PSALMS 61:2 - Navajo Bible

² Shąąh nahaka'go ni' nihoneel'ą́ą́dę́ę́' nich'į' sodideeszįįł. Tsé shilááh áníłtsoii baa shinílóós.

PSALMS 61:2 ပူးပေါင်းရင်းမြစ်များ

PSALMS 142:3

Shiníłch'i doo bidziil da yileehgo yishááłgóó nił bééhózin! Yishááłgóó łoh shiniyé nídeidees'į́į́' nít'éé'.

PSALMS 143:4

Éí bąą shii' sizíinii doo bidziil da nádleeh; shijéí bide áhoodzaa.

PSALMS 17:1

Bóhólníihii nílíinii, t'áá ákogi át'éii yíníłts'ą́ą́'; bíká ádíshníinii baa ákonínízin; shí doo saad bee shina'adlo'góó nich'į' sodiszinígíí shá diits'į́į́h.

PSALMS 18:2

Bóhólníihii éí tsé shá nilį́, índa bine' adziihii shá nilį́, áádóó yisdáshiiłteehii nilį́; shiDiyin God éí bee shidziilii nilį́įgo bine' ahinishchééh; shinaage' índa adziil bee yisdáhásháahii nilį́įgo bikáá' nehesdzíihii nilį́.

PSALMS 18:46

Bóhólníihii hiná; éí shitsé niłdzilii nilį́įgo baa ha'niih le', áádóó Diyin God yisdáshíłtéehii ayóó át'éii nilį́į le';

PSALMS 27:5

Háálá ach'į' nahwii'ná biyi' shíídíiską́ągo biníbaal biyi' góne' nínáshidił'į́įh doo; biníbaal biyi' doo hoot'į́įdi shinées'į́į' doo; tséghą́ą'jį' hashidoołtééł.

PSALMS 40:2

Hashtł'ish dits'idí biyi'dóó a'áán báhádzidę́ę́' hááshííłtį́; tsé'éłkáa'gi dah shiisį' áádóó yishááłgóó hasht'eyiilaa.

PSALMS 42:6

ShiDiyin God nílíinii, shii' sizíinii doo bił hóóts'íid da; éí bąą Jórdan tooh binaa nahós'a'dóó Dził Hérman áádóó Dził Máízar sinilídóó nénáshniih dooleeł.

PSALMS 43:5

Shii' sizíinii nílíinii, ha'át'íí lá bąą doo nił hats'íid da? Áádóó ha'át'íí lá bąą ádił nitsééníltłi'? Diyin God bee nił chohoo'į́, háálá shíká análwo'go shił hózhǫ́ǫgo ánáshoodlíłígíí éí shiDiyin God baa nááhásh'niih doo.

PSALMS 55:5

Shił yéé' hazlį́į́' áádóó shitah hodiis'náá' índa ts'ídá t' áá íiyisí t'óó bik'ee shił hóóyéé'.

PSALMS 62:2

T'áá bí t'éiyá tsé shá nilį́ áádóó bee yisdáhásháahii índa bine' ahinishchéehii nilį́. Ts'ídá doo nahjį' kóshidi'doolníił da.

PSALMS 62:6

T'áá bí t'éiyá tsé shá nilį́ áádóó bee yisdáhásháahii índa bine' ahinishchéehii nilį́. Doo nahjį' kóshidi'doolníił da.

PSALMS 77:3

Diyin God bénáshniihgo dinish'níí nít'éé'; nitséskeesgo shii' sizíinii yéego bąąh nááháka'. Síilah.

ISAIAH 32:2

Áádóó diné ła' níyol bits'ąą índa níyoltsoh bits'ąą bine' a'niichéehii nahalin doo, áádóó kéyah hóółtseigi tooh danílíinii nahalin, índa kéyah náhodínéesdzáagi tsé bee bichaha'ohígíí nahalin doo.

ISAIAH 54:11

Nich'į' nahwii'náanii áádóó níyol yáhoołgohii índa doo níká a'alyeedii nílíinii, tsé nitł'izii nitł'ááh nástł'ingo áádóó tsé da'ílíinii bee kingo ándeeshłííł, jó'akon.

LUKE 22:44

Áko t'áá íiyisí ti'hojooníihgo t'ah nááyówehígo haleebee sozdoolzin, áko hatásiil diłgi át'éego ni'jį' nidahidilch'ą́ą́ł.

DEUTERONOMY 4:29

Nidi áádóó Bóhólníihii nihiDiyin God hádaoht'į́įgo béédahodoohsįįł; nihijéí t'áá át'é bee áádóó nihii' sizíinii t'áá át'é bee hádaoht'į́įgo béédahodoohsįįł.