PSALMS 4:2 - Navajo Bible

² Bíla' ashdla'ii danohłíinii, haa nízáágóó lá bee ił nishłíinii t'óó baa yáhásinígi shits'ą́ą́' ádaał'į́į doo? Saad t'áadoo nilíníishą' haa nízáagi ayóó'ádeínóh'níi doo, índa wooch'ííd hádaaht'į́į doo? Síilah.

PSALMS 4:2 ပူးပေါင်းရင်းမြစ်များ

PSALMS 106:20

Áko biDiyin God ayóó át'éii éí béégashii ałchozhii be'alyaago yił ałnádeiiznil.

PSALMS 14:6

Bahojoobá'íii binahat'a' t'óó bá nidahosoołt'i', nidi Bóhólníihii yiniit'a nííchą́ą́'.

PSALMS 2:1

Ha'át'íí lá biniyé ał'ąą dine'é ádá nídahojilchįįh, índa dadine'é éí t'áadoo biniyéhígóó nidahoji'á?

PSALMS 3:3

Nidi ni, Bóhólníihii nílíinii, shinaage' nílį́; bee ił nishłíinii áádóó dah neesht'áałgo áshósinii nílį́.

PSALMS 31:6

T'áadoo biniyéhígóó eda'alyaii yich'į' nidahałáii jooshłá, nidi Bóhólníihii baa jííníshłí.

PSALMS 5:6

Dabiyooch'íidii áníłdįįh. Diné neiłtseedgo dił bits'ánílį́įgo ádeile'ii áádóó hona'adlo'ii éí Bóhólníihii hojoołá.

PSALMS 50:15

Nihide áhoot'įįhgo nídashiinohkąąh, áko yisdánihideeshnił áádóó ayóó át'éego shaa dahohniih doo.

PSALMS 57:4

Náshdóítsoh bitsiijį' daditł'ooii nidahojílinii hatahgi shii' sizíinii hólǫ́. Éí bizéé'dę́ę́' kǫ' hadadino' nidahalingo nídadidzihii bitahgi sétį́. Éí nihokáá' diné danilíinii dabiwoo' tsiidétáán áádóó k'aa' nidahalin. Dabitsoo' éí diltł ish deeníinii nidahalin.

PSALMS 58:1

Ayóó át'éii danohłíinii, da' nihíísh t'áá aaníí t'áá ákogi át'éego hadahohdziih? Nihokáá' diné danohłíinii, da' t'áásh ákogi át'éego aa nídaaht'į́?

PSALMS 58:3

Doo yá'ádaashóonii éí t'áá nidahachííhgóó yóó'ahikááh. T'áá nidahachííhdóó dabiyooch'íidgo ádił nida'iisííh.

PSALMS 63:11

Nidi aláahgo naat'áanii éí Diyin God yaa bił nihoozhǫǫh doo. T'ááłá'í jinítínígo t'áá aaníí ádajiníigo ádee hadahizhdidziihii éí hoł dahózhǫ́ǫ doo, nidi dabiyooch'íidgo yádaałti'ii dahodi'doolyił.

PSALMS 72:2

Áko éí t'áá ákogi át'éii yee nidine'é yá yaa nídóot'įįł, áádóó doo haada yit'éii yee nidine'é badahojoobá'íígíí yá yaa nídóot'įįł!

EXODUS 10:3

Áko Mózes áádóó Éran éí Féro bił yah anáájoot'áazhgo ábizhdííniid, Bóhólníihii Hííbrew dine'é biDiyin God kóní, Haa nízáagishą' shich'į' síníltee'go doo shich'į' ayáhígo í'dílnéeh da doo? Shidine'é béé'níłnííh, áko shich'į' nidahałáa doo.

PROVERBS 1:22

kóní, Doo dahonohsáanii haa nízáágóoshą' doo nihidahódzą' ayóó'ádeínóh'níi doo? Haa nízáágóoshą' diné yąąh nidayiiłhaałii ąąh nidayiiłhaałgo bąą bił nidahoozhǫǫh doo? Haa nízáágóoshą' diné doo ádahalyáanii ił ééhózin deijoołxáa doo?

ECCLESIASTES 8:11

Doo yá'áshǫ́ǫ́góó ádáát'įįdii doo tsxį́įłgo bá nidahwiit' aahgóó biniinaa diné ba'áłchíní dabijéí yee ádił ni'iidzííh deidiniidzį́į́'.

ECCLESIASTES 9:3

Oo'áłígíí biyaagi baa nida'aldeehígíí t'áá ałtso bitahgi doo yá'áshóonii hólǫ́, éí diné t'áá ałtso aheełt'éego bich'į' áhoonííł; t'áá aaníí, nihokáá' dine'é doo yá'áshóonii t'éí bii' hadadeezbin, áádóó t'ah dahináago t'óó áhodiigisii t'éí bijéí bii' hadadeezbin, áádóó bik'ijį' aninéégóó ahikááh.

ISAIAH 20:5

Áádóó bik'ee nisi'dooldah índa Iithiyópiya dine'é bee hoł chodahoo'íinii áádóó Ííjip dine'é bee ádaa dahoji'niihii t'óó hoł baa yádahodoosįįł.

ISAIAH 45:17

Hool'áágóó yisdá'iildéehii bee Bóhólníihii éí Ízrel yisdéidoonił; doo nihonít'i'góó doo ádaa yádadínóohdzįįł da áádóó doo nihił dahazkée da doo.

ISAIAH 59:4

T'áá ákogi át'éego ó'oo'níiłii doo ła' yókeed da índa t'áá aaníinii doo yee agha'dit'áah da; t'áadoo nídandlíinii yaa dadzólí áádóó dabiyooch'ííd; ádílááh yééda'niiltsąąhgo doo ákwii é'ét'éii nidayiiłchííh.

JEREMIAH 2:11

Łahgo dine'é kééhat'į́įgo bidiyin dabidi'níinii, azhą́ doo diyin da nidi, náánáła'ásh bidiyin ánéídoodlííł? Nidi shidine'é bee baa ha'niihii nahjį' kódayiilaago náánáła' doo yá'át'ééh nánídlíinii éída ádá nídeidiilá.

JEREMIAH 2:5

Bóhólníihii kóní, Ha'át'íí doo ákwii é'ét'éii shį́įshą' danihizhé'é shąąh dayiiłtsą́ągo doo deeghánígóó shits'áhaaskaigo t'áadoo danilíníii yikéé' tádadookai índa t'áadoo nilíníii daazlį́į́'?

JEREMIAH 9:3

Wooch'ííd biniyé dabitsoo' ałtį́į́' nahalingo nídayiiłtas, áko doo shéédahósingóó doo yá'ádaashóonii t'éiyá náás deíłt'éhígíí biniinaa kéyah t'áá nááhwiist'ą́ą́ nít'éé' bikáá'góó t'áá aaníinii t'áadoo náás dínéesą́ą da, ní Bóhólníihii.

HOSEA 4:7

Wózhǫ́ k'ee'ąą dínéest'ą́ągo t'ah biláhígo shich'į' ádił ninááda'iisíí'. Éí bąą bee baa daha'niihii t'óó baa yádahasingo ádeeshłííł.

JONAH 2:8

T'áá ádzaaí yich'į' nidahałáii éí aa a'ááh hasin yóó'adeidiyii'aah.

NUMBERS 14:11

Áko Bóhólníihii éí Mózes ííłní, Haa nízáagishą' díí diné shił nida'í'įįh doo? Haa nízáadishą' índa dashiizhdoodląął? Jó, bee éédahózinii t'áá át'é dahatahgi hoł ííshjání ádaashłaa.

ACTS 24:9

Jew dine'é ałdó' díí bee hak'i hodiit'ánígíí t'áá ałtso t'áá ákót'é dadííniid.

I CORINTHIANS 1:31

Áko Diyin God bizaad bee ak'e'ashchíinii ánínígi át'éego, T'áá háiida t'áadoo le'é baa hashniih jinízinii, éí háni'dii Bóhólníihii áát'įįdii baa hojiniih doo.

EPHESIANS 4:25

Ákót'é bąą wooch'ííd yóó'adahidoh'aahgo, t'ááłá'í nootínígo bił kéédahoht'íinii saad t'áá aaníinii bee bił ałch'į' yádaałti', háálá ahidiníłnáago Christ bił t'ááłá'í niidlį́.

I SAMUEL 12:21

Áádóó t'áadoo t'ą́ą́' anáhóhjeehí; éí t'áadoo nídandlíní da; doo bee íná'iideeł da, índa doo bee yisdáhóót'i' da, háálá éí t'áadoo nídandlíní da.