PSALMS 69:20 - Navajo Bible

²⁰ Shá nahazt'i'ígíí bik'ee atídiníshdlį́į́', áko t'áá íiyisí yínííł naashá. Shik'édí hodoodleeł niizį́į́', nidi t'áadoo shik'édí silį́'í da. Bee ha'ahóníinii biniyé tádííyá, nidi t'áadoo ła' bik'íníyáa da.

PSALMS 69:20 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 16:2

Hane' ákódaat'éii yee' lą'í diséts'ą́ą́'. T'áá ánółtso doo t'áá yíní át'éejį' bee ha'ahóníinii bee yádaołti'.

PSALMS 123:4

Diné ádaa daha'niihgo doo hodítééhgóó nidaakaii nihaa daadloh, áádóó danihi'į́įgo éí íiyisí agháago biniinaa nihii' naazíinii bide ádahoodzaa.

PSALMS 142:4

Shinish'náajigo déé'į́į́' nít'éé', áko t'áadoo ła' shaa ákoniizį́'í da. T'áadoo biniiłt'a nóshchéłí da; nádį́'ídi doo shináhodidzin da.

PSALMS 42:10

Diltłish deeníinii hats'in néinishish nahalingo atídashił'į́įgo shida'ana'í t'áá áłahjį' shaa daadlohgo ádashiłní, Háájíshą' niDiyin God silį́į́'?

PSALMS 42:6

ShiDiyin God nílíinii, shii' sizíinii doo bił hóóts'íid da; éí bąą Jórdan tooh binaa nahós'a'dóó Dził Hérman áádóó Dził Máízar sinilídóó nénáshniih dooleeł.

ISAIAH 63:5

Áádóó déé'į́į'go doo ła' áká oolyeedí da índa ha'át'éego lá de kó'ósin dooleełígíí ádin lá nisin; éí bąą yisdá'íínilgo t'áá shí shigaan shíká eelwod áádóó t'óó báhádzidgo sháhóóchįįdígíí de áshósin nít'éé'.

MATTHEW 26:56

Nidi Diyin God yá dahalne'ii yee ak'eda'ashchínígíí bohodoolnííł biniyé díidí t'áá ałtso k'ad áánííł. Ákohgo hódahooł'aahii t'áá ałtso hats'ą́ą́' dah diijée'go yóó'aheeswod.

MARK 14:37

Áádóó baa nídzídzá, nít'éé' da'ałhosh lá, áko Peter ábijiní, Sáíman, da' íłhoshísh? T'ááłá'í ahéé'ílkidjį' nidiísh doo ha'ísííd ánít'ée da?

MARK 14:50

Áko hódahooł'aahii t'áá ałtso hats'ą́ą́' dah diijée'go yóó'aheeswod.

JOHN 12:27

K'ad shii' sizíinii nitseeltłah. Ákoshą' ha'át'íí dideeshniił, ShiTaa', k'ad shá baa ílkidígíí bits'ą́ąjį' yisdáshíłteeh, dideeshniił daats'í? Dooda, biniyé níyáhígíí k'ad baa ílkid.

JOHN 16:32

Jó'akon, díí bich'į' hoolzhish, t'áá aaníí k'ad baa hoolzhiizh, t'ááłá'í nootínígo danihighangóó taidoohkah, áko shí t'éiyá t'áá sáhí deeshłeeł, ákondi doo t'áá sáhí da, háálá aTaa' shił hólǫ́.

HEBREWS 11:36

Ła' éí ánahat'i' áádóó ná'níltsxis, ła' béésh da'ahólzha'í bee dah dabi'diistł'ǫ́ǫgo awáalyaa góne' ti'dahooznii'.