PSALMS 69:18 - Navajo Bible

¹⁸ Shaa nínáahgo shik'é niná'nídléego shii' sizíinii yisdáníłteeh! Shi'ana'í danilíinii biniinaa doo shihodiit'i'góó áshílééh!

PSALMS 69:18 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 6:23

Éí doodaii', Ana'í nilíinii bílák'eedę́ę́' yisdáshółteeh, doodaii', Diné shich'į' nidahwiiłnáanii bich'į' shik'é niná'nóhdlé, nihidishní haniih?

PSALMS 10:1

Bóhólníihii nílíinii, ha'át'íí biniyé doo deeghánídi honílǫ́? Shich'į' náhodii'náahgo ha'át'íí biniyé nínádít'į́į́h?

PSALMS 111:9

Hadine'é bik'é ninázh'doodléełii bich'į' ajííł'a'; bibee aha'deet'áanii hool'áágóó hólǫ́ǫgo yee haadzíí'. Bízhi' éí diyin áádóó bits'ąą hasti'.

PSALMS 143:7

Bóhólníihii nílíinii, tsį́įłgo shich'į' ééhonísįįh! Shii' sizíinii doo bidziil da nádleeh! Ch'į́įdiitah góyaa ahikáahii doo bitah deeshłeeł da biniyé doo shits'ą́ąjį' adíníít'áał da.

PSALMS 22:1

ShiDiyin God, shiDiyin God, ha'át'éegoshą' yóó'ashidííní'ą́? Ha'át'éegoshą' shíká adíílwołgi doo deeghánídi shits'ąą honílǫ́, índa saad bee nidish'ni'ígíí bits'ą́ądi honílǫ́?

PSALMS 22:12

Diné éí dóola nidahalinígíí t'óó ahayóí shinás'á; diné éí Béíshan hoolyéédóó dóola bidziilii nidahalinígíí shináshzhiizh;

PSALMS 22:19

Nidi, Bóhólníihii nílíinii, t'áadoo nízaadi shits'ą́ądi honílóní! Adziil shá nílíinii, tsį́įłgo shíká anilyeed!

PSALMS 22:20

Diltłish bits'ą́ąjį' shii' sizíinii yisdáníłteeh, she'iina' aháláane'go baa nitsískeesii éí łééchąą'í nahalingo diné hashkéii bibee adziilii bits'ą́ąjį' yisdáníłteeh!

PSALMS 27:9

T'áadoo shits'ąą na'ádiníl'iní. Ninaal'a'í nishłíinii náháchį'go doo nahgóó shi'dííłnih da; jó, shíká anánílwo' nít'éé'. ShiDiyin God bee yisdááyáii nílíinii, doo t'óó shi'dííłnih da, doo yóó'ashididíí'áał da!

PSALMS 31:5

Níłch'i shii' sizíinii nílák'e dish'aah; Bóhólníihii Diyin God t'áá aaníinii nílíinii, shik'éniná'íínídlá.

PSALMS 49:15

Nidi jishcháá' bibee adziilii bits'ąą Diyin God éí shii' sizíinii néidiyoołnih, háálá nááshididoodlééł. Síilah.

JEREMIAH 14:8

Ízrel dine'é bá chohoo'į́ nílíinii, bide áhoot'įįhgo yisdáyiiníiłii nílíinii, ha'át'íí lá biniyé Ízrel dine'é bikéyahgi dé'éyóní nílį́, áádóó ha'át'íí lá biniyé ła' háádę́ę́' dayigáałii atiin ts'áníyáago t'áá ákǫ́ǫ́ biiłkaahígíí nahonílin?

LAMENTATIONS 3:57

Nich'į' ádííniid yę́ę bijį́ áháníjį' shich'į' nihwííníle'go áshidííníniid, T'áadoo nił yé'í.

DEUTERONOMY 32:27

Da'ana'í hashké daniidzį́į'go t'áadoósh áhóne'gi da doo áádóó da'ana'í t'áá ádzaagóó doo t'óó kódaaníi da doo, Danihidziilígíí bee kót'éego ádahwiilyaa; díí áhóót'įįdígíí yee' doo Bóhólníihii áát'įįd da.

JOSHUA 7:9

Háálá Kéínan dine'é áádóó éí kéyahgi kéédahat'íinii t'áá ałtso díí yaa dahodidoots'į́įłgo nihinídoot'ihgo nihízhi' baa hodiyoo'nah, áko nishą', éí hait'éego nízhi' ayóó át'éii íínísin doo?