PSALMS 67:4 - Navajo Bible

⁴ Ał'ąą dine'é bił dahózhǫ́ǫgo dahataał le', háálá ts'ídá t'áá ákogi át'éego á nihoyí'aah doo, áádóó nahasdzáán bikáa'gi ał'ąą dine'é binanít'áa doo. Síilah.

PSALMS 67:4 ပူးပေါင်းရင်းမြစ်များ

GENESIS 18:25

Diné t'áá ákogi ádaat'éii diné doo yá' áshóonii t'áá bił ádííłdįįłígíí éí doo ákóone' ánít'ée da! Ákwíindzaago diné t'áá ákogi ádaat'éii diné doo yá'áshóonii bił aheełt'éego ákóníléehgo doo ákóone' ánít'ée da! Nahasdzáán bikáa'gi t'áá át'éé nít'éé' Ánihwii'aahii nilíinii, da' éísh doo t'áá ákwii ádooníił da?

PSALMS 2:8

Shííníkeed, áko níí' dooleełígíí biniyé ał'ąą dine'é, índa nahasdzáán nidanees'ą́ąjį' níí' dooleeł biniyé naa dideesh'ááł.

PSALMS 82:6

Jó, diyin danohłį́, t'áá ánółtso Aláahgo Ayóó'át'éii ba'áłchíní danohłį́, dííniid.

PSALMS 9:8

t'áá ákogi át'éego nihokáá' dine'é yaa nídóot'įįł; ał'ąą dine'é aheełt'éego yaa nídóot'įįł.

PSALMS 96:10

Ał'ąą dine'é bitahgóó kódadohní, Bóhólníihii nant'á! Nahasdzáán ts'ídá doo nahjį' kódoolnííłgóó bohoníłdzilgo niiní'ą́. T'áá ákogi át'éego diné yaa nídóot'įįł.

PSALMS 98:9

Bóhólníihii yidááhdóó dahataał le', háálá nahasdzáán yaa nídóot'įįł biniyé yíghááh. T'áá ákogi át'éii yee nahasdzáán yaa nídóot'įįł; nihokáá' dine'é t'áá aheełt'éego baa nízhdóot' įįł.

ISAIAH 54:1

Doo íłchíii, hótaał; doo ádéí'iilt'e'ii, ha'dí'aah; awéé' t'ah doo nídii'néehii, yéego hadílgháásh, háálá asdzání ayéehii ba'áłchíní hólónígíí biláahgo doo ałchíii ba'áłchíní hodooleeł, ní Bóhólníihii.

ISAIAH 55:4

Jó, dadine'é yił halne' doo índa yá sizį́įgo áádóó yinanit'a'í nilį́į doo biniyé baa diní'ą́.

ISAIAH 60:6

Mídiyan kéyah áádóó Íífah kéyahdę́ę́' ghą́ą́'ask'idii t'óó ahayóí nik'íidoodǫ́ǫ́s; éí Shííba kéyahdę́ę́' t'áá ałtso óola áádóó tsin bijeeh dilidgo łikání halchingo náhániihígíí naa deidooyééł, áádóó Bóhólníihii yaa dahaniihígíí yaa ch'ídahodoo'ááł.

ACTS 17:31

Háálá diné niiníłtíinii ła'a jį́ nihokáá' dine'é ts'ídá t'áá ákogi át'éego yaa nídóot'įįłgo yee nihoní'ą́. Éí daaztsą́ą́dę́ę́' néidiisáhígíí bee t'áá aaníí ákóhodooníiłgo diné t'áá ałtso bił nibéédahwiizįįhgo áyiilaa.

ROMANS 2:5

Nidi doo niníhóó'áhígíí bąą, áádóó doo łahgo ánáo'ne' ánít'éégóó bąą Diyin God t'óó báhádzidgo yee atí'doolííł bijį́įdi ts'ídá t'áá ákogi át'éego ánihwiit'aah yit'íní áyiilaadi t'óó báhádzidgo yee atínidoolíłígíí ádá hasht'e'nihidí'níiłgo át'é.

GALATIANS 4:27

Háálá Diyin God bizaad bee ak'e'ashchíinii ání: Asdzání, na'áłchíní t'áadoo hazlį́į'ii, nił hózhǫ́ǫ le', doo i'niiltsąąhii awéé' doo bídii'néehii, nił hózhǫ́ǫgo dílwosh, háálá asdzání doo ałchíi daígíí asdzání bahastiin yee ba'áłchíní hólóonii biláahgo ha'áłchíní hodooleeł.

DEUTERONOMY 32:43

Ał'ąą dine'é danohłíinii, Bóhólníihii bidine'é bił nihił nidahoozhǫǫh, háálá bá nidaal'a'í dabidił nidaashchxii'go ályaaígíí yá k'éédidoo'nííł índa bi'ana'í danilíinii k'éididoodlííł; bikéyah áádóó bidine'é yaa a'ááh dínóozįįł.