PSALMS 4:1 - Navajo Bible

¹ ShiDiyin God t'áá ákogi é'ét'é shá nílíinii, nánooshkąąhgo shich'į' ééhonísįįh! Tsístł'asíyá yę́ędą́ą́' hááshííníłtį́. Shaa jiiníbaahgo shisodizin diits'į́į́h.

PSALMS 4:1 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 36:16

T'įįhdígo haz'ą́ ade áhósindę́ę́' hóteelgo haz'ą́; diné doo ade áhólzinjį' nił íí'áázh, áádóó nibikáá' adání bikáa'gi ch'iyáán bee áda'azįįdgo áyiilaa.

PSALMS 11:7

Háálá Bóhólníihii t'áá ákogi át'éii nilį́įgo t'áá ákogi át'éii ayóó'áyó'ní; diné t'áá ákóne' át'éii hanii' yidínóoł'įįł.

PSALMS 116:16

Bóhólníihii nílíinii, t'áá aaníí ná naal'a'í nishłį́; ná naal'a'í biyáázh nishłį́įgo ná naal'a'í nishłį́. Bee dah dashi'diistł'óonii shá k'eda'síní'ah.

PSALMS 116:6

Bóhólníihii éí doo dahóyáanii yaa áhályą́; t'áá báada a'ohgo ánísht'é sélį́į'go yisdáshííłtį́.

PSALMS 119:132

Nízhi' ayóó'ádayó'níinii baa jiiníba'ígi át'éego shí ałdó' shik'i nighaałgo shaa jiiníbaah.

PSALMS 143:2

Ná naal'a'í nishłíinii doo shá nihodíí'áał da, háálá nidááhdóó diné hináanii doo ła'da ts'ídá t'áá ákogi át'éego bá hadíídzih da.

PSALMS 17:6

Diyin God nílíinii, nániisiskan, háálá shich'į' ééhodíísįįł; shich'į' dah díníit'aahgo ádíshnínígíí diits'į́į́h.

PSALMS 22:1

ShiDiyin God, shiDiyin God, ha'át'éegoshą' yóó'ashidííní'ą́? Ha'át'éegoshą' shíká adíílwołgi doo deeghánídi shits'ąą honílǫ́, índa saad bee nidish'ni'ígíí bits'ą́ądi honílǫ́?

PSALMS 24:5

Bóhólníihii bik'ijidlíi doo, índa Diyin God yisdábííłtíinii t'áá ákogi ánít'é bididooniił.

PSALMS 25:16

Shich'į' naanánídáahgo shaa jiiníbaah, háálá t'áá sáhí naashá áádóó atíshi'dil'į́.

PSALMS 31:8

áádóó shi'ana'í danilíinii t'áadoo bílák'ee shidííní'ą́ą da; hóteelgi nishidííníł'eezgo sézį́įgo áshiinilaa.

PSALMS 41:12

Áko shí éí doo shina'adlo'ígíí biniinaa shidziilgo sézį́įgo áshíínísin. Áádóó nidááhdóó honishłǫ́ǫgo ahool'áa doo.

PSALMS 42:1

Bįįh éí tó danílíinii yídin nilínígi át'éego shii' sizíinii nídin nilį́, shiDiyin God.

PSALMS 45:1

Shijéí bee yá'át'éehii baa hodeeshnihii wó'ą́ą́lį́; bee hahasdziihii aláahgo naat'áanii bee bił hashne'; shitsoo' éí yiyiichįįhgo ak'e'ałchíii nahalin.

PSALMS 56:1

Diyin God nílíinii, shaa jiiníbaah, háálá diné t'áá adashółneehgo shaa nitsídaakees. Shá bíighah shi'ana'í danilíinii shide ádahósin.

PSALMS 57:1

Shaa jiiníbaah, Diyin God nílíinii, shaa jiiníbaah, háálá díí báádahadzidgo ádahooníłígíí ałtso eeldojį' shii' sizíinii t'áá aaníí naa dzólíigo nit'a' biyaagi nehesdzíih doo.

PSALMS 6:1

Bóhólníihii nílíinii, náháchį'go t'áadoo nashidíteehí; t'áá íiyisí doo nił hózhǫ́ǫ́góó t'áadoo t'áá hashkée nashinítiní.

PSALMS 67:1

Diyin God nihaa jooba' áádóó nihik'ijidlíi le' áádóó t'áá bí nihik'idiiłdíin le'. Síilah.

PSALMS 76:1

Júdah kéyahgi Diyin God béého'dílzin; Ízrel kéyahgi bízhi' ayóó át'é.

ISAIAH 45:24

T'áá aaníí, ła' áshididooniił, Bóhólníihii bee t'áá ákogi át'éii áádóó bee adziilii shee hólǫ́; t'áá éí diné baa hakáah doo, áádóó t'áá ádzíłtso bich'į' ádá nídahojilchįįhígíí ádaa yádazdínóodzįįł.

JEREMIAH 23:6

Éí bíyoołkáałdi Júdah dine'é áádóó Ízrel dine'é yisdádoo'nił, áádóó bi'ana'í danilíinii doo baa nídaat'į́į́góó kééhat'į́į doo. Bóhólníihii bee t'áá ákogi ádaniit'éii, díí yízhíhígíí bee bi'dójíi doo.

HABAKKUK 3:19

Bóhólníihii Diyin God bee shidziilii nilį́, bįįhtsa'ii dilwo'ígi át'éego shikee' bee doo shił nahontł'agóó áádóó shi'aghádahaz'áágóó naasháago áshósin.

I CORINTHIANS 1:30

Nidi Diyin God éí Christ Jesus bił łá'í nohłį́įgo ánihiilaa, t'áá éí bee ałdó' dahoniidzą́ągo, ts'ídá t'áá ákogi ádaniit'éego, dadiniigingo, índa bąąhági át'éii bits'ą́ąjį' náábi'diiznii'ii daniidlį́įgo Diyin God ánihiilaa.

II CORINTHIANS 1:10

Díí báhádzidgo adiyoołhéełii yits'ą́ąjį' háánihíínil, áko díí bits'ą́ąjį' háánihiiníiłii t'áá éí hanáánihidoo'niłgo baa náádadzííníidlí,

II CORINTHIANS 1:8

Shik'isóó, Éízhadi atínihi'dool'įįdígíí nihił béédahózin doo nihííníi'ní, éí ts'ídá t'áadoo beełt'éhígóó, doo biká'ágóó ti'hwiisii'nii', áko t'áá hinii'náa dooleeł yę́ęgi nidi doo chohóó'įįd da.

I SAMUEL 17:37

Áádóó David ánáádoo'niid, Bóhólníihii éí náshdóítsoh bitsiijį' ditł'oii índa shash ałdó' bits'ą́ąjį' yisdáshííłtį́; t'áá ákót'éego ałdó' díí Filístiya dine'é bits'ą́ąjį' yisdáshidoołtééł. Áádóó Saul éí David áyidííniid, Nílááhánee', Bóhólníihii nił hólǫ́ǫgo bich'į' hidídááh.