PSALMS 51:3 - Navajo Bible

³ Háálá bee haz'áanii héti'ii baa ákoniizį́į́', índa ádił ni'ayészíi'ii t'áá áłahjį' shi'diił'á.

PSALMS 51:3 ပူးပေါင်းရင်းမြစ်များ

NEHEMIAH 9:2

Áádóó Ízrel dine'é éí doo Ízrel dine'é danilíinii t'áá ałtso yits'áskai áádóó ádahodiilzee'go ádił nida'iiszí'ígíí yee ádaa ch'ídahwiist'ą́, índa dabizhé'é yę́ę doo ákwii ádáát'įįdii baa nidahodzisne'.

JOB Naaltsoos Biyi' Job Baa Hane'ii 33:27

Diné yinááł ádidooniił, Ádił asésiih; t'áadoo é'él'į́įgi íít'įįd, nidi t'áadoo shaa nídélí da.

PSALMS 32:5

Ádił ni'iyísíi'ii nich'į' bee ádaa ákoniiszį́į́', áádóó doo ákwii áát'įįdii t'áadoo nídíł'į́į' da; Bee haz'áanii híti'ii éí Bóhólníihii bee bił hodeeshnih, dííniid; ákohgo doo ákwii át'éii bee ádił ni'iyísíi'ii shá yóó'ańdííní'ą́. Síilah.

PSALMS 38:18

Doo ákwii áát'įįdii bee ádaa hashne' áádóó ádił ni'iisdzíihgo bąąh shíni'.

PSALMS 40:12

Háálá daashíínéelą́ą́' doo yá'ádaashóonii shináshzhiizh. Doo ákwii áát'įįdii shide ádzaago biniinaa doo haoshxaał át'ée da sélį́į́'; éí shitsii' bilááh ánéelą́ą́'; éí bąą ch'ééh ásht'į́.

PSALMS 41:5

Shida'ana'í doo yá'áshǫ́ǫ́góó shaa yádaałti'go ádaaní, Hahgo lá dadootsaałgo bízhi' doo bééhodoozįįł da lá?

PROVERBS 28:13

T'áá háiida bee haz'áanii k'íiníti'ii yik'i hooziidii doo náás doogáał da, nidi t'áá háiida bee haz'áanii k'ízhníti'ii bee ádaa hojoolne'ii áádóó yóó'azhdíí'áanii Diyin God bibee aa a'ááh hasinii shóizhdoołt'eeł.

ISAIAH 43:25

Shí, t'áá shí ádił nida'iyohsíhígíí shinahjį' k'ééda'ashchǫǫhii nishłį́, áádóó nihibąąhági át'éii doo béénáshniih da doo.

ISAIAH 59:12

Háálá bee haz'áanii dahiitíhígíí nidáahgi t'óó ahóóyóí; nihibąąhági ádaat'éii nihik'ijį' danilį́įgo nihaa dahalne', háálá bee haz'áanii dahiitíhígíí nihił dahólǫ́, índa nihidoo ákwii át'éii át'éhígíí nihił béédahózin;

JEREMIAH 3:25

T'óó nihaa yádahóósįįdgo doo da'niidlį́į́góó ída'diilyaaígíí nihich'ą́ąhgi hazlį́į́'. Danihizhé'é yę́ę áádóó nihí t'áá ániid nideikaidą́ą́' díí jį́įjį' Bóhólníihii nihiDiyin God bich'į' ádił nida'ayeelzíí'; Bóhólníihii nihiDiyin God ts'ídá t'áadoo bik'ehgóó ádeiidzaa da.