PSALMS 4:7 - Navajo Bible

⁷ Be'álástsii' áádóó wáin ániidíii bilááh yileeł yę́ędą́ą́' éí biláahdi át'éego bee ił hózhóonii shijéí biih yínílá.

PSALMS 4:7 ပူးပေါင်းရင်းမြစ်များ

PSALMS 31:17

Bóhólníihii nílíinii, doo t'óó shaa yáhásinígi áshidi'doolníił da, háálá nánooshkąąhgo sodeeszin; bíni' doo yá'ádaashóonii t'óó baa yáhásinígi ádabi'dilnééh; bíni'dii t'áadoo yee hadaodziihígóó daneeznánígíí bitahgi łeeyi' shijée' le'.

PSALMS 37:4

Áádóó ałdó' Bóhólníihii baa nił nihoozhǫǫh, áko nijéí bee bídin nílíinii neidiyii'aah doo.

PSALMS 43:4

Áko lą́ą índa Diyin God bibikáá' náá'iiniihí baa deeshááł; Diyin God t'áá íiyisí bee shił hózhóonii baa deeshááł. T'áá aaníí, Diyin God, shiDiyin God nílíinii, tsin tł'óół bąąh daneelzhee'go bee nida'a'néii bee naa hashniih doo.

PSALMS 67:2

Áko nahasdzáán bikáa'gi nik'ehgo áhoot'éii bééhózin doo, áádóó ał'ąą dine'é t'áá ałtso bitahgóó nibee yisdá'iildéehii bééhózin doo.

PSALMS 80:4

T'áá ałtsoní bee Bóhólníihii Diyin God nílíinii, haa nízáágóoshą' nidine'é bisodizin bich'į' náháchį' doo?

PSALMS 92:4

Háálá, Bóhólníihii nílíinii, ninaanish bee shił hózhǫ́ǫgo áshiinilaa. Níla' bee íinilaaígíí baa shił hózhǫ́ǫgo hashtaał.

SONG OF SOLOMON 1:4

Ách'į' shidídzį́įsgo ahiniilchéeł doo. Aláahgo naat'áanii t'áá bí bighan góne' shił yah íí'áázh. Naa nihił dahózhǫ́ǫ doo áádóó t'áá íiyisí nihił nidahoozhǫǫh doo. Ne'ayóó'ó'ó'ni' éí wáin biláahgo béédeiilniih doo. T'áá ákogi ádaat'éii ayóó'ádanó'ní.

ISAIAH 9:3

Nidine'é ayóó át'éego k'ee'ąą yilzhishgo ádíílííł; bibee ił hózhóonii k'ee'ąą nídoolzhish; agizh yaa bił dahózhónígi át'éego índa diné danilíinii naalye'é ałts'ádadi'nilígi át'éego ninááł bił nidahoozhǫǫh doo.

JEREMIAH 48:33

Mó'ab kéyahgi dáda'ak'ehgóó t'óó ahayóí nida'nt'ą' yę́ędóó bee ił hózhóonii índa baa hózhóonii dah diilyá; ch'il na'atł'o'ii habí'iil'ésígi wáin ádingo áshłaa, áko doo habí'iil'ées da doo índa doo ił hózhónígíí bee hodiwosh doo.

NUMBERS 6:25

Bóhólníihii nihik'i' diiłdíin doo, áádóó nihaa jooba' doo;

ACTS 14:17

ákondi bee bééhózin dooleełii doo nihich'į' áyiilaa daígíí éí dooda, háálá yá'át'éehgi ádzaa áádóó wót'ááhdę́ę́' níłtsą́ índa anit'ą́ baa náhwiilzhíishgo nihaidiní'ą́, áko ch'iyáán índa bee ił hózhóonii bee hwiih danohłį́įgo ánihósin.

I PETER 1:8

T'ah doo dahoołtséeh da nidi ayóó'ádahwíínóh'ní; azhą́ k'ad doo dahooh'į́į da nidi dahwiinohdlą́ągo haa dadzíínóhłíigo nihił dahózhǫ́. T'áá íiyisí ił hózhóonii doo baa yájóołti' át'éii bee nihił nidahoozhǫǫh!

JUDGES 9:27

Ákohgo dá'ák'ehgóó ch'ídahaaskaigo bich'il na'atł'o'ii áłah ádayiilaa áádóó ch'il na'atł'o'ii bitoo' yąąh hadayiiznii'go ída'íísįįd; bidiyin bidi'níinii dílzinii bikin góne' yah aakaigo da'ííyą́ą́' áádóó da'oodlą́ą'go Abímelek hóyée'go yá hadaasdzíí'.