PSALMS 66:7 - Navajo Bible

⁷ Bidziil yee hool'áágóó nant'á. Ał'ąą dine'é haisííd. Dooda yee nidaalteehii ayóó át'éego áda'dólne' lágo. Síilah.

PSALMS 66:7 ပူးပေါင်းရင်းမြစ်များ

II CHRONICLES 16:9

Háálá Bóhólníihii éí diné dabijéí yee hach'į' t'áá ákogi ádaat'éii yá bidziilgo í'dólzin doo biniyé nihokáá'góó t'áá át'éé nít'éé' ha'asííd. Doo áhólyánígi íinidzaaígíí biniinaa k'ad kodóó anaa' baa naníltin doo.

JOB Naaltsoos Biyi' Job Baa Hane'ii 9:4

Diyin God t'áá íiyisí bijéí hóyą́ áádóó ayóó ábóodziil; háíyee' bich'į' áhozdizneestł'isgo bee náás adizhyeesdéél?

PSALMS 11:4

Bóhólníihii éí diyingo bikin bii' sohodizin yii' hólǫ́; Bóhólníihii bibikáá'dóó nahat'áii yá'ąąshdi hólǫ́; nihokáá' diné yoo'į́ áádóó haisííd.

PSALMS 140:8

Bóhólníihii nílíinii, diné doo yá'ádaashóonii deinízinii doo baa didíí'áał da; doo yá'át'ééhgóó yinahazgizii doo bá náás kódíílíił da! Áko doo ayóó át'éego ádadi'doolníił da. Síilah.

PSALMS 145:13

Bee nóhólníihgo bił haz'áanii hool'áágóó hólǫ́ índa oochííłgóó t'áá ałtso bee nóhólnííh.

PSALMS 33:13

Yá'ąąshdę́ę́' Bóhólníihii déez'į́į́'; diné t'áá ałtso yinéł'į́;

PSALMS 62:11

Díigi át'éego Diyin God t'ááłáhídi haadzíí', áádóó naakigo ałkéé' haz'ą́ diséts'ą́ą́'; Diyin God éí bidziil,

PSALMS 75:6

Háálá ha'a'aahdę́ę́' índa e'e'aahdę́ę́' áádóó shádi'ááhdę́ę́' ayóó át'é á'doolíiłii ádin.

EXODUS 18:11

K'ad díí shił bééhoozin: Bóhólníihii éí diyin dabidi'níinii t'áá ałtso yiláahgo át'éé lá; jó, ha'át'íhída bee ádaa dahoji'niihii yiláahgo át'é.

DANIEL 4:34

Éí bíighah niiníłką́ągo, shí Nébukadnézzar yinishyéii, yá'ąąshgóó déé'į́į'go sha'áni' shá háádídzaa, índa Aláahgo Ayóó'át'éii baa hózhǫ́ǫgo baa hosénih áádóó hool'áágóó hináanii baa hashniihgo shił yílįįd, háálá bee bóhólníihgo bił haz'áanii éí ahóyéel'áágóó bee bóhólnííh índa bee bóhólníihgo bił haz'áanii éí oochííłdę́ę́' áádóó oochííłgóó bee bóhólnííh.

DANIEL 4:35

Nahasdzáán bikáa'gi kéédahat'íinii t'áá ałtso t'áadoo nídandlínígóó yaa nitsíkees. Áko yá'ąąshdę́ę́' dah deínéehii índa nahasdzáán bikáa'gi kéédahojit'íinii hatahgóó t'áá bí nízinígi áyoolííł; doo ła'da t'ą́ą́' áhósin le' át'ée da, doo nidi kóbidi'doo'niił da, Ha'át'íishą' baa naniná?

MATTHEW 28:18

Áko Jesus haa níyáago kóníigo hach'į' haadzíí', Yá'ąąshdi áádóó nahasdzáán bikáa'gi bee ídahólníihii t'áá ałtso shaa deet'ą́.

MATTHEW 6:13

Áádóó nihí hodínóotahjį' nihi'óółnííh lágo, nidi bąąhági át'éii bits'ą́ąjį' yisdánihiyínííł. [Háálá ahóyéel'áágóó ni t'éí nóhólnííh áádóó t'áadoo bee nóodziilí da, índa ayóó ánít'é. T'áá ákót'ée doo.]