PSALMS 41:9 - Navajo Bible

⁹ T'áá aaníí, áhánígo shik'is nilíinii baa jííníshłíigo shits'ą́ą́' ná'ádį́į́h nít'éé' yę́ę łeezh shik'ijį' yiztał.

PSALMS 41:9 ပူးပေါင်းရင်းမြစ်များ

II SAMUEL 15:12

Áádóó Ábsalam éí Gáílo dine'é Ahíthofel yíká i'ííł'a'; éí David yá bił ééhózinii nilį́įgo bikin haal'áádę́ę́' t'áá éí Gáílo hoolyéédę́ę́' shaazhdoogááł hó'ní; íídą́ą́' nááhidoonihii náájiiłniihgo baa nijighá. Áko nahont'ingo ihodeest'áanii t'áá íiyisí bidziil silį́į́' índa diné éí Ábsalam yich'ijí danilíinii áłahjį' lą'í k'ee'ąą yilzhish.

JOB Naaltsoos Biyi' Job Baa Hane'ii 19:13

Shik'isóó danilíinii doo nádiiníghánígóó shits'éininíłkaad. Diné bił ahéédahasinii nidi doo shich'į' nidaakai da daazlį́į́'.

JOB Naaltsoos Biyi' Job Baa Hane'ii 19:19

Hánígo diné shik'is danilíinii dashi'į́, áádóó diné ayóó ádeínísh'níinii shik'ijį' daazlį́į́'.

PSALMS 101:3

T'óó badaa'ihii doo ła' nídideeshłéełgo dinéesh'įįł da. Nits'ą́ąjį' náníjahii yaa nidaakaii jooshłxá; doo beinísht'į́į da doo.

JEREMIAH 20:10

Diné t'óó ahayóí ałjeeh nídanilniihgo ahił dahalne'. T'áá ałtsodę́ę'go shił dahółyée'go yádaałti'. Shik'isóó bił ahéédahasinii t'áá ałtso ádił adeesihígíí yiniyé shaa nidahaakaigo t'áá doodahígo shá hadahadziihgo ádaaní, Haa'íyee' t'áá doodahígo bá hadadiidzih; binda'diidlohgo da'át'é. Ákódzaago hak'eh dadidiidleełgo k'éédahodidiilnííł.

OBADIAH 1:7

Diné bił aha'díínít'ánígíí t'áá ałtso kéyah nineel'ą́ąjį' adanizlóóz; diné bił k'é da'ahidí'níinii nida'deezlo' índa nik'eh dadeesdlį́į́'; nibááh dayííyą́ą'ii ná nida'az'ą́. Éí doo ak'i'diitįįh da.

MICAH 7:5

Nik'is t'áadoo ba'íínílíhí áádóó hánígo nik'is nidi t'áadoo baa dzíínílíhí; asdzání bił nániiłkáahii bits'ąą nizaad baa áhólyą́.

MATTHEW 26:23

Áko haadzíi'go ádííniid, T'áá shił éé'é'áhígíí éí nináshididoo'ááł.

JOHN 13:18

Doo t'áá ánółtso ádanihidishníi da; bitahálá'ígíí éí shił bééhózin, nidi díí Diyin God bizaad bee ak'e'ashchínígíí bíni' t'áá ákót'éego bohodoolnííł, Diné shits'ą́ą́' ná'ádį́į́h nít'é'ígíí łeezh shik'ijį' yiztał.

DEUTERONOMY 32:15

Nidi Jéshuran éí nineelk'aigo adziiztáál. Nínílk'ah áádóó nitsį' ditą́ índa ninínílk'ai. Nít'éé' Diyin God áhoolaii yóó'azhdíí'ą́ áádóó Tsé Niłdzilii bee yisdájiigháhígíí t'óó bá nahojiłt'i'.