PSALMS 53:3 - Navajo Bible

³ T'áá ałtso t'ą́ą́' neezhjéé', t'áá ádzí łtso t'óó hadaa'ih dadzizlį́į́', doo nidi ła'da yá'át'éehgo ááníił da; dooda, t'ááłá'í nidi dooda.

PSALMS 53:3 ပူးပေါင်းရင်းမြစ်များ

II SAMUEL 20:2

Áko Ízrel dine'é t'áá ałtso David yits'ą́ąjį' dah diikaigo Bíkrai biye' Shííba yikéé' dah diikai, nidi Júdah dine'é éí aláahgo binanit'a'í bił dáálįįd; Jórdan toohdóó Jerúsalem kin haal'áajį' ákót'éego bił hoo'a'.

JOB Naaltsoos Biyi' Job Baa Hane'ii 15:16

T'ah nááyówehgo diné doo yildingóó índa t'óó baa'ihgo dahiná; éí tó jidlą́ nahalingo doo ákwii át'éii adeisłį́.

PSALMS 14:3

T'áá ałtso honít'i'ii yits'ádahaaskai; t'áá ádzíłtso t'óó hadaa'ih dadzizlį́į́', doo nidi ła'da yá'át'éehgo ááníił da, dooda, t'ááłá'í nidi dooda.

ISAIAH 53:6

T'áá áníiltso dibé nahalingo yóó'adahiikááh; t'ááłá'í niitínígo t'áá nihí daniidzingóó ahiikááh, índa doo ákwii ádeiit'įįdii t'áá át'é Bóhólníihii hak'iidii'ą́.

ISAIAH 64:6

Nidi t'áá áníiltso chin nilíinii nidahoniidlin áádóó t'áá ákogi ádeiit'ínígíí anilí baa'ihii nidahalin, índa t'áá áníiltso at'ąą' dadiibéehii nidahoniidlin áádóó doo ákwii ádeiit'ínígíí níyol nahalingo yóó'adanihii'éésh.

EZEKIEL 36:25

Ákohgo tó niłtólígo nihik'ídadeeshtahgo, t'óó baa'ihii nihąąh dahólóonii t'áá ałtso índa eda'alyaii bich'į' nidahohłáii t'áá ałtso nihąąh táádadeesgis.

ZEPHANIAH 1:6

Bóhólníihii yikéé' deíkááh yę́ę yits'ą́ąjį' dah nídahidiikaii áádóó Bóhólníihii bééhodeesįįł doo danízinii, doodaii' doo yínda'ídíłkidii ádahodeeshdįįł.

ROMANS 3:12

T'áá ałtso honít'i' yits'ádahaaskai, t'áá ałtso t'áá ádzaagóó adahaaskai. Doo nidi ła'da yá'át'éehgo ááníił da, dooda, t'ááłá'í nidi dooda.

II CORINTHIANS 7:1

Ayóó'ánihósh'níinii, díí kót'éego nihaa deet'ą́ągo biniinaa, haa'íshą' nihits'íís índa nihiníłch'i niyiiłchxǫǫhii nahjį' kódadiilnííł, áádóó Diyin God dadíníilzingo diyingo iiná hadaałt'éego ádadiilnííł.

I John 2:29

Christ ts'ídá t'áá ákogi át'éii nilį́įgo nihił béédahózin. Áko t'ááłá'í jinítínígo ts'ídá t'áá ákogi ádajit'íinii Diyin God bits'ą́ą́dóó náádaho'dizhchį́įgo ałdó' nihił béédahózin.

III JOHN 1:11

Shik'is ayóó'ánósh'níinii, doo yá'át'éehii yaa nidaakaígíí t'áadoo bi'íł'íní, nidi yá'át'éehii yaa nidaakaígíí éí bi'íł'į́. T'áá háiida yá'át'éhígi ájooníłígíí Diyin God bíí' jílį́, nidi t'áá háiida doo yá'át'éhígi ájooníłígíí éí Diyin God doo yizdoołtséeł da.

REVELATION 22:11

Doo ákǫ́ǫ́ ájooníiłii háni'dii doo ákǫ́ǫ́ ájooníił da doo, áádóó haa'ihii háni'dii haa'ih doo, áádóó ts'ídá t'áá ákogi ájít'éii háni'dii ts'ídá t'áá ákogi ájooníił doo, índa jidiyinii éí háni'dii jidiyin doo.