PSALMS 48:3 - Navajo Bible

³ Áadi aláahgo naat'áanii dabighangóó Diyin God bine' a'niichéehii jílį́įgo bee hwééhózin.

PSALMS 48:3 ပူးပေါင်းရင်းမြစ်များ

II SAMUEL 5:7

Azhą́ ákót'ée nidi David éí Záíyan yee ayóó ábóodziilii yisná, áko t'áá éí David bikin haal'á silį́į́'.

II CHRONICLES 12:7

Áko Bóhólníihii éí a'ohgo ádazhdiilyaaígíí yiyiiłtsą́ągo Bóhólníihii bizaad yee Shiiméíyah yich'į' haadzíí'; t'áá bí a'ohgo áda'diilyaa; éí bąą doo áhodeeshdįįł da, nidi yee dadoodzihii baa dideesh'ááł áádóó Sháíshak binahjį' hashké nísdzinígíí doo Jerúsalem bik'i yeideeshxéeł da.

PSALMS 125:1

Bóhólníihii baa deijólíii éí Dził Záíyan doo hizhdółnááł át'éégóó si'áanii áádóó hool'áágóó hólóonii nidahojílin.

PSALMS 135:21

Bóhólníihii éí Záíyandóó Jerúsalemgi kééhat'íinii baa ha'niih! Bóhólníihii baa dahohniih!

PSALMS 46:7

T'áá ałtsoní bee Bóhólníihii éí nihił hólǫ́. Jéíkab biDiyin God bine' adahiniichééh. Síilah.

PSALMS 50:2

Záíyan ayóó ánóolninii hadaałt'éii biyi'dóó, Diyin God adiníłdíín.

SONG OF SOLOMON 6:4

Ayóó'ánósh'níinii, Térzah kin haal'áhígíí nahalingo ayóó ánííníshóní yee', Jerúsalem nahalingo nízhóní yee'; siláo yinéełii bidah na'at'a'í dah deíłtsóosgo ałkéé' deíkáahgo bik'ee ił ahayóí nahonílin.

LAMENTATIONS 2:15

T'áá ałtso ną́ą́h nídadikahígíí t'óó ná nidahałt'i'go nich'į' ahídaakad, áádóó bitsiits'iin deiłne'go Jerúsalem bich'é'é yich'į' ída'diłts'ǫǫs kódaaníigo, Kin haal'áii ayóó ánóolninii hadaałt'éii áádóó, Nahasdzáán t'áá si'ą́ą́ nít'éé' dadine'é yaa bił dahózhóní wolyéii, da' díísh éí át'é?