PSALMS 4:3 - Navajo Bible

³ Nidi díí nihił béédahoozįįh: Bóhólníihii éí Diyin God k'ehgo át'éii t'áá sahdii ádá ats'áiníłtį́; Bóhólníihii náoshkąąhgo shidiits'a'.

PSALMS 4:3 ပူးပေါင်းရင်းမြစ်များ

PSALMS 31:23

Bidiyį́į́' danohłíinii, t'áá ánółtso Bóhólníihii ayóó'ádeínóh'ní! Baa hodzódlíii Bóhólníihii baa áhályą́, nidi diné ádaa ha'niihgo naagháii éí Bóhólníihii lą'í yee k'ééhodidoodlííł.

PSALMS 34:15

T'áá ákogi ádajít'éii Bóhólníihii hak'i déez'į́į́', índa bich'į' sodazdilzingo hwíists'ą́ą́'.

PSALMS 49:3

Hódzą́ bee yáshti' doo. Áádóó shijéí biyi'di bik'i'diitáanii éí nabik'ítséskees doo.

PSALMS 50:5

Náá'iiniih bee shidiyį́į́' bił aha'dadi'nisht'ánígíí éí shaa áłah ółééh!

PSALMS 56:9

Nánooshkąąhgo lą́ą, shi'ana'í danilíinii t'ą́ą́' hadookah ni. Éí shił bééhózin, háálá Diyin God shich'ijí nilį́.

PSALMS 6:8

Doo ákwii át'éii baa deínóhkáahii, t'áá ánółtso shits'ánóhkááh, háálá yishchago Bóhólníihii shidiizts'ą́ą́'.

PSALMS 62:10

Ade ádahwíínóhsinígíí t'áadoo bada'íínóhłíhí. Diné łídaocházhígíí binahjį' adeesht'įįł t'áadoo danohsiní; jit'íinii hodidileehgo t'áadoo nihijéí bee bíchą́deídółni'í.

EXODUS 33:16

Háálá shí índa nidine'é ałdó' ajooba' bee nihich'odaha'néego nihąąh tsídíníkézígíí haash yit'éego bééhózin doo? Nihił honílónígíí bee shí índa nidine'é ałdó' nahasdzáán bikáá'góó náádaała' dine'é t'áá ałtso bił ał'ąą ádaniit'éego bééhózin.

JOHN 15:16

Nihí doo nídashidoołtį́į da, nidi shí t'éí nánihiyéláa'go ninihinínil, nihits'ą́ą́dóó aneest'ą' nidahwiileeh doo biniyé dahidohkááh, áko nihineest'ą' t'áá hólǫ́ǫ doo, áádóó t'áá ha'át'íhída shízhi' bee aTaa' bídayínóhkeedígíí, éí nihaididoo'ááł.

EPHESIANS 2:10

Háálá Diyin God ánihijiilaii niidlį́. Christ bee yá'át'éehgo ádeii'níił doo biniyé ánihijiilaago éí baa nideiikai dooleełii t'áá bítséedi nihá binahodziz'ą́.

II TIMOTHY 2:19

Nidi Diyin God bizaad éí atł'ááh nástł'inígi át'éego doo hizhdółnááł át'ée da, díí bee bik'e'ashchį́: Bóhólníihii daabíhígíí yééhósin, áádóó ałdó', T'ááłá'í jinítínígo Bóhólníihii bízhi' bee ádazhdójíii éí doo ákwii ádaat'éii bits'ą́ą́jígo ahizhdookah.

TITUS 2:14

Jó, t'áá éí nida'iyiilzííh t'áá ałtso bii'dóó náánihidiyoołnih, índa bąąhági ádaat'éii nihąąh ádingo ánihidoolííł, áádóó t'áá bí bidine'é daniidlį́įgo yá'át'éehgo ádahooníiłii t'áá íiyisí bídaniidlį́įgo baa nideiikai doo biniyé nihá niná'ádeet'ą́.

I PETER 2:9

Nidi chahałheeł bits'ą́ąjį' ayóó ánóolningo Diyin God bibee adinídíinjį' nihíká ádííniidígíí ayóó át'éego yee ááníiłii baa dahohniih doo biniyé t'ááłá'í dine'é nohłį́įgo nánihi'diilyá, áádóó aláahgo naat'áanii danohłį́įgo nááda'iiłniihii danohłį́, áádóó dine'é diyinii índa Diyin God bíí' danohłį́.

II PETER 2:9

Jó, Bóhólníihii éí Diyin God deidísinii nabídahonitaahii yits'ą́ą́dóó yisdáyiiníiłgo bił bééhózin, áádóó doo t'áá ákogi ádaat'éii ánihwiit'aah beiníłką́ąjį' atíhodoolíiłgo bił bééhózin.