PSALMS 5:9 - Navajo Bible

⁹ Háálá doo ba'jóolíí át'éégóó yádaałti'; atí'doolnííł t'éí bijéí biyi'di yee nitsídaakees; bidáyi' jishcháá' ąą áhoot'é nidahalin; saałką́ą́' yee yádaałti'.

PSALMS 5:9 ပူးပေါင်းရင်းမြစ်များ

EZRA 8:21

Áko nihiDiyin God binááł ádaa dahojiniilbá'í ádadi'diilnííł biniyé Ahéíva tooh nílínígi hodílzingo doo adą́ baa nidiikah, dishníigo bee haasdzíí', áko nihá áádóó nihada'áłchíní bá índa nihinaalye'é t'áá ałtso bá doo nahontł'agóó nihá honít'i' doo biniyé hádeiit'į́į doo.

PSALMS 27:11

Bóhólníihii nílíinii, nik'ehgo áhoot'éii bínashiníłtin; shi'ana'í biniinaa k'íhoneezláágóó shiyííłááł.

PSALMS 51:6

Jó, t'áá aaníinii yee át'é laanaa nínízin, áádóó shijéí bii'di bee hódzáanii shił bééhózingo áshílééh.

PSALMS 52:2

Dághá bee yilzhéhí deeníinii nahalingo nitsoo' bee doo yá'áshóonii binahógiz.

PSALMS 62:4

Aląąjį' dzizínídóó nahjį' háádahodiyiilghą́ą́ł danízingo hondaha'á. Wooch'ííd ayóogo baa bił dahoneeni. Ak'idajidlíigo yádaałti', nidi ódziih bii' dahólǫ́. Síilah.

PSALMS 62:9

Diné baa hojoobá'ígo naaldeehii t'áadoo nánídlíní da; diné baa yádahasinii éí t'óó ádaat'é; díí t'áá áłah dahidiidleehgo ayol t'áá bich'į'go ászólí yee'; t'áadoo náádleełí da.

PSALMS 64:6

Doo ákwii ádadooníłígíí yíká da'íłkeed. K'ad lá índa bindahosiigiz ni, daaní. Áko yaa nitsídaakeesii índa bijéí biyi'di ádahoot'éii doo bééjółkááh át'ée da.

PSALMS 69:19

Shá nahat'i' áádóó t'óó baa yáhásinígi áshi'di'ní índa diné doo bił nishłį́į daígíí nił bééhózin. Shi'ana'í danilíinii t'áá ałtso bééhonísin.

PROVERBS 29:5

Bił kééhojit'íinii bich'į' ájíníigo baa hojiniihgo éí łoh ádá ninájít'ááh.

ISAIAH 26:7

Diné t'áá ákogi ááníiłii éí doo bina'adlo'góó k'éhézdon yigááł; t'áá ákǫ́ǫ́ ááníiłii nílíinii, diné t'áá ákogi ádaat'éii bá k'íhóółdǫǫł.

JEREMIAH 17:9

Ajéí wolyéii éí na'adlo' nináneel'ą́ąjį' ts'ídá t'áá ałtso biláahgo bina'adlo', áádóó doo náodziihígi át'éégóó t'áá íiyisí yíchxǫ'. Éí háí bił bééhodoozįįłgo yíneel'ą́?

JEREMIAH 4:14

Jerúsalemgi kéédahoht'íinii, yisdánihi'didoo'niłígíí biniyé doo yá'áshóonii nihijéí bąąh táádaohgis. T'áadoo biniyéhígóó nitsídaahkeesígíishą' haa nízáágóó nihii' hólǫ́ǫ doo?

MICAH 6:12

Jó, diné da'at'íinii éí ádílááh bii' daahééł áádóó yił kéédahat'íinii éí wooch'ííd ádeił'į́ índa na'adlo' yee yádaałti'.

LUKE 11:39

Áko Bóhólníihii áhodííniid, Jó, Férisii danohłíinii, bee adlání índa łeets'aa' bikáá'dę́ę́' t'éiyá táádaahgis, nidi agha'ílyé índa bąąhági át'éii nihiyi' hadadeezbin.

LUKE 11:44

Bee haz'áanii bínda'nołtinii áádóó Férisii danohłíinii, t'óó ádahodoł'íinii, doo hojooba' ájíníi da! Háálá dajishcháá' doo daat'íinii nidahonohłin, áko éí diné t'áadoo bił béédahóziní yikáá' naaldeeh.

ROMANS 3:13

Bidáyi' jishcháá' ąą áhoot'é nidahalin, dabiyooch'íidgo binda'adlo'. Biwooshtł'ah góne' tł'iish bibik'asda' naaziid nahalingo bizaad dabizǫ́ǫ́z.

I THESSALONIANS 2:5

Háálá nihił béédahózingo hádą́ą'da doo t'óó łídanihidiilchíigo saad nizhóníii, doodaii' saad bee adáhonooníinii doo bee nihich'į' yádeiilti' da nít'éé', éí Diyin God nihá bił bééhózin.