3 Háálá dé'éyóní shich'į' nídahidiikai, diné ade ádeinízinii shida'niiłhį́; éí Diyin God doo bilą́ąjį' hólǫ́ǫgo ádayósin da. Síilah.
Bóhólníihii t'áá áłahjį' shilą́ąjį' hólǫ́ǫgo íínísin, háálá shinish'náájí hólǫ́ǫgo doo shił na'ii'náa da doo.
Bikin bii' sohodizindę́ę́' níká oolyeed, índa Záíyandę́ę́' nidziilgo ánóle'!
Háálá łééchąą'í haatįįh yíjéé' nahalingo diné doo yá'ádaashóonii shináshzhiizh; doo yá'át'ééh ádaaníiłii shinás'á; shíla' áádóó shikee' yaa'ada'ashiizh.
Diné doo yá'áshóonii éí bee haz'áanii hitíhígíí bijéí biyi' bich'į' yáłti'; éí diné binááł Diyin God doo yidísin da.
Hwe'iina' ádadiildįįł danízingo nahjį' kódashiléhígíí t'óó bił dahodííłkéełgo baa yáhásingo ádadííliił, índa atídashił'íinii t'ą́ą́' anáhodíí'niłgo doo da'jílį́į́góó ádahodííliił!
Diyin God nílíinii, shaa nánít'įįhgo t' áá ákogi ájít'é shá bidiní, índa dine'é doo Diyin God k'ehgo ádaat'éii shaa nídaat'ínígíí bik'ijį' shá agha'dít'aah; diné bina'adlo'go doo t'áá ákogi át'éii bits'ą́ąjį' yisdáshíłteeh!
Doo ákwii ádaat'íiniísh ił ééhózin doo bee dahólǫ́ǫ da? Éí bááh deiyą́ nahalingo shidine'é deildeeł índa Diyin God doo nídayookąąh da.
Shik'isóó danilíinii bich'į' dé'éyóní sélį́į́'; shimá ba'áłchíní bich'į' ayóní sélį́į́'.
Diyin God nílíinii, diné ádaa daha'niihii shich'į' nídahidiikai. Áádóó diné doo daats'íidii, doo bilą́ąjį' honílǫ́ǫ́góó ádanósinii dashidiyoołhééł biniyé hadashineeztą́ą́'.
Áko díí t'áá ałtso nihaa nidookah, háálá aTaa', doodaii' shí éí doo nihéédahósin da.