PSALMS 38:3 - Navajo Bible

³ Doo nił hóózhǫǫdígíí biniinaa shitah nahastseed; sha'át'e' biniinaa shits'in dadiniih.

PSALMS 38:3 ပူးပေါင်းရင်းမြစ်များ

II CHRONICLES 26:19

Ákohgo Azáíyah éí tsin bijeeh dilidgo łikání halchinii yididoołiłgo dah yoo'áałgo báhóóchįįd. Áko nít'éé' nááda'iiłniihii yich'į' báhóóchįįdgo, shoo, nááda'iiłniihii binááł Bóhólníihii bikin bii' sohodizin góne' tsin bijeeh dilidgo łikání halchinii bikáá' náá'iiniihí bíighahgi łóód ats'íís yiyáanii naałdzidii hátáa'gi bidoolna'.

JOB Naaltsoos Biyi' Job Baa Hane'ii 6:4

Háálá t'áá ałtsogóó Aláahgo Ayóó'ábóodziilii ahishiiłkáahgo k'aa' shinídaaz'á; k'aa' bits'ą́ą́dóó báhádzidgo agháanii shitah hólǫ́; Diyin God bits'ą́ą́dóó bik'eda'íyée'ii shik'ijį' yideest'i'.

PSALMS 102:3

Háálá shíyoołkáłígíí łid nahalingo yóó'aheldóóh, áádóó konk'ehgi kǫ' bee honiilgaígi át'éego shits'in daneezgai.

PSALMS 102:5

Yéego dish'nínígíí biniinaa shikágí éí shits'in bídadiiłjéé'.

PSALMS 32:4

Háálá t'áá ákwíí jį́ índa t'áá ákwíí tł'éé' yéego atíshíł'į́įgo shį́įgo ałtso náhooltsei nahalingo shidziil ałtso shits'áldoh. Síilah.

PSALMS 51:8

Bee ił hózhóonii áádóó baa hózhóonii diists'a'go áshílééh, áko shits'in dahíníti'ii bił nídahodoojǫǫł.

PSALMS 6:2

Bóhólníihii nílíinii, shaa jiiníbaah, háálá doo shidziil da yishłeeł; Bóhólníihii nílíinii, náshíłdziih, háálá shits'in daneezgai.