PSALMS 69:1 - Navajo Bible

¹ Diyin God nílíinii, yisdáshíłteeh, háálá shii' sizíinii tó bilááh néés'ąąd.

PSALMS 69:1 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 22:11

doodaii' nił chahóółhélígíí bąą doo ííní'į́į da; tó yíląądgo ałtso nik'i diilkǫ'.

PSALMS 18:4

Aniné bik'ee yínííł shináhaazláá nít'éé' áádóó doo Diyin God k'ehgo ádaat'éii t'áadoo bee néelą́'ígóó nááséełii shił yéé' dahasłį́į́'.

PSALMS 32:6

Éí bąą Diyin God k'ehgo ádaat'éii bá ashja'ósindą́ą́' t'ááłá'í nítínígo nich'į' sodadilzin le'; ayóó át'éego tó dadzíłhaał nidi, doo baa doonah da.

PSALMS 42:7

Ayóó íits'a'go nahałtingo tónteel ałch'į' ádaaní áádóó ałkéé' deílk'oołígíí shik'i ch'éhélk'ooł nít'éé'.

PSALMS 45:1

Shijéí bee yá'át'éehii baa hodeeshnihii wó'ą́ą́lį́; bee hahasdziihii aláahgo naat'áanii bee bił hashne'; shitsoo' éí yiyiichįįhgo ak'e'ałchíii nahalin.

PSALMS 60:1

Diyin God nílíinii, doo nihininizį́į́'góó áádóó tanihinííníłkaadgo nihich'į' náhóóchįįd nít'éé'; k'ad éí ách'į' ninánihí'nííł.

PSALMS 69:2

Hashtł'ish dits'idí doo bii' dzoozįįh át'éegi nahodits'ǫ' bii' yaadítłizh. Tó ditáanii biih yíyá áádóó tó shik'i diilkǫ'.

PSALMS 80:1

Na'niłkaadii nahalingo Ízrel dine'é yaa áhályáanii nílíinii, Jóseph bidine'é yí'ishii, íísíníłts'ą́ą́'! Chérabim bideígi honílóonii i'díłdlaad.

ISAIAH 28:17

Áádóó doo haada yit'éii bee í'neel'ąąhí nilį́įgo índa t'áá ákogi át'éii éí k'éhézdon tł'óół náát'i'ígíí ałdó' ádeeshłííł, áko wooch'ííd bine' aná'níchéehii níló bee yóó'adeeshoh índa nínádadooht'į́į́h yę́ęgi tó bik'íizdoołhał.

ISAIAH 43:2

Tó biyi'góó ch'íhínáahgo nił honishłǫ́ǫ doo, áádóó tooh danílíinii biyi'góó ch'íhínáahgo doo nik'i didoolkǫǫł da; kǫ' biyi'góó ch'íhínáahgo doo nididoohłił da, doo nidi kǫ' dah nídíno'ii nídínaad da doo.

LAMENTATIONS 3:54

Shitsiits'iin biláahgo tó néés'ąądgo ádíshní, K'ad lą́ą, shá nahonít'i' ni'.

REVELATION 17:15

Áádóó diyingo naal'a'í ánááshidoo'niid, Tooh yiniłtsánígíí, ałjiłnii yikáá' dah sidáhígíí, éí nihokáá' dine'é danilíinii áádóó diné t'óó ahayóí dayíl'áii áádóó ał'ąą dine'é bił dah nidahaz'áanii índa bizaad ał'ąą ádaat'éii éí ádaat'é.