PSALMS 69:16 - Navajo Bible

¹⁶ Bóhólníihii nílíinii, shich'į' ééhonísįįh, háálá aa a'ááh nínízinii éí yá'át'ééh; aa a'ááh nínízinii t'óó ahayóígíí bik'ehgo shich'į' náhínááh.

PSALMS 69:16 ပူးပေါင်းရင်းမြစ်များ

PSALMS 106:45

Áádóó bibee aha'deet'áanii há yénáálnii'go aa a'ááh nízinii t'óó ahayóígíí bik'ehgo łahgo át'éego haa tsíńdeezkééz.

PSALMS 109:21

Diyin God Bóhólníihii nílíinii, nízhi' binahjį' shaa atínít'į́. Yisdáshíłteeh, háálá aa a'ááh nínízinii éí yá'át'ééh!

PSALMS 18:5

Hool'áágóó ti'hoo'nííh bik'ee yínííł na'adáii shináhaazláá nít'éé'; aniné biloh shiyah náhodiłhis nít'éé'.

PSALMS 25:16

Shich'į' naanánídáahgo shaa jiiníbaah, háálá t'áá sáhí naashá áádóó atíshi'dil'į́.

PSALMS 26:11

Nidi shí éí doo shina'adlo'góó yisháał doo; shik'éniná'nídléego hááshíłteeh, áádóó shaa jiiníbaah.

PSALMS 36:7

Diyin God nílíinii, dooládó' aa a'ááh nínízinígíí ílį́į da! Éí bąą dine'é danilíinii nit'a' biyaagi chaha'ohjį' adahinichééh.

PSALMS 51:1

Diyin God nílíinii, aa a'ááh nínízinii bik' ehgo shaa jiiníbaah; bee aa a'ááh nínízinii t'óó ahayóígíí bik'ehgo bee haz'áanii héti'ii shá k'éé'íłchxǫǫh.

PSALMS 63:3

Jó, iiná biláahgo aa a'ááh nínízinígíí bee naa hashniih doo.

PSALMS 69:13

Nidi, Bóhólníihii nílíinii, shí éí nich'į' sodiszin. Diyin God nílíinii, hwíídéests'įįł nínízinjį' ahoolzhiizhgo aa a'ááh nínízinii t'óó ahayóígíí áádóó nibee yisdá'iildéehii t'áá aaníiniígíí binahjį' shich'į' ééhodíísįįł.

ISAIAH 63:7

Bóhólníihii aa a'ááh nízinii áádóó Bóhólníihii nihaidiní'ánígíí t'áá ałtso bik'ehgo éí bee baa ha'niihígíí áádóó yee joozba'ii índa ayóó át'éego yee jooba'ii éí bik'ehgo Ízrel dine'é ayóó át'éego bá yá'át'ééh biniyé yá áát'įįdígíí baa ch'íhodeesh'ááł.

MICAH 7:19

Nihaa a'ááh náádínóodzįįł; doo ákwii ádeiit'įįdii yik'eh didoodleeł áádóó yee ádił nida'iisíi'ii tónteel ditą́ą́ góyaa ahidííłtł'ił.