PSALMS 67:6 - Navajo Bible

⁶ Nahasdzáán bikáá'góó áda'azįįd doo, Diyin God, t'áá nihí nihiDiyin God, nihik'ijidlíi doo.

PSALMS 67:6 ပူးပေါင်းရင်းမြစ်များ

GENESIS 17:7

Índa bohoníłdzilgo nił aha'di'deesht'ááł áádóó na'áłchíní náás da'ahílchíihii ałdó' éí hool'áágóó bee aha'deet'ą́ą doo, áko ni áádóó na'áłchíní náás da'ahílchíihii ałdó' bił nihiDiyin God nishłį́į doo.

PSALMS 48:14

Díí Diyin God éí hool'áágóó ahóyéel'áágóó nihiDiyin God nilį́. Éí nida'siildįįd bijį́įjį' nihoo'ish doo.

EXODUS 3:15

Áko Diyin God éí Mózes ánááyidoo'niidgo ání, Díí Ízrel dine'é kóbididííniił, Danihizhé'é yę́ę biBóhólníihii Diyin God, Éíbraham biDiyin God áádóó Áízak biDiyin God índa Jéíkab biDiyin God nihaa shiníł'a'. Díí shízhi'go ahool'áa doo, índa náás adideezhchį́į́góó ts'ídá bee shééhániih doo, ní.

ISAIAH 1:19

Ádeinohsingo ak'eh dahonoł'į́įgo yá'át'éehii nihikéyah bikáá'góó nidant'ą'ii daahsą́ą doo,

JEREMIAH 31:1

Éí hoolzhishdi Ízrel dine'é ba'áłchíní dah deí'éeshii t'áá ałtso biDiyin God nishłį́į doo, áádóó shidine'é danilį́į doo, ní Bóhólníihii.

JEREMIAH 31:33

nidi éí yoołkáałdi kót'éego Ízrel dine'é hoł ahada'dideesht'ááł. Shibee haz'áanii hwiih dadeeshłééł, áádóó hajéí bikáa'gi bee bik'ida'deeshchííł, áádóó shidine'é dajílį́į doo, índa haDiyin God nishłį́į doo, ní Bóhólníihii.

LEVITICUS 25:19

Ákohgo kéyah bikáá' aneest'ą' hááhinoot'į́įł doo, áko hwiih danohłį́įgo hasihgo kéédahoht'į́į doo.

LEVITICUS 26:4

nahałtin baa náhwiilzhíishgo níłtsą́ nihaa hidish'aah doo, áko kéyah bikáá'góó nída'nit'į́įh doo, áádóó tsin bineest'ą' bąąh nídahoodleeł doo.