzánída, doodaii' hooghandóó dah ooldahii, doodaii' ła' dine'é díí jį́ Bóhólníihii nihiDiyin God doo yits'áhidookah da biniyé áádóó ał'ąą dine'é bidiyin dabidi'níinii doo yich'į' nidahałáa da doo biniyé, áádóó nihitahdóó ehétł'óól bits'ą́ą́dóó báhádzidgo na'ałtseedii índa dích'íi'ii doo hodooleeł da biniyé.