PSALMS 5:4 - Navajo Bible

⁴ Háálá Diyin God ni, doo yá'áshóonii doo baa nił hózhǫ́ǫ da; doo yá'át'éehii doo nił hólǫ́ǫ da.

PSALMS 5:4 ပူးပေါင်းရင်းမြစ်များ

I CHRONICLES 29:17

ShiDiyin God nílíinii, shí ałdó' shił bééhózin, ajéí nabínítaah áádóó t'áá ákogi ádaat'éii baa nił hózhǫ́. Shí éí shijéí bee nisinii bik'ehgo doo naaki nilį́į́góó díí t'áá ałtso naa nídiní'ą́; k'ad nidine'é kǫ́ǫ́ áłah nilínígíí bił dahózhǫ́ǫgo t'áá bí ádeinízingo naa náhidit'aahii ná adayiiznil.

PSALMS 101:7

Diné bina'adlo'ii éí shighan góne' doo kééhat'į́į da doo. Shidáahgi diné biyooch'íidii doo nida'áhodidláa da doo.

PSALMS 11:5

Bóhólníihii éí t'áá ákogi ádaat'éii nayínítaah, nidi doo yá'ádaashóonii áádóó ádééhooldzíidgo hináanii ts'ídá yijoołxá.

PSALMS 140:13

T'áá aaníí t'áá ákogi ádaaníiłii nízhi' yich'į' ahééh dadínóozįįł; t'áá ákogi ádaat'éii honílǫ́ǫgi kéédahat'į́į doo.

PSALMS 50:21

Díí baa nisíníyá. Shí éí t'óó dííníshhéél nít'éé'. T'áá shígi ájít'é nínízingo shaa nitsíníkees nít'éé'. Nidi k'ad éí nidideeshteh, baa nisíníyáhígíí ałkéé' sinilgo bee nił hashne' doo.

PSALMS 63:2

Áko bee nidziilii índa bee ayóó ánít'éii yideestsééł biniyé kin bii' sohodizin góne' hándéé'į́į́'.

PSALMS 88:14

Bóhólníihii, ha' át'íísh biniinaa shii' sizíinii yóó'ahíłhan? Ha'át'íísh biniinaa shits'ą́ąjį' díní'į́į́'?

PSALMS 92:15

áko Bóhólníihii éí t'áá ákogi át'éego bééhózin doo. Bí éí tsé shá nilį́ áádóó doo ákogi é'ét'éii bii' ádin.

PSALMS 94:20

Naat'áanii doo yá'áshóonii, éí bee haz'áanii yee doo yá'át'éehii yinaha'áii, da' éísh t'áá bił ałch'odíí'niił?

HABAKKUK 1:13

Nináá' diyingo bąą t'óó baa'ihii níníł'į́įgo doo bohónéedzą́ą da áádóó doo yá'áshóonii doo níníł'į́į da; ákoshą' ha'át'éego diné indahagizii bich'oní'ní índa diné doo yá'ádaashóonii bilááh át'éego diné t'áá ákogi át'éii ádayoołdįįłgo t'óó dííníłhéél?

MALACHI 2:17

Bóhólníihii nihizaad yąąh ch'ééh deeyá. Áko ádadohní, Haash yit'éego doo bił hózhǫ́ǫ́góó ádeiilyaa? Bóhólníihii binááł t'ááłá'í jinítínígo, T'áá íiyisí doo yá'áshóonii ájíít'įįdii éí yá'át'ééh índa éí bił hóshǫ́, dadohnínígíí biniinaa. Áádóó nida'ídółkidgo ádadohní, Diyin God t'áá ákogi át'éego ánihwii'aahiishą' háájí?

JOHN 14:23

Jesus ánááhodoo'niid, Diné ła' ayóó'áshó'níigo, éí shizaad bik'eh hojíł'į́į doo, áko shiTaa' ayóó'áhó'níi doo, áko haa diikahgo hoł kéédahwiit'į́į dooleeł.

HEBREWS 12:14

Diné t'áá ałtso bił k'é da'ahidoh'níi dooleełígíí, áádóó diyingo dahinohnáa dooleełígíí bidadoołkaal. T'áá háiida doo ákójít'į́į́góó éí Bóhólníihii doo yizdoołtséeł da.

II PETER 3:13

Nidi Diyin God yee nihoní'áanii bik'ehgo yót'ááh hiníláii ániidíii áádóó nahasdzáán ániidíii bíká dadíníit'į́į́', éí bikáá' t'áá ałtsogóó ts'ídá t'áá ákogi é'ét'é hólǫ́ǫ dooleeł.

REVELATION 21:23

Éí kin haal'áadi jį́honaa'éí, doodaii' tł'éhonaa'éí ádin, háálá Diyin God bee bits'ádi'nílíidii bee adinídíín, áádóó Dibé Yázhí nilíinii bee adinídíinii nilį́.

REVELATION 21:27

Nidi ha'át'íida t'óó baa'ihii ts'ídá doo biih hodooleeł da, índa doo yildingóó naagháii áádóó biyooch'íidii ts'ídá doo yiih doogáał da, nidi iiná naaltsoos Dibé Yázhí nilíinii bíhígíí biyi' dabízhi' bik'idaasdzohii t'éiyá yiih dookah.