PSALMS 66:5 - Navajo Bible

⁵ Hágo, Diyin God yaa naayáii níníł'į́. Diné bitahgóó yaa naagháii t'óó bik'eda'ayóí.

PSALMS 66:5 ပူးပေါင်းရင်းမြစ်များ

NUMBERS 23:23

Álíleego bee ééhózingo bee nahadláii doo bee Jéíkab dine'é bik'ijį' ídlį́į da; binahjį' ił ééhodoozįįłgo nahagháii doo bee Ízrel dine'é bik'ijį' ídlį́į da; díí hoolzhishdóó Jéíkab dine'é áádóó Ízrel dine'é baa yáti'go áhodidoo'niił, Ha'át'íí lá yówéé'át'éego Diyin God naashnish lá!

PSALMS 111:2

Bóhólníihii binaanish ayóó ádaat'é; bił dahoneełninii t'áá ałtso hadeisíidgo nideiłkaah.

PSALMS 66:16

Diyin God dadíínóhsinii t'áá ánółtso, hágo, kodi da'íísółts'ą́ą́' áádóó shii' sizíinii yá yaa naayáhígíí baa nahodeeshnih.

PSALMS 66:3

Diyin God ádabidohní, Dooládó' ninaanish t'óó bik'eda'ayói da! Ayóó át'éego nidziilígíí bee ni'ana'í danilíinii niyaajį' ni'ádidoo'nił.

PSALMS 46:8

Hágo, Bóhólníihii binaanish níníł'į́; nihokáá'góó hóółchxǫ'ígíí níníł'į́.

PSALMS 106:22

Ham bikéyahgi t'óó bik'eda'ayóigo í'iilaii índa Tónteel Łichíí' hoolyéegi bik'eda'íyé'ígi át'éego í'iilaii yaa dayooznah.

PSALMS 99:3

Nízhi' ayóó át'éii índa t'áá íiyisí bits'ąą hasti'ii yee danózhíigo naa dahaniih le'! Háálá hó jidiyin!

EZEKIEL 1:18

Binídaaz'áhígíí éí wódahdi ahéédaaz'áago t'óó báádahadzid, áko nísh'į́į́ nít'éé', t'áá dį́į'go bináá' binídadeeswoł.

PSALMS 46:9

Nahasdzáán nidanees'ą́ąjį' anaa' dahólóonii ánéísįįd. Ałtį́į́' yiyiitííh; tsiidétáán yiyiiłne'. Tsinaabąąs bijáád naakiígíí iidiyiiłk'ą́ą́h.

PSALMS 47:3

Dadine'é nihik'eh dahół'į́įgo nihídahółníihgo áyiilaa; ał'ąą dine'é bił dah nahaz'áanii nihiyaa ayíínilgo bik'i dadiil'eez.