PSALMS 67:7 - Navajo Bible

⁷ Diyin God nihik'ijidlíi le', áko nahasdzáán nidahonees'ą́ą́góó diné t'áá ałtso dabidísin doo.

PSALMS 67:7 ပူးပေါင်းရင်းမြစ်များ

PSALMS 22:27

Nahasdzáán nidahonees'ą́ąjį' t'áá ałtso Bóhólníihii yéédadoolnihgo yich'į' dah nídahididookah, áko ał'ąą dine'é t'áá ałtso nidááhdóó nich'į' nidahałáa doo.

ISAIAH 45:22

Nahasdzáán nidahonees'ą́ą́dę́ę́' t'áá ánółtso shich'į' dadóh'į́į́' áádóó yisdáhóhkááh, háálá shí Diyin God nishłį́ áádóó doo ła' nááhódlǫ́ǫ da.

ACTS 13:26

Kwá'ásiní, Éíbraham ba'áłchíní danohłíinii, áádóó nihitahdóó Diyin God deidísinígíí, díí hane' bee yisdá'iildéehii nihí nihaa deet'ą́.

PSALMS 65:5

T'áá ákogi ááníiłgo ayóó át'é ádahooníłígíí bee nihich'į' ééhodíísįįł, Diyin God bee yisdáhiikáahii, nahasdzáán nidahonees'ą́ąjį' índa tónteel nidahonees'ą́ąjį' diné bá ił chohoo'íinii nílį́.

REVELATION 15:4

Bóhólníihii nílíinii, háishą' nízhi' doo yidísin da, áádóó doo yaa haniih da doo? Jó, t'áá ni t'éiyá t'áá sáhí diníyin. Ał'ąą dine'é bił dah nidahaz'ą́ą́dę́ę́' naa áłah dooleełgo nich'į' nidahałáa doo, háálá t'áá ákogi ááníiłii ííshjání silį́į́'.

ACTS 13:47

Háálá Bóhólníihii yee nihá has'ą́ągo ání: Doo Jew dine'é danilíinii bá adinídíín nílį́į doo biniyé nininíłtį́, áko nahasdzáán nidanees'ą́ąjį' ał'ąą dine'é bee yisdá'iildéehii bił díínááł.

ACTS 2:28

Iiná bá honít'i'ígíí shił bééhózingo áshiinilaa; shił honílǫ́ǫgo t'áá íiyisí baa shił hózhǫ́ǫgo áshidíílííł.

MALACHI 1:11

Jó, háá'át' ááhdóó aná'át'áahjį' ał'ąą dine'é bitahgóó shízhi' ayóó át'ée doo. Índa t'áá ałtsogóó tsin bijeeh dilidgo łikání halchinii áádóó nááhániihii chin bąąh ádinii shich'į' náádayiiłniih doo. Háálá ał'ąą dine'é bitahgóó shízhi' ayóó át'ée doo, ní t'áá ałtsoní bee Bóhólníihii.

PSALMS 29:11

Bóhólníihii bidine'é dabidziilgo íidoolííł. Bóhólníihii bidine'é ach'į' hózhǫ́ yee yik'izhdoodliił.

GALATIANS 3:9

Áko Éíbraham éí Diyin God yoosdląądgo bik'ihojidlíhígi át'éego Diyin God dayoodlánígíí t'áá ałtso bik'idahojidlí.

MALACHI 4:2

Nidi nihí shízhi' dadíínóhsinii éí Jį́honaa'éí Ts'ídá T'áá Ákogi Át'éii hadoogáałgo bit'a' biyaadóó hadaałt'é nídadoohdleeł. Béégashii yáázh neeyą́ągo bighandę́ę́' ch'ílt'e' nahalingo ch'ídoohkah.

ZECHARIAH 9:10

Íífreiyim bitsinaabąąs bijáád naakiígíí bee na'abaahii bits'ą́ą́' nahgóó kódeeshłííł, áádóó łį́į́' yee nidaabaahii Jerúsalem bits'ą́ąjį' nahjį' kódeeshłííł. Áko ałtį́į́' bee na'abaahii nihideeshchxǫǫł áádóó ał'ąą dine'é bich'į' bee ił hózhóonii yee yádoołtih. Tónteel bibąąhdóó tónteel ninááneel'ą́ąjį' índa tooh nílį́į́dóó nahasdzáán nineel'ą́ąjį' bee bóhólníih doo.

MICAH 5:4

Áádóó Bóhólníihii bibee adziilii índa biDiyin God bízhi' aláahdi át'éii yee sizį́įgo bidibé yi'iisą́ągo atah kéédahat'į́į doo, háálá k'ad éí nahasdzáán nidanees'ą́ąjį' ayóó át'éii nilį́į doo.

ISAIAH 52:10

Ał'ąą dine'é binááł Bóhólníihii bigaan diyinii hach'į' yit'íní áyiilaa, áko nahasdzáán nidahonees'ą́ą́dę́ę́' diné t'áá ałtso nihiDiyin God bibee yisdá'iildéehii deizdoołtsééł.

ISAIAH 43:6

náhookǫs ábidideeshniił, Ninádadinoh'aah, áádóó shádi'ááh ábidideeshniił, T'áadoo t'ą́ą́' deínóhtą'í; nahasdzáán nidanees'ą́ą́dę́ę́' shiye'ké áádóó shitsi'ké ninádahoh'éésh;

PSALMS 98:3

Aa a'ááh nízinii índa yee ba'ahódlíii Ízrel dine'é yee yénáálnii'. Nahasdzáán nidanees'ą́ą́dę́ę́' ał'ąą dine'é t'áá ałtso nihiDiyin God bibee yisdá'iildéehii dayiiłtsą́.

PSALMS 72:17

Bízhi' hool'áágóó hólǫ́ǫ doo; jį́honaa'éí has'ahgóó hólónígi át'éego házhi' has'ahgóó náás yit'ih doo. Hanahjį' diné bik'idahojidlíi doo; ał'ąą dine'é t'áá ałtso, Baa hózhóonii, dahałníi doo.

PSALMS 33:8

Nahasdzáán bikáa'gi diné t'áá ałtso Bóhólníihii deidísin le', nahasdzáán bikáa'gi kéédahat'íinii t'áá ałtso hats'ąą daasti' le'!

GALATIANS 3:14

Éí Jesus Christ át'į́, éí binahjį' Éíbraham bee bik'ihodzisdli'ii doo Jew dine'é danilíinii bee dahodooleeł, áko Jesus Christ deiniidlą́ągo baa dadzííníidlíhígíí bee Diyin God yee nihá nihoní'áanii Níłch'i Diyinii nihiih dahwiileeh.

LEVITICUS 26:4

nahałtin baa náhwiilzhíishgo níłtsą́ nihaa hidish'aah doo, áko kéyah bikáá'góó nída'nit'į́įh doo, áádóó tsin bineest'ą' bąąh nídahoodleeł doo.

ISAIAH 30:23

Áko nihi'álástsii' biniyé níłtsą́ nihich'į' kwíidoolííł, áádóó k'idadi'doohłééł, índa ni' bikáá' nídadí'nóot'į́įłgo éí aneest'ą' yá'át'éehii bee áda'azįįd doo; éí yoołkáałdi nihilį́į́' kéyah bikáá' hóteelgo nanise' ałtaas'éí deiyą́ą doo.

ZECHARIAH 8:12

Jó, nihitahgóó k'é hólǫ́ǫgo ádeeshłííł, ch'il na'atł'o'ii bineest'ą' dahodooleeł áádóó łeeyi'dę́ę́' hadahidínóot'į́įłgo bik'ijį' dahtoo' naałtingo bee ída'azįįd doo, áko díí t'áá át'é diné daadzíi'ii bee bik'idahojidlíi dooleeł.