PSALMS 40:9 - Navajo Bible

⁹ Diné t'óó ahayóí áłah nilį́įgi t'áá ákogi ádaat'éii baa hweeshne'; jó, doo t'óó bił áhodííníszée' da nít'éé'; Bóhólníihii nílíinii, éí nił bééhózin.

PSALMS 40:9 ပူးပေါင်းရင်းမြစ်များ

PSALMS 22:25

Ayóó át'é áłah ílį́įgi bee naa hashniihii nits'ą́ą́dę́ę́' neheleeh; dabidósinii binááł t'áá aaníí ádíshníigo bee ádee hadeesdzíi'ii bi'deeshłííł.

PSALMS 119:13

Bik'eh hoogáałii bee hahídziihii t'áá ałtso baa hweeshne'.

PSALMS 22:22

Shik'isóó danilíinii nízhi' bee bił dahodeeshnih; áłah nádleehii bitahgi naa hashniih doo:

HEBREWS 2:12

kójíníigo, Shik'isóó danilíinii nízhi' bee bił dahodeeshnih; da'oodlání áłah nádleehii bitahgi naa hashniihgo hashtaał doo.

PSALMS 35:18

Ayóó át'é áłah ílį́įgi nich'į' ahééh nisin doo, diné ayóó ánéelą́ą́' bichádahilzhołgi naa hashniih doo.

JOSHUA 22:22

Diyin God, Diyin God, éí Bóhólníihii nilíinii, Diyin God, Diyin God, éí Bóhólníihii nilíinii, éí díí bił bééhózin, índa Ízrel dine'é t'áá bí bił béédahodoozįįł! Nideiilteehgo, doodaii' Bóhólníihii bich'į' doo ákǫ́ǫ́ ádeiit'į́į́góó, áko díí jį́ yisdánihóónííł lágo,

JOHN 21:17

Táadi azlį́į́' góne' ánááhodoo'niid, Sáíman, John biye' nílíinii, da' ayóósh'áshííní'ní? Táadi Peter, Da' ayóósh'áshííní'ní? ho'doo'niidígíí biniinaa yíní biih níjíítłizh. Áko ábizhdííniid, Bóhólníihii, t'áá ałtsoní nił bééhózin; ayóó'ánósh'níigo nił bééhózin. Jesus ánááhodoo'niid, Shidibé ba'íłtso'.

PSALMS 139:2

Náníshdaah áádóó náádiish'nahgo nił bééhózin; nízaadę́ę́' honílǫ́ǫ nidi baa nitsískeesii bik'idi'yítįįh.

PSALMS 37:31

BiDiyin God bibee haz'áanii bijéí bii' hólǫ́; ts'ídá doo ałtánídiighasgóó yigáał doo.

JEREMIAH 31:33

nidi éí yoołkáałdi kót'éego Ízrel dine'é hoł ahada'dideesht'ááł. Shibee haz'áanii hwiih dadeeshłééł, áádóó hajéí bikáa'gi bee bik'ida'deeshchííł, áádóó shidine'é dajílį́į doo, índa haDiyin God nishłį́į doo, ní Bóhólníihii.