PSALMS 66:4 - Navajo Bible

⁴ Nihokáá' dine'é t'áá ałtso nich'į' nidahałáa doo. Naa dahaniihgo dahataał, nízhi' yaa dahaniihgo dahataał doo. Síilah.

PSALMS 66:4 ပူးပေါင်းရင်းမြစ်များ

PSALMS 117:1

Ał'ąą dine'é danohłíinii, t'áá ánółtso Bóhólníihii baa dahohniih! Ał'ąą dine'é danohłíinii, yéego Bóhólníihii baa dahohniih!

PSALMS 22:27

Nahasdzáán nidahonees'ą́ąjį' t'áá ałtso Bóhólníihii yéédadoolnihgo yich'į' dah nídahididookah, áko ał'ąą dine'é t'áá ałtso nidááhdóó nich'į' nidahałáa doo.

PSALMS 65:5

T'áá ákogi ááníiłgo ayóó át'é ádahooníłígíí bee nihich'į' ééhodíísįįł, Diyin God bee yisdáhiikáahii, nahasdzáán nidahonees'ą́ąjį' índa tónteel nidahonees'ą́ąjį' diné bá ił chohoo'íinii nílį́.

ISAIAH 11:9

Shidził dílzinii bikáá' t'áá ałtsogóó doo atída'ahidil'į́į da doo áádóó doo nida'ahiilchǫǫh da, háálá tónteel hadeezbinígi át'éego nahasdzáán t'áá níłtéél nít'éé' Bóhólníihii béého'dílzin doo.

DANIEL 7:14

Áádóó bee óhólníihii áádóó ayóó át'éii índa bee óhólnííh bił haz'áanii baa deet'ą́, áko diné danilíinii, ał'ąą dine'é danilíinii índa bizaad ał'ąą át'éego yee yádaałti'ii ts'ídá t'áá ałtso há nidaal'a' dooleeł. Hool'áágóó bee óhólníihii hólǫ́ǫgo éí ts'ídá doo bił yóó'ahodoogáał da índa bee óhólníihgo bił haz'áanii ts'ídá doo ádooldįįł da.

MALACHI 1:11

Jó, háá'át' ááhdóó aná'át'áahjį' ał'ąą dine'é bitahgóó shízhi' ayóó át'ée doo. Índa t'áá ałtsogóó tsin bijeeh dilidgo łikání halchinii áádóó nááhániihii chin bąąh ádinii shich'į' náádayiiłniih doo. Háálá ał'ąą dine'é bitahgóó shízhi' ayóó át'ée doo, ní t'áá ałtsoní bee Bóhólníihii.

REVELATION 15:4

Bóhólníihii nílíinii, háishą' nízhi' doo yidísin da, áádóó doo yaa haniih da doo? Jó, t'áá ni t'éiyá t'áá sáhí diníyin. Ał'ąą dine'é bił dah nidahaz'ą́ą́dę́ę́' naa áłah dooleełgo nich'į' nidahałáa doo, háálá t'áá ákogi ááníiłii ííshjání silį́į́'.