PSALMS 66:1 - Navajo Bible

¹ Nihokáá' dine'é nohłíinii, t'áá ánółtso nihiinéé' nídididla'go Diyin God bich'į' nihił dahózhǫ́.

PSALMS 66:1 ပူးပေါင်းရင်းမြစ်များ

I CHRONICLES 15:28

Ákót'éego Ízrel dine'é t'áá ałtso tsits'aa' dílzinii Bóhólníihii bibee aha'deet'áanii bii' sinilii deí'aahgo bił dahózhǫ́ǫgo háádadilwosh. Deenásts'aa' bidee' bee í'dílzoołí áádóó béésh dilní bee í'dílzoołí áádóó béésh ahídí'niłgo diits'a' ígíí áádóó tsin tł'óół neeznáá bąąh daneelzhee'go bee nida'a'néii índa tsin tł'óół naakits'áadah bąąh daneelzhee'go bee nida'a'néii yee nidaanéego hahóół'á.

PSALMS 100:1

Nihokáá' dine'é nohłíinii, t'áá ánółtso Bóhólníihii bich'į' nídidohdla'go nihił nidahoozhǫǫh!

PSALMS 150:6

Bíni'dii nídídzihii nináneel'ą́ąjį' t'áá ałtso Bóhólníihii yaa dahaniih le'! Bóhólníihii baa dahohniih!

PSALMS 68:33

T'áá shiidą́ą'dii yót'áahdi hiníláii yikáá' náhodididleehii bich'į' dahohtaał. Jó'akon, hahadziihgo biinéé' ayóó íits'a'.

PSALMS 81:1

Diyin God nihidziil nilíinii yéego bich'į' dahohtaał, Jéíkab biDiyin God bich'į' nihił nidahoozhǫǫhgo nídidohdla'!

PSALMS 96:1

Sin ániidíii bee Bóhólníihii bich'į' dahohtaałéii! Nahasdzáán nidahonees'ą́ą́dę́ę́' diné danohłíinii, t'áá ánółtso Bóhólníihii bich'į' dahohtaał!

PSALMS 98:4

Nahasdzáán t'áá náhwiiz'ą́ą́ nít'éé' bikáá'góó kéédahoht'íinii, nihił nidahoozhǫǫhgo Bóhólníihii bich'į' yéego dahohtaał. Ayóó íits'a'go dahohtaał! Nihił dahózhǫ́ǫgo baa dahohniihgo dahohtaał!

ISAIAH 24:16

Nahasdzáán nidahonees'ą́ą́dę́ę́' t'áá ákogi át'éii nilíinii baa ha'niihgo sin dasidiits'ą́ą́'. Nidi ádííniid, Doo shitah hwiina' da, doo shitah hwiina' da, shich'į' yíiyá łáane'! Diné nináda'dii'aahii binda'adlo'; t'áá aaníí, diné nináda'dii'aahii t'áá íiyisí binda'adlo'.