PSALMS 32:3 - Navajo Bible

³ Doo ádaa hashne'góó shá bíighah dishnínígíí shits'íís yąąh niníyá.

PSALMS 32:3 ပူးပေါင်းရင်းမြစ်များ

II SAMUEL 11:27

Áádóó yínííł ałtso hwiih haaldogo David háká i'ííł'a'go bighanjį' baa ho'deedlóóz, áko be'asdzą́ą́ dzizlį́į́', áádóó ashkii bá jishchį́. Nidi David kójíít'įįdígíí bee Bóhólníihii doo bił hojííshǫǫd da.

JOB Naaltsoos Biyi' Job Baa Hane'ii 3:24

Yínííł nishłį́įgo adeeshį́į́ł yę́ę t'óó atínídinishdleeh, áádóó tó ch'ínílį́ nahalingo dinish'ní.

JOB Naaltsoos Biyi' Job Baa Hane'ii 30:17

Tł'ée'go shits'in shił náhoniiłgah; doo shił honók'e' át'éégóó shił nahonigaah.

JOB Naaltsoos Biyi' Job Baa Hane'ii 30:30

Shikágí éí deijį́į'go nahgóó ahit'ood; kǫ' hózhdínił nahalingo shits'in daneezgai.

PSALMS 22:1

ShiDiyin God, shiDiyin God, ha'át'éegoshą' yóó'ashidííní'ą́? Ha'át'éegoshą' shíká adíílwołgi doo deeghánídi shits'ąą honílǫ́, índa saad bee nidish'ni'ígíí bits'ą́ądi honílǫ́?

PSALMS 38:3

Doo nił hóózhǫǫdígíí biniinaa shitah nahastseed; sha'át'e' biniinaa shits'in dadiniih.

PSALMS 38:8

Ho'dishjizhígíí nahalingo shitah doo hwiináa da silį́į́'. Ayóo shijéí yidíłniihígíí bik'ee dish'ní.

PSALMS 51:8

Bee ił hózhóonii áádóó baa hózhóonii diists'a'go áshílééh, áko shits'in dahíníti'ii bił nídahodoojǫǫł.

PSALMS 6:2

Bóhólníihii nílíinii, shaa jiiníbaah, háálá doo shidziil da yishłeeł; Bóhólníihii nílíinii, náshíłdziih, háálá shits'in daneezgai.

PROVERBS 17:22

Ajéí bił hózhóonii éí azee' idééłnínígíí nahalingo yá'át'ééh, nidi yínííł hade át'įįhgo hatah doo ákóhooł'įįh da.

PROVERBS 28:13

T'áá háiida bee haz'áanii k'íiníti'ii yik'i hooziidii doo náás doogáał da, nidi t'áá háiida bee haz'áanii k'ízhníti'ii bee ádaa hojoolne'ii áádóó yóó'azhdíí'áanii Diyin God bibee aa a'ááh hasinii shóizhdoołt'eeł.

ISAIAH 51:20

Niyáázhké bił ch'aa dahazlį́į́'; jádí éí tł'óół naneesdizii yiih yíyá nahalingo kintahdi dah da'diitiingóó naazhjéé'; niDiyin God hodeeztehgo Bóhólníihii yee hashké niidzį́'ígíí bee hak'i yayiiyį́.

ISAIAH 57:17

Adánoolníigo yee ni'iisíhígíí bik'ee t'áá íiyisí sháháchį' áádóó bił dzidíłts'in; sháháchį'go ná'ádísh'į́į́', índa bijéí biyi'dóó ák'eh hal'į́įgo nitsékeesígíí bik'ehgo náás yigááł.

ISAIAH 59:11

Shash ádaanínígi át'éego, áádóó hasbídí t'óó a'áhígo ádaanínígi át'éego t'áá áníiltso ádadii'ní; t'áá ákogi áhooníłígíí hadadíit'į́į́', nidi doo hólǫ́ǫ da; yisdá'iildééh hadadíit'į́į́', nidi doo deeghánídi nihits'ą́ądi hólǫ́.

LAMENTATIONS 1:3

Júdah dine'é bich'į' nidahwii'náago áádóó naalte' daazlį́į'go t'ah yówehgo dabi'disná; ał'ąą dine'é bitahgóó kéédahojit'į́įgo háá'áyį́į́h há ádin áádóó atídahał'ínígíí t'áá ałtso łah hont'éhígi jideesdee'go dahasnááh.

LAMENTATIONS 3:4

Shitsį' áádóó shikágí haastihgo áyiilaa; shits'in niyiizti'.

LAMENTATIONS 3:8

Áádóó ałdó' yishcha índa dishwoshgo shisodizin doo shá yidiits'a' da.

HOSEA 7:14

Bitsásk'eh yikáa'gi chaał yáádaniit'áahgo bijéí tł'ááhdę́ę́' doo shich'į' ádaaníi da; áłah nádleehgo tł'oh naadą́ą́' índa wáin ániidíii dayókeed, nidi shich'į' nidaalteeh.

I SAMUEL 31:13

Áko dabits'in nídeidiinilgo Jéíbeshgi tsin sikaad léi' biyaajį' yóó'ádayiilaa, áádóó t'áadoo da'ayání tsosts'id jį́ azlį́į́'.