PSALMS 69:2 - Navajo Bible

² Hashtł'ish dits'idí doo bii' dzoozįįh át'éegi nahodits'ǫ' bii' yaadítłizh. Tó ditáanii biih yíyá áádóó tó shik'i diilkǫ'.

PSALMS 69:2 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 22:11

doodaii' nił chahóółhélígíí bąą doo ííní'į́į da; tó yíląądgo ałtso nik'i diilkǫ'.

PSALMS 32:6

Éí bąą Diyin God k'ehgo ádaat'éii bá ashja'ósindą́ą́' t'ááłá'í nítínígo nich'į' sodadilzin le'; ayóó át'éego tó dadzíłhaał nidi, doo baa doonah da.

PSALMS 40:2

Hashtł'ish dits'idí biyi'dóó a'áán báhádzidę́ę́' hááshííłtį́; tsé'éłkáa'gi dah shiisį' áádóó yishááłgóó hasht'eyiilaa.

JEREMIAH 38:22

Shoo, Júdah dine'é aláahgo binanit'a'í bighangi asdzání daadziihígíí éí Bábilan dine'é aláahgo binanit'a'í naat'áanii biyaa sinilígíí baa dahidoot'ish, áko ádadidooniił, K'ad nahodits'ǫ' íínítłizhgo nik'isóó baa dzíínílíí nít'ée'ii ninda'azlo'go nik'eh dadeesdlį́į́' áádóó t'ą́ą́' dah nídahidiijéé'.

JEREMIAH 38:6

Ákohgo Jeremáíyah dah deidiilóozgo aláahgo naat'áanii biye' Malkáíyah bitó bá az'ą́ą́ góyaa adayiisxan. Éí awáalyaa bich'éédą́ą'gi tó bá az'ą́ą́ góyaa tł'óół bee Jeremáíyah hadadeizlo'. Tó bá az'ą́ą́ góyaa éí tó ádin, t'áá hazhó'ó hashtł'ish dits'idí t'éiyá hólǫ́, áko Jeremáíyah nahodits'ǫ' íígo'.

JONAH 2:6

Yaago dził nidanees'ą́ąjį' niníyá; nahasdzáán bidáádíljah hool'áágóó shich'ą́ą́h nikidadii'á nahalin; azhą́ ákót'ée nidi, Bóhólníihii shiDiyin God nílíinii, a'áándę́ę́' she'iina' shá háínídlá.

MATTHEW 7:25

áko nahóółtą́ índa tó dááląąd, áádóó ayóó át'éego éí kin bich'į' deeyol, nidi t'áadoo ahiih náázhoozh da, háálá tsé'éłkáa'gi niit'ą́.