PSALMS 66:2 - Navajo Bible

² Ayóó át'éego bízhi' ił nilíinii baa dahohniihgo dahohtaał. Ayóó át'éego baa dahohniih!

PSALMS 66:2 ပူးပေါင်းရင်းမြစ်များ

NEHEMIAH 9:5

Áko Líívai dine'é danilį́įgo Jéshuwa, Kádmiyel, Béínai, Hashabnáíyah, Sheriibáíyah, Hodáíjah, Shebanáíyah índa Pethaháíyah ádadííniid, Daohsįįhgo Bóhólníihii nihiDiyin God baa dahohniihgo hool'áágóó ahóyéel'áa doo; nízhi' ayóó át'éii éí ak'ihojidlíii índa aa ha'niihii biláahgo ayóó át'éego baa ha'niih doo.

PSALMS 106:2

Ła'daásh Bóhólníihii ayóó át'éii yaa naayáhígíí yee hadoodzihgo yíneel'ą́, índa ła'daásh bee baa ha'niihii t'áá ałtso yee yaa haniihgo yíneel'ą́?

PSALMS 107:15

Bóhólníihii aa a'ááh nízinígíí áádóó t'óó bik'eda'ayóii diné bada'áłchíní yá yaa naayáhígíí yaa dahaniih laanaa!

PSALMS 107:22

Ahééh danízingo nááhániihii náádayiiłniih le'! Áádóó bił dahózhǫ́ǫgo baa nijiyáhígíí yaa dahalne' le'!

PSALMS 68:33

T'áá shiidą́ą'dii yót'áahdi hiníláii yikáá' náhodididleehii bich'į' dahohtaał. Jó'akon, hahadziihgo biinéé' ayóó íits'a'.

PSALMS 72:18

Bóhólníihii Diyin God baa ha'niih le'! T'áá bí Ízrel dine'é yiDiyin God nilį́. Éí t'éiyá t'óó bik'eda'ayóii áyoolííł.

PSALMS 79:9

Diyin God nílíinii, yisdánihíínínilii nízhi' baa ha'niih doo biniyé nihíká anilyeed; nízhi' binahjį' yisdánihínííł áádóó ádił nida'ayeelzíi'ii nihá yóó'adí'aah.

ISAIAH 42:12

Bíni'dii Bóhólníihii yaa dahaniih le', áádóó tónteel bibąąhgóó kéyah Bóhólníihii bee baa ha'niihii yaa dahalne' le'.

ISAIAH 49:13

Yá biyi'di hiníláii danohłíinii, dahohtaał; nahasdzáán bikáa'gi dahonohłóonii, nihił dahózhǫ́; dził danohłíinii, sin hadadoh'aah, háálá Bóhólníihii bidine'é yił náhóóshǫǫd índa bich'į' nidahwii'náanii yaa a'ááh dínóozįįł.

ISAIAH 6:3

Áádóó ahidiníłnáago ałch'į' ádaaníigo kódaaní, T'áá ałtsoní bee Bóhólníihii éí diyin, diyin, diyin nilį́; nihokáá'góó t'áá át'é yee ayóó át'éii hólǫ́.

REVELATION 5:13

Nít'éé' yá'ąąshdi áádóó nahasdzáán bikáa'gi áádóó nahasdzáán biyi'di índa táyi'di nidaaldeehii, áádóó biyi'di dahólóonii t'áá ałtso kódaaníigo diséts'ą́ą́', Bikáá'dóó nahat'áii bikáá'dóó dah sidáii índa Dibé Yázhí nilíinii éí aa ha'niih, ił ídlį́, ayóó é'ét'é índa adziil hool'áágóó ahóyéel'áágóó bíí' dooleeł!