PSALMS 53:2 - Navajo Bible

² Yá'ąąshdę́ę́' Diyin God déé'į́į'go éí nihokáá' dine'é ła'da daats'í ak'i'diitįįh, áádóó ła'da daats'í Diyin God hádaat'į́ nízingo háidéez'į́į́'.

PSALMS 53:2 ပူးပေါင်းရင်းမြစ်များ

I CHRONICLES 28:9

Áádóó ni, shiye' nílíinii, Sálaman, nizhé'é biDiyin God bééhonísįįh índa nijéí t'áá át'é bee áádóó níni' nilį́įgo bá nanil'a', háálá Bóhólníihii ajéí t'áá át'é haisííd áádóó áhwiindzingo nitsáhákees t'áá ałtso bił bééhózin; hánít'į́įgo bik'ídíínááł, nidi yóó'adííní'ą́ągo bí ałdó' hool'áágóó yóó'andidoo'ááł.

II CHRONICLES 15:2

Áko dah diiyáago Éísa yidááh níyá, áko ííłní, Dashíínółts'ą́ą́', Éísa áádóó Júdah dine'é índa Bénjamin dine'é t'áá ánółtso, Bóhólníihii t'ah bił dahonohłǫ́ǫgo nihił hólǫ́, áádóó hádaoht'į́įgo bik'ídadoohkah, nidi yóó'ádasidoo'ą́ągo bí ałdó' yóó'anihididoo'ááł.

II CHRONICLES 19:3

Azhą́ ákót'ée nidi, yá'ádaat'éehii bee ánít'éego át'é; jó, éí kéyah bikáa'gi asdzání eda'alyaii ałtso néishíníłchxǫ' áádóó nijéí bee nidííní'ą́ągo Diyin God hánít'į́.

JOB Naaltsoos Biyi' Job Baa Hane'ii 28:28

Áádóó diné áyidííniid, Shoo, Bóhólníihii dólzin éí hódzą́ át'é, áádóó doo yá'át'éehii bits'ájígháahgo ak'izhdi'yiitįįh jileeh.

PSALMS 10:4

Diné doo yá'áshóonii ádaa dzódlíigo doo Diyin God hát'į́į da. Diyin God ts'ídá doo yaa nitsíkees da.

PSALMS 102:19

Jó, aghánáhóó'áadi bihodiyingo haz' ą́ą́dę́ę́' yaago déé'į́į́'. Yá'ąąshdę́ę́' Bóhólníihii nahasdzáán yinééł'į́į'go

PSALMS 11:4

Bóhólníihii éí diyingo bikin bii' sohodizin yii' hólǫ́; Bóhólníihii bibikáá'dóó nahat'áii yá'ąąshdi hólǫ́; nihokáá' diné yoo'į́ áádóó haisííd.

PSALMS 111:10

Bóhólníihii jidósin jileehdóó ahozh'niiyąąh; bibik'eh ó'oo'níiłii yida'ał'íinii t'áá ałtso yá'át'éehgo ak'ida'diyiitįįh. Bee baa ha'niihii hool'áágóó doo nineełnéeh da!

PSALMS 27:8

Háshidíní'į́į́', shidííníniidgo shijéí áníłní, Bóhólníihii nílíinii, hándésh'į́į́'.

ISAIAH 55:6

T'ah nihá ashja'ósindą́ą́' Bóhólníihii hádaoht'į́; t'ah kǫ́ǫ́ hólǫ́ǫ́dą́ą́' nídaohkąąh.

JEREMIAH 16:17

Háálá yee ádaat'éii t'áá át'é yish'į́, áko ts'ídá t'áadoo shits'ąą dínót'į́łí da, índa doo ákwii ádajit'ínígíí nidi doo shits'ąą nidanil'in da.

JEREMIAH 23:24

Doo yideestséeł da biniyé doo dahoot'į́įdi diné ła' nídidoot'į́įłgoósh yíneel'ą́? ní Bóhólníihii. Yá'ąąsh áádóó nahasdzáán t'áá ałtsogóó bii' honishłǫ́, ní Bóhólníihii.

DEUTERONOMY 4:6

Éí bąą bik'eh dahonoł'į́ áádóó baa dahonohsą́, háálá ał'ąą dine'é dabinááł díí nihibee hódzáanii áádóó nihibee ak'idi'yiitįįhii át'é; éí díí yee nihwiiz'áanii t'áá ałtso deidiizts'ą́ą'go kódadidooniił, T'áá aaníí díí dine'é ayóó át'é hóyáanii índa ak'idi'yiitįįhii nilį́į́ lá.