PSALMS 4:4 - Navajo Bible

⁴ Nihił daayée'go ádił nida'ayohsííh lágo; nihijéí bii'di nabik'ítsídaołkeesgo hasht'edadinoht'éego nihitsásk'eh bikáá' nisootį́. Síilah.

PSALMS 4:4 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 28:28

Áádóó diné áyidííniid, Shoo, Bóhólníihii dólzin éí hódzą́ át'é, áádóó doo yá'át'éehii bits'ájígháahgo ak'izhdi'yiitįįh jileeh.

PSALMS 119:161

T'áadoo biniinaanígóó naat'áanii danilíinii atídashííł'įįd, nidi shijéí bee nizaad dinisin.

PSALMS 17:6

Diyin God nílíinii, nániisiskan, háálá shich'į' ééhodíísįįł; shich'į' dah díníit'aahgo ádíshnínígíí diits'į́į́h.

PSALMS 2:11

Bóhólníihii dadíínóhsingo bich'į' nidahohłá, áádóó nidanihiiłnáago nihił dahózhǫ́ǫ le'.

PSALMS 3:2

lą'í shaa nídaat'į́įgo ádaaní, Diyin God doo háká adoolwoł da. Síilah.

PSALMS 3:4

Bóhólníihii chánahgo náoshkąąhgo bihodiyingo dah yisk'idę́ę́' shich'į' ééhoosįįd. Síilah.

PSALMS 33:8

Nahasdzáán bikáa'gi diné t'áá ałtso Bóhólníihii deidísin le', nahasdzáán bikáa'gi kéédahat'íinii t'áá ałtso hats'ąą daasti' le'!

PSALMS 46:10

Hasht'edíínít'é; shí Diyin God nishłį́įgo nił bééhodoozįįł. Ał'ąą dine'é bitahgóó ayóó ánísht'éego áshidi'doolnííł; nahasdzáán bikáa'gi ałdó' ayóó ánísht'éego áshidi'doolnííł.

PSALMS 63:6

Shitsásk'eh bikáá' sítį́įgo nénáshniih, áádóó tł'ée'go ch'énínásdzi'go naa nitséskees.

PSALMS 77:6

Tł'ée'go bee hóótáalii bénáshniih; shijéí biyi'di nabik'ítsískees; nitséskeesgo níłch'i shii' sizíinii haleebee niná'ádílkaah.

PROVERBS 16:17

Doo yá'áshóonii nahjį' nidizhní'ą́ągo éí t'áá ákogi ádaat'éii be'atiin azdoolkǫ'góó joogáał dooleeł; diné ádaa áhályą́ągo yigáałii éí bii' sizíinii as'ah naagháago áyósin.

PROVERBS 16:6

Aa a'ááh hasin índa t'áá aaníinii binahjį' doo ákwii át'éii nahjį' kólyaa, áádóó diné éí Bóhólníihii yidósinígíí bee doo yá'áshóonii yits'áhákááh.

PROVERBS 3:7

Shí lá honisą́, t'áadoo níníziní, nidi Bóhólníihii díínísin áádóó doo yá'ádaat'éehii bits'ąą ádaa áhólyą́.

JEREMIAH 5:22

Doósh dashidíínóhsin da índa shidááhdóó doósh nidanihiiłnáa da? ní Bóhólníihii. Jó, bee nihoní'ą́ągo hool'áágóó tó doo bilááhgóó dínóol'ąął da biniyé tónteel biniit'aa dahidíyį́į dooleełii séí ákwii yílk'idgo áshłaa. Azhą́ tónteel bíígháán náádadiidáahgo deílk'ooł nidi, doo bilááhgóó adahaalk'ooł da. Azhą́ ádá náhálchįįh nidi, doo bilááhgóó iinéeh da.

HABAKKUK 2:20

Nidi Bóhólníihii éí bikin bii' sohodizin diyinii yii' hólǫ́. Háni'dii binááł nihokáá' dine'é t'áá át'é bił hodéesyéel le'.

II CORINTHIANS 13:5

T'áá daats'í aaníí oodlą́ bee nisoozínígíí bee nida'ádółkaah. Hazhó'ó nida'ádínóhtaah. Da' Jesus Christ nihiyi'di hólónígíísh doo baa ákodanohsin da? Doodaii' nida'ádínóhtaahígíísh ch'ééh ádaał'į́?

EPHESIANS 4:26

Nihádahachįįhgo ts'ídá bąąhági ádaohnééh lágo; t'áá nihádahachį'go o'ó'ááł lágo.